సూపర్ స్టార్ రజినీకాంత్ హీరోగా తెరకెక్కుతోన్న చిత్రం ‘జైలర్’. రోబో తర్వాత సరైన విజయాన్ని అందుకోలేక పోయిన రజినీ ఈసారి ఎలాగైనా భారీ విజయాన్ని అందుకోవాలని ప్రతిష్టాత్మకంగా ఈ చిత్రాన్ని తెరకెక్కిస్తున్నారు. ‘పేట’ ప్రేక్షలకు ఆకట్టుకున్న కమర్షియల్గా మాత్రం ఆశించిన స్థాయిలో విజయాన్ని అందుకోలేకపోయింది. అందుకే జైలర్ సినిమా మేకింగ్ విషయంలో జాగ్రత్తలు తీసుకుంటున్నారు. ఇందులో భాగంగానే ఎలాంటి కాంప్రమైజ్ లేకుండా భారీ బడ్జెట్తో సినిమాను నిర్మిస్తున్నారు. నెల్సన్ కుమార్ దర్శకత్వం వహిస్తున్న ఈ సినిమా షూటింగ్ ప్రస్తుతం శరవేగంగా సాగుతోంది.
ఈ నేపథ్యంలోనే తాజాగా చిత్ర యూనిట్ ఈ సినిమాకు సంబంధించి ఓ అప్డేట్ను ఇచ్చారు. మేకింగ్ గ్లింప్స్ను అభిమానులతో పంచుకున్నారు. ఈ వీడియోలో రజినీకాంత్ అదిరిపోయే లుక్లో కనిపించి అందరినీ ఆకట్టుకుంటున్నాడు. గ్లింప్స్ను చూస్తే రజినీకాంత్ మరోసారి పవర్ ఫుల్ రోల్లో నటిస్తున్నట్లు స్పష్టమవుతోంది. ఇప్పటికే ఈ సినిమాకు సంబంధించి విడుదలైన ఫస్ట్ లుక్ పోస్టర్స్ సినిమాపై అంచనాలు పెంచగా ఈ మేకింగ్ గ్లింప్స్ సైతం మెస్మరైజ్ చేస్తోంది.
Here’s a glimpse of Superstar @rajinikanth from the sets of #Jailer ?
@Nelsondilpkumar @anirudhofficial pic.twitter.com/3EtAap0FUs
— Sun Pictures (@sunpictures) November 18, 2022
ఇదిలా ఈ సినిమాలో రమ్యకృష్ణ, ప్రియాంక అరుల్ మోహన్ కీలక పాత్రల్లో నటిస్తున్నారు. అనిరుధ్ సంగీతం అందిస్తున్నాడు. ఈ చిత్రాన్ని మేకర్స్ వచ్చే ఏడాది ఏప్రిల్లో విడుదల చేయడానికి సన్నాహాలు చేస్తున్నారు. ఏప్రిల్ 14న ముహుర్తం ఫిక్స్ చేసుకున్నారు. అనుకున్నవి అనుకున్నట్లు జరిగితే జైలర్ చిత్రం ఏప్రిల్ 14న థియేటర్లలో సందడి చేయనుంది. మరి ఎంతో ప్రతిష్టాత్మకంగా తెరకెక్కుతోన్న ఈ సినిమాలో ఇండస్ట్రీలో ఎలాంటి అలజడి సృష్టిస్తుందో చూడాలి.
మరిన్ని సినిమా వార్తల కోసం క్లిక్ చేయండి..