Aadi Saikumar: ”అతిథి దేవోభవ” అంటున్న ఆది సాయి కుమార్.. ఆకట్టుకుంటున్న పోస్టర్..
యంగ్ హీరో ఆది సాయి కుమార్ ఎప్పటినుంచో సరైన హిట్ కోసం ఎదురుచూస్తున్నాడు. నటుడు సాయికుమార్ వారసుడిగా ఎంట్రీ ఇచ్చాడు ఆది సాయికుమార్.
Aadi Saikumar: యంగ్ హీరో ఆది సాయి కుమార్ ఎప్పటినుంచో సరైన హిట్ కోసం ఎదురుచూస్తున్నాడు. నటుడు సాయికుమార్ వారసుడిగా ఎంట్రీ ఇచ్చాడు ఆది సాయికుమార్. మొదటి సినిమా ప్రేమ కావాలి సినిమాతోనే నటుడిగా మంచి గుర్తింపు తెచ్చుకున్నాడు. ప్రేమ కావాలి సినిమా ప్రేక్షులను ఆకట్టుకుంది. ఆ తర్వాత వచ్చిన లవ్లీ సినిమాకూడా మంచి విజయాన్ని అందుకుంది. అయితే ఈ రెండు సినిమాల తర్వాత ఆదికి సరైన హిట్ దక్కలేదు. వరసగా సినిమాలను చేస్తున్నా అవి ప్రేక్షకులను మాత్రం ఆకట్టుకోలేక పోతున్నాయి. అయినా సరే వెనకడుగు వేయకుండా సినిమాలు చేస్తూ దూకేసుపోతున్నాడు. ఈ క్రమంలోనే ఇప్పుడు మరో సినిమాతో ప్రేక్షకుల ముందుకు రాబోతున్నాడు. శ్రీనివాస సినీ క్రియేషన్స్ బ్యానర్‌లో రూపొందుతున్న ఈ చిత్రానికి ”అతిథి దేవోభవ” అనే టైటిల్‌ని ఖరారు చేశారు. తాజాగా ఈ సినిమా ఫస్ట్ లుక్ పోస్టర్‌ను విడుదల చేశారు. ఈ పోస్టర్ ప్రేక్షకులను ఆకట్టుకుంటుంది. సూటు బూటు వేసుకొని ఆది ఓ అద్దం వైపు పరుగెత్తుతున్నట్టు చూపించారు. మరో వైపు ఆ అద్దంలో ఆది హీరోయిన్‌ను హత్తుకున్నటు డిజైన్ చేశారు. ఫస్ట్ లుక్ పోస్టర్ ఈ ప్రాజెక్ట్ మీద మంచి ఇంప్రెషన్ కలిగిస్తోంది.
ఈ సినిమాలో ఆదికి జోడీగా నువేష్కా నటిస్తుంది. లవ్ అండ్ యాక్షన్ థ్రిల్లర్‌గా రూపొందుతున్న ”అతిథి దేవోభవ” సినిమాకు పొలిమేర నాగేశ్వర్ దర్శకత్వం వహిస్తున్నారు. ఇప్పటికే షూటింగ్ పూర్తి చేసుకున్న ఈ చిత్రాన్ని త్వరలోనే విడుదల చేయడానికి మేకర్స్ సన్నాహాలు చేస్తున్నారు.ఇక ఇప్పటికే ‘బ్లాక్’ అనే మూవీ చేస్తోన్న ఆది ‘అమరన్‌ ఇన్‌ ది సిటీ చాప్టర్‌-1’అనే సినిమాలో నటిస్తున్నాడు. ”బ్లాక్” అనే సినిమా కోసం ఆది సాయి కుమార్ తొలిసారిగా పోలీస్ డ్రెస్ వేసుకున్నాడు. ఇప్పటికే విడుదలైన టైటిల్, ఫస్ట్ లుక్, టీజర్‌ ఆకట్టుకున్నాయి.
మరిన్ని ఇక్కడ చదవండి :
భీమ్లా నాయక్ పుట్టినరోజుకు ముందుగానే పెద్ద ఎత్తున సందడి చేస్తున్న అభిమానులు..