Premalu OTT: సూపర్ హిట్ ప్రేమలు ఓటీటీ రిలీజ్ డేట్ ఫిక్స్ !.. ఎప్పుడు ఎక్కడ చూడొచ్చంటే..

ఇక ఇప్పటివరకు దాదాపు ఆరు కోట్లకు పైగా వసూళ్లు రాబట్టినట్లు తెలుస్తోంది. ప్రమోషన్స్ పెద్దగా లేకపోయినా తెలుగు రాష్ట్రాల్లో మాత్రం ఈ సినిమాకు పాజిటివ్ టాక్ వచ్చింది. మలయాళంలో భారీ విజయాన్ని అందుకున్న ఈ చిత్రం తెలుగులో మాత్రం రికార్డ్స్ స్థాయిలో కలెక్షన్స్ రాబడుతుంది. హైదరాబాద్ బ్యాక్ డ్రాప్ లో వచ్చిన ఈ యూత్ ఫుల్ లవ్ ఎంటర్టైనర్ యూత్ కు కనెక్ట్ అయ్యింది.

Premalu Movie

Rajitha Chanti |
Updated on: Mar 20, 2024 | 2:38 PM

ఇప్పుడు యూత్‏కు తెగ నచ్చేసిన సినిమా ప్రేమలు. మలయాళంలో బ్లాక్ బస్టర్ హిట్ అయిన ఈ చిత్రాన్ని డైరెక్టర్ రాజమౌళి తనయుడు కార్తీకేయ తెలుగులో రిలీజ్ చేసిన సంగతి తెలిసిందే. మార్చి 8న శివరాత్రి కానుకగా తెలుగు అడియన్స్ ముందుకు వచ్చిన ఈ చిత్రానికి మంచి రెస్పాన్స్ వచ్చింది. కేవలం రూ. 1.6 కోట్ల బ్రేక్ ఈవెన్ టార్గెట్ తో బరిలోకి దిగిన ఈ మూవీ నాలుగు రోజులకే టార్గెట్ ఫినిష్ చేసింది. ఇక ఇప్పటివరకు దాదాపు ఆరు కోట్లకు పైగా వసూళ్లు రాబట్టినట్లు తెలుస్తోంది. ప్రమోషన్స్ పెద్దగా లేకపోయినా తెలుగు రాష్ట్రాల్లో మాత్రం ఈ సినిమాకు పాజిటివ్ టాక్ వచ్చింది. మలయాళంలో భారీ విజయాన్ని అందుకున్న ఈ చిత్రం తెలుగులో మాత్రం రికార్డ్స్ స్థాయిలో కలెక్షన్స్ రాబడుతుంది. హైదరాబాద్ బ్యాక్ డ్రాప్ లో వచ్చిన ఈ యూత్ ఫుల్ లవ్ ఎంటర్టైనర్ యూత్ కు కనెక్ట్ అయ్యింది.

డైరెక్టర్ గిరీశ్ దర్శకత్వం వహించిన ఈ కామెడీ టీనేజ్ రొమాంటిక్ లవ్ స్టోరీలో మలయాళీ యంగ్ హీరో నస్లెన్, హీరోయిన్ మమిత బైజు జంటగా నటించారు. ఈ చిత్రాన్ని పుష్ప నటుడు ఫహద్ ఫాజిల్ నిర్మాతగా వ్యవహరించారు. ఈ సినిమాలో శ్యామ్ మోహన్, మీనాక్షి రవీంద్రన్, అఖిలా భార్గవన్, అల్తాఫ్ సలీం, మాథ్యూ థామస్, సంగీత్ ప్రతాప్ కీలకపాత్రలలో నటించారు. ఈ చిత్రానికి కాలేజీ స్టూడెంట్స్ నుంచి మంచి రెస్పాన్స్ వస్తుంది. ఇదిలా ఉంటే.. ఇన్నాళ్లు థియేటర్లలో అలరిస్తున్న ఈ సినిమా ఇప్పుడు ఓటీటీ రిలీజ్ డేట్ ఫిక్స్ చేసుకున్నట్లు తెలుస్తోంది.

లేటేస్ట్ అప్డేట్ ప్రకారం.. ఈ మూవీని మార్చి 29 నుంచి తెలుగు, మలయాళం, తమిళం భాషలలో ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో స్ట్రీమింగ్ చేయనున్నట్లు తెలుస్తోంది. దీనిపై త్వరలోనే అధికారిక ప్రకటన రానుందని అంటున్నారు. ఈ సినిమాకు విష్ణు విజయ్ సంగీతం అందించారు. ఇక ఈసినిమా ఓటీటీ స్ట్రీమింగ్ కోసం వెయిట్ చేస్తున్న అభిమానులకు ఇది గుడ్ న్యూస్ అనే చెప్పాలి.