Pawan Kalyan: పవన్ కళ్యాణ్‌ వీరాభిమాని పాదయాత్ర.. పవన్‌ను కలిసేందుకు మహబూబ్‌నగర్ జిల్లా నుంచి హైదరాబాద్‌కు..!

Pawan Kalyan: సినీ నటుడు, జనసేన పార్టీ అధినేత పవన్ కళ్యాన్ ను కలిసేందుకు పాదయాత్రగా బయలు దేరాడు ఓ వీరాభిమాని. చిన్ననాటి నుంచి పవన్ కళ్యాణ్ ను అభిమానించే..

Updated on: Jun 30, 2021 | 5:40 AM

Pawan Kalyan: సినీ నటుడు, జనసేన పార్టీ అధినేత పవన్ కళ్యాన్ ను కలిసేందుకు పాదయాత్రగా బయలు దేరాడు ఓ వీరాభిమాని. చిన్ననాటి నుంచి పవన్ కళ్యాణ్ ను అభిమానించే రవి అనే అభిమాని.. పలు మార్లు ఆయనను కలిసేందుకు ప్రయత్నం చేశాడు. కానీ సాధ్యం కాలేకపోయింది. పవన్ ను ఎట్టి పరిస్థితుల్లో కలవాలనే ఉద్దేశంతో హైదరాబాద్ కు పాదయాత్ర మొదలు పెట్టాడు రవి. మహబూబ్ నగర్ జిల్లా చిన్నచింతకుంట మండలం అమ్మాపురం గ్రామానికి చెందిన రవికి హీరో పవన్ కళ్యాణ్ అంటే ఎంతో ప్రేమ. పవన్ కళ్యాణ్ నటించిన ప్రతి సినిమాను చూడడమే కాకుండా ఆయనలా నిత్యజీవితంలోనూ ఉండే ప్రయత్నం చేసే వాడు రవి.

పవన్ కళ్యాణ్‌ను కలిసి తన అభిమానాన్ని చాటాలని చాలా సార్లు అనుకున్నాడు. కానీ నెరవేరలేదు. అయినప్పటికీ రవి వెనుకడుగు వేయలేదు. ఎట్టి పరిస్థితుల్లో పవన్ కళ్యాణ్ ను కలవాలనే ఉద్దేశంతో ఒంటరిగా అమ్మాపురం నుంచి పాదయాత్రగా హైదరాబాద్ కు బయలు దేరాడు. పవన్ పట్ల రవి చూపుతున్న అభిమానాన్ని అమ్మాపురం గ్రామస్తులు కొనియాడుతున్నారు. రవికి మద్దతుగా నిలుస్తున్నారు గ్రామస్తులు.