Jabardasth Rithu: స్టార్ కమెడియన్ కొడుకుతో జబర్దస్త్ రీతూ.. ‘న్యూ బిగినింగ్’ అంటూ ఫొటోలు షేర్ చేసిన నటి

Jabardast Rithu Chowdary

యాంకర్‌గా కెరీర్ మొదలుపెట్టిన రీతూ చౌదరి ప్రారంభంలో పలు సీరియల్స్, షార్ట్ ఫిల్మ్స్‌లో నటించింది. అయితే జబర్దస్త్ కామెడీ షోతో మంచి గుర్తింపు తెచ్చుకుంది. ప్రస్తుతం ఆమె జబర్దస్త్ తో పాటు శ్రీదేవి డ్రామా కంపెనీ తదితర టీవీషోల్లోనూ సందడి చేస్తోందీ అందాల తార. అందంతో పాటు కామెడీ టైమింగ్ తో కుర్రకారును కవ్వించే ఈ ముద్దుగుమ్మకు సోషల్ మీడియాలో భారీ ఫ్యాన్ ఫాలోయింగ్ ఉంది. ట్రెండ్ కు తగ్గట్లు డ్రెస్సులు వేస్తూ కుర్రకారకు నిద్ర లేకుండా చేసే ఈ అందాల తార పై అప్పుడప్పుడు ట్రోలింగ్ కూడా జరుగుతుంటుంది. అయితే ఎన్ని విమర్శలు వచ్చినా తన పని తాను చేసుకుపోతుంటుందీ అమ్మడు . మోడ్రన్ డ్రెస్సులే కాదు అప్పుడప్పుడు సాంప్రదాయబద్ధంగా చీర కట్టి మెప్పించడం ఈ అందాల తార స్టైల్. అందుకే నెట్టింట ఈ ముద్దుగుమ్మకు భారీ క్రేజ్ ఉంది. సోషల్ మీడియాలో యాక్టివ్ గా ఉండే రీతూ చౌదరి తాజాగా ఇన్ స్టాగ్రామ్ లో పెట్టిన పోస్ట్ వైరల్ అవుతోంది. ఇందులో స్విమ్మింగ్ పూల్ పక్కన ఓ అబ్బాయితో ఫొటోలకు ఫోజులిచ్చిన ఆమె ‘న్యూ బిగినింగ్’ అని క్యాప్షన్ ఇచ్చింది.

అసలు విషయమిదే..

ప్రస్తుతం రీతూ షేర్ చేసిన పోస్ట్ సామాజిక మాధ్యమాల్లో బాగా వైరలవుతోంది. దీనిని చూసిన నెటిజన్లు రకరకాలుగా కామెంట్స్ పెడుతున్నారు. నిజానికి రీతూ చౌదరి వ్యాపార రంగంలో అడుగుపెట్టింది. ఇక ఆమెతో కలిసి ఫొటోలో కనిపిస్తున్న కుర్రాడి పేరు విజయ్ రాజా. అతను మరెవరో కాదు టాలీవుడ్ సీనియర్ నటుడు , కమెడియన్ శివాజీ రాజా కుమారుడు. ఇప్పుడు రీతూతో కలిసి
హాస్పిటాలిటీ, అతిథ్య రంగంలో sukha farm stay పేరుతో బిజినెస్ స్టార్ట్ చేస్తున్నాడు విజయ్. ఇందులో కంటైనర్ ఫార్మ్ స్టే , ప్రైవేట్ పూల్, ఔట్ డోర్ థియేటర్, ఈవెంట్ స్పేస్ , ఒకేసారి 300 మంది అతిథులు పాల్గొనేలా సకల సదుపాయాలు ఉన్నట్లు ఈ పోస్టులో చెప్పుకొచ్చారు.

విజయ్ రాజాతో రీతూ చౌదరి..

అయితే రీతు చౌదరి పోస్టును చూసిన నెటిజన్లు చాలా మంది విజయ్ రాజాతో ఆమె ప్రేమలో ఉందని, త్వరలోనే ఇద్దరు పెళ్లి చేసుకోనున్నారని అభిప్రాయపడుతున్నారు.

రీతూ చౌదరి లేటెస్ట్ ఇన్ స్టా గ్రామ్ ఫొటోస్..

మరిన్ని సినిమా వార్తల కోసం ఇక్కడ క్లిక్ చేయండి