OTT: మనుషులను తినే నరమాంస భక్షకులు నగరానికి వస్తే! ఓటీటీలో ఈ తెలుగు క్రైమ్ థ్రిల్లర్‌ మూవీని చూశారా?

OTT Movie

Follow us on

ప్రేక్షకుల అభిరుచికి తగ్గట్టుగానే పలు ఓటీటీలు సస్పెన్స్, హారర్, క్రైమ్ థ్రిల్లర్ కంటెంట్‌ను ఎక్కువగా అందిస్తున్నాయి. అలా గతేడాది థియేటర్లలో రిలీజైన ఒక సూపర్ హిట్ సస్పెన్స్ క్రైమ్ థ్రిల్లర్ సినిమా ఇప్పుడు ఓటీటీలోకి వచ్చేసింది. అదే అశ్విన్ బాబు హీరోగా నటించిన హిడింబ. 2023  జులై 20న థియేటర్లలో విడుదలైన ఈ మూవీకి మంచి స్పందన వచ్చింది. ఆ తర్వాత ప్రముఖ తెలుగు ఓటీటీ ప్లాట్ ఫామ్ ఆహాలోనూ హిడింబ సినిమా స్ట్రీమింగ్ కు వచ్చేసింది. రికార్డు స్థాయిలో వ్యూస్ సొంతం చేసుకుంది. అయితే ఇప్పుడీ సినిమా మరో ఓటీటీలోకి వచ్చేసింది. ‘అమెజాన్ ప్రైమ్ వీడియో’లోనూ హిడింబ సినిమా స్ట్రీమింగ్ అవుతోంది. అయితే ప్రస్తుతం తెలుగు వెర్షన్ మాత్రమే స్ట్రీమింగ్ అవుతోంది. మరి ఈ ఓటీటీలో హిడింబ సినిమాకు ఎలాంటి రెస్పాన్స్ వస్తుందో చూడాలి.

అనిల్‌ కన్నెగంటి తెరకెక్కించిన ఈ సినిమాలో నందితా శ్వేతా హీరోయిన్ గా నటించింది. శ్రీనివాసరెడ్డి, సాహితీ అవంచ, సంజయ్ స్వరూప్, శిజ్జు, విద్యులేఖ రామన్, రాజీవ్ కనకాల, శుభలేఖ సుధాకర్, ప్రమోదిని, రఘుకంచె తదితరులు కీలక పాత్రలు పోషించారు. ఏకే ఎంటర్‌టైన్మెంట్‌ బ్యానర్‌పై గంగపట్నం శ్రీధర్‌ నిర్మించి హిడింబ సినిమాకు అనిల్‌ సుంకర సమర్పకుడిగా వ్యవహరించారు.

ఆహాతో పాటు అమెజాన్ ప్రైమ్ లో నూ హిడింబ స్ట్రీమింగ్..

హిడింబ సినిమా కథ విషయానికొస్తే.. హైదరాబాద్ లో కొందరు అమ్మాయిలు వరుసగా కిడ్నాప్‌కు గురవుతారు. దీని వెనక గల మిస్టరీని ఛేదించేందుకు స్పెషల్‌ ఆఫీసర్లుగా నందిత, అశ్విన్ బాబు రంగంలోకి దిగుతారు. అదే సమయంలో హిడింబ అనే ఓ తెగకు చెందిన ఓ వ్యక్తి జనారణ్యంలోకి వచ్చాడని తెలుస్తుంది. మరి తప్పిపోయిన మహిళలకు హిడింబ తెగకు సంబంధమేమిటి? కిడ్నాప్ అయిన అమ్మాయిలందరూ ఏమయ్యారో తెలుసుకోవాలంటే హిడింబ సినిమాను చూడాల్సిందే

మరిన్ని సినిమా వార్తల కోసం ఇక్కడ క్లిక్ చేయండి.