OTT Movie: 7 కోట్లతో తీస్తే 75 కోట్ల కలెక్షన్లు.. ఓటీటీలో మలయాళ సస్పెన్స్ థ్రిల్లర్.. తెలుగులోనూ చూడొచ్చు

Kishkindha Kaandam Movie

ఓటీటీలో మలయాళ సినిమాలకు ఉన్న ఆదరణ, క్రేజ్ గురించి ప్రత్యేకంగా చెప్పక్కర్లేదు. సహజత్వానికి దగ్గరగా ఆకట్టుకునే కథా కథనాలు, నటీనటుల అద్భుత పర్ఫామెన్స్ తో మాలీవుడ్ మూవీస్ ఇప్పుడు డిజిటల్ స్ట్రీమింగ్ ప్లాట్ ఫామ్స్ పై అదరగొడుతున్నాయి. అలా ఇప్పుడు మరొక మలయాళ సినిమా ఓటీటీలో దుమ్ము రేపుతోంది. అలాగనీ ఆ సినిమాలో స్టార్ నటీనటులు లేరు. ఒక్క పాట లేదు. ఫైట్స్ కూడా లేవు. కానీ ఈ సినిమా చూసిన వారందరూ థ్రిల్ గా ఫీలవుతున్నారు. అంతేకాదు సినిమాపై తమ అభిప్రాయాలను సోషల్ మీడియాలో పంచుకుంటున్నారు. అంతలా ఆడియెన్స్ ను ఆకట్టుకుంటోన్న ఆ సినిమా పేరు కిష్కింద కాండం. పేరు చెప్పగానే ఇదేదో జానపద సినిమా అనుకునేరు. అదేమీ కాదు.. ఇదొక ఇంటెన్స్ సస్పెన్స్ థ్రిల్లర్ మూవీ. దర్శకుడు దింజిత్‌ అయ్యతన్‌ తెరకెక్కించిన కిష్కింద కాండం సినిమాలో సిఫ్‌ అలీ, అపర్ణా బాలమురళి, విజయ రాఘవన్‌, జగదీశ్‌, అశోకన్‌ తదితరులు ప్రధాన పాత్రలు పోషించారు. కేవలం రూ.7 కోట్లతో ఈ మూవీ తీస్తే బాక్సాఫీస్‌ వద్ ఏకంగా రూ.75 కోట్ల కలెక్షన్లు రాబట్టింది. ఈ ఏడాది మలయాళంలో విడుదలై అత్యధిక వసూళ్లు సాధించిన టాప్‌-10 చిత్రాల్లో ఒకటిగా ఈ కిష్కింద కాండం సినిమా నిలిచింది. ఇలా థియేటర్లలో ఆడియెన్స్ ను థ్రిల్ కు గురిచేసిన ఈ సస్పెన్స్ థ్రిల్లర్ మూవీ ఇప్పుడు ఓటీటీలోకి వచ్చేసింది.

కిష్కింద కాండం సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ డిస్నీ ప్లస్ హాట్ స్టార్ సొంతం చేసుకుంది .ఇటీవలే ఈ సినిమాను స్ట్రీమింగ్ కు తీసుకొచ్చింది. మలయాళంతో పాటు తెలుగు, తమిళ్, కన్నడ, హిందీ భాషల్లోనూ కిష్కింద కాండం సినిమాను అందుబాటులోకి తీసుకొచ్చింది. ప్రస్తుతం ఓటీటీ ఆడియెన్స్ ఈ సినిమాను తెగ చూసేస్తున్నారు. ఇక సినిమా కథ విషయానికి వస్తే.. ‘కిష్కింద కాండం’ టైటిల్‌కు తగ్గట్టుగానే ఇది కోతులు తిరిగే ప్రదేశంలో జరిగే కథ. అలాగే ఒక కోతి శవం కారణంగానే కథ కూడా ఊహించని మలుపులు తిరుగుతుంది. అదేంటో తెలుసుకోవాలంటే కిష్కంద కాండం సినిమాను చూడాల్సిందే. సస్పెన్స్, థ్రిల్లర్ సినిమాలను ఇష్టపడేవారికి ఈ మూవీ ఒక మంచి ఛాయిస్ అని చెప్పవచ్చు.

డిస్నీ ప్లస్ హాట్ స్టార్ లో స్ట్రీమింగ్.. తెలుగులోనూ..

కిష్కింద కాండం ట్రైలర్..

.మరిన్ని సినిమా వార్తల కోసం ఇక్కడ క్లిక్ చేయండి.