Shakeela OTT: ఐదేళ్ల తర్వాత సడెన్‌గా ఓటీటీలోకి వచ్చేసిన షకీలా బయోపిక్.. ఎక్కడ చూడొచ్చంటే?

ప్రముఖ నటి షకీలా జీవితం ఆధారంగా బాలీవుడ్ లో తెరకెక్కిన చిత్రం షకీలా. ఇంద్రజీత్‌ లంకేశ్‌ తెరెక్కించిన ఈ బయోపిక్ లో షకీలా పాత్రలో బాలీవుడ్ అందాల తార రిచా చద్దా నటించింది. అలాగే పంకజ్‌ త్రిపాఠీ, టాలీవుడ్ నటి ఎస్తర్‌ నోరన్హ, రాజీవ్‌ పిళ్లై, శివ రానా, కాజోల్‌ చుగ్, సందీప్‌ మలని తదితరులు కీలక పాత్రలు పోషించారు. 2020 డిసెంబర్ 25న థియేటర్లలో ఈ సినిమా విడుదలైంది. హిందీ, తమిళ,తెలుగు, కన్నడ భాషల్లో ఈ బయోపిక్ ను రిలీజ్‌ చేశారు. అయితే షకీలా సినిమా యావరేజ్ గా నిలిచింది. ఎక్కువగా అడల్డ్ కంటెంట్ ఉండడంతో ఓ వర్గం ప్రేక్షకులు మాత్రమే ఈ సినిమాను ఆదరించారు. దీనికి తోడు షకీలాకు ఉన్న క్రేజ్‌ వల్ల ఈ మూవీ విడుదలైన వెంటనే పైరసీ బారిన పడింది. ఏకంగా యూట్యూబ్‌లలో కూడా ఈ చిత్రాన్ని షేర్‌ చేశారు. కాగా ఇప్పుడీ బోల్డ్ మూవీ సడెన్ గా ఓటీటీలోకి వచ్చేసింది. థియేటర్లలో రిలీజైన ఐదేళ్ల తర్వాత షకీలా మూవీ స్ట్రీమింగ్ కు రావడం గమనార్హం. అది కూడా ఎలాంటి ముందస్తు ప్రకటన లేకుండానే.

ప్రముఖ ఓటీటీ ప్లాట్ ఫామ్ అమెజాన్ ప్రైమ్‌లో షకీలా సినిమా స్ట్రీమింగ్ అవుతోంది. అయితే ప్రస్తుతం కేవలం హిందీ వెర్షన్ మాత్రమే అందుబాటులో ఉంది. దీంతో టాలీవుడ్‌ ఆడియెన్స్ తెలుగు వర్షన్‌ కోసం సోషల్ మీడియా వేదికగా పోస్టులు పెడుతున్నారు. అయితే మరో రెండురోజుల్లో షకీలా తెలుగు వర్షన్‌ కూడా స్ట్రీమింగ్‌కు రావచ్చని తెలుస్తోంది.

ఇవి కూడా చదవండి

ఓటీటీలో దుమ్ము రేపుతోన్న లక్కీ భాస్కర్.. ఎక్కడ చూడొచ్చంటే?

మెగా, అల్లు క్యాంపుల్లో బన్నీ వాసుకు మరింత ప్రాధాన్యం

మరికాసేపట్లో ఓటీటీలోకి కన్నడ బ్లాక్ బస్టర్ మూవీ.. తెలుగులోనూ..

నిక్కీ గల్రానీతో విడాకుల వార్తలు.. సంచలన విషయం బయట పెట్టేసిన హీరో

అమెజాన్ ప్రైమ్ లో స్ట్రీమింగ్..

#Shakeela (2020, Hindi) by @ILankesh, ft. @RichaChadha @TripathiiPankaj @EsterNoronha #RajeevPillai #SheevaRana #KajolChugh & #SuchendraPrasad, now streaming on @PrimeVideoIN.@meetbros #VeerSamarth @kumaarofficial @Ufomoviez @ZeeMusicCompany @ShakeelaMovie @MilanTalkies pic.twitter.com/pkIz5drFMm

— CinemaRare (@CinemaRareIN) February 26, 2025

ప్రకాష్‌ పళని సమర్పణలో సమ్మి నన్వనీ, శరవణ ప్రసాద్‌ ‘షకీలా’ చిత్రాన్ని నిర్మించారు. వీర్ సమర్థ్ సంగీతం అందించారు. కాగా మహేష్ బాబు హీరోగా నటించిన పోకిరి సినిమాలో ప్రకాశ్ రాజ్ గర్ల్ ఫ్రెండ్ గా నటించిన శివ్ రానా ఈ సినిమాలో సిల్క్ స్మిత రోల్ పోషించడం విశేషం. సినిమా ఇండస్ట్రీలో మంచి న‌టిగా పేరు తెచ్చుకోవాల‌నుకున్న ష‌కీలా.. శృంగార తార‌గా ఎలా మారిందన్నదే సినిమా కథ. షకీలా పడ్డ కష్టాలు, సొంత కుటుంబ సభ్యుల నుండి ఆమెకు ఎదురైన అవమానాలు, మోసాలను ఈ మూవీలో చూపించారు

షకీలా సినిమా ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి.