ప్రస్తుతం రాజమౌళి దర్శకత్వంలో ఆర్ఆర్ఆర్లో నటిస్తోన్న రామ్ చరణ్.. తదుపరి చిత్రంపై ఇంకా క్లారిటీ రాలేదు. మరోవైపు చెర్రీ ఎవరి దర్శకత్వంలో నటిస్తారో తెలుసుకునేందుకు ఫ్యాన్స్ ఆసక్తిగా ఎదురుచూస్తున్నారు. ఈ క్రమంలో పలువురి దర్శకుల పేర్లు ఫిలింనగర్ వర్గాల్లో వినిపించాయి. కొరటాల శివ, గౌతమ్ తిన్ననూరి, సుజీత్తో పాటు మరో కొత్త దర్శకుడి పేరు ఈ లిస్ట్లో వినిపించింది. ఇదిలా ఉంటే వీరందరిలో చెర్రీ, గౌతమ్ తిన్ననూరికే ఓటేసినట్లు తెలుస్తోంది. ఇటీవల గౌతమ్, చెర్రీకి ఓ లవ్స్టోరీని వినిపించారట.
ఆ స్టోరీ ఓ ఆంధ్ర అబ్బాయికి, పంజాబీ అమ్మాయికి మధ్య జరగనుందట. ఇక ఈ కథను విన్న చెర్రీ.. చాలా ఇంప్రెస్ అయ్యారట. ఆరెంజ్ తరువాత ఇంతవరకు లవ్ స్టోరీని చేయని చెర్రీ.. ఈ స్టోరీకి చాలా ఫిదా అయ్యారట. ఈ క్రమంలో కచ్చితంగా చేస్తానని గౌతమ్కు మాట ఇచ్చారట. దీనిపై త్వరలోనే అధికారిక ప్రకటన రానున్నట్లు కూడా తెలుస్తోంది. ఒకవేళ ఇదే నిజమైతే.. మరో క్రేజీ కాంబో టాలీవుడ్లో రాబోతోంది. కాగా గౌతమ్ తిన్ననూరి ప్రస్తుతం హిందీలో జెర్సీ రీమేక్ను తెరకెక్కిస్తున్నారు. షాహిద్ కపూర్ ఇందులో హీరోగా నటిస్తుండగా.. దిల్ రాజు, అల్లు అరవింద్ సంయుక్తంగా నిర్మిస్తున్నారు. ఈ మూవీ ఆగష్టు 28న ప్రేక్షకుల ముందుకు రానుంది. ఇక రామ్ చరణ్ నటిస్తోన్న ఆర్ఆర్ఆర్ వచ్చే ఏడాది జనవరి 8న విడుదల కాబోతోంది. ఈ సినిమాలో ఎన్టీఆర్, రామ్ చరణ్ తొలిసారి కలిసి నటిస్తుండగా.. ఈ ప్రాజెక్ట్పై అన్ని ఇండస్ట్రీల్లోనూ భారీ అంచనాలు ఉన్నాయి.
Read This Story Also: బిగ్ బ్రేకింగ్.. ప్రణయ్ హత్యకేసు నిందితుడు మారుతీరావు ఆత్మహత్య