కొన్ని కారణాల వలన బాలా దర్శకత్వంలో తెరకెక్కిన ‘అర్జున్ రెడ్డి’ రీమేక్ బాలా విడుదల అవ్వకుండానే ఆగిపోగా.. హీరో మినహా కొత్త టీమ్తో సినిమా మొత్తాన్ని మరోసారి షూటింగ్ చేయిస్తున్నారు నిర్మాతలు. ఈ నేపథ్యంలో సినిమా టైటిల్ను కూడా మార్చేశారు. ‘అదిత్య వర్మ’ అనే టైటిల్తో అర్జున్ రెడ్డి రీమేక్ రీ షూటింగ్ జరుపుకుంటుండగా.. గిరీషయ్య(తెలుగు అర్జున్ రెడ్డి అసిస్టెంట్) దర్శకత్వం వహిస్తున్నాడు. దీనికి సంబంధించిన ఫస్ట్లుక్ను తాజాగా చిత్ర యూనిట్ విడుదల చేసింది. ఇక ఈ చిత్రంలో ధృవ్ సరసన బాలీవుడ్ బ్యూటీ బానితా సంధు హీరోయిన్గా నటిస్తుండగా.. ప్రియా ఆనంద్ మరో కీలక పాత్రలో కనిపించనుంది. E4 ఎంటర్టైన్మెంట్స్ నిర్మిస్తున్న ఈ చిత్రానికి రథన్ సంగీతం అందిస్తున్నాడు.