శ్రీదేవి లేకుండా సీక్వెల్.. తన వల్ల కాదన్న దర్శకుడు

శ్రీదేవి లేకుండా ఆ మూవీని తాను తెరకెక్కించలేనని మరోసారి స్పష్టం చేశారు బాలీవుడ్ దర్శకుడు శేఖర్ కపూర్. అనిల్ కపూర్, శ్రీదేవి జంటగా ఈ దర్శకుడు 1987లో ‘మిస్టర్ ఇండియా’ చిత్రాన్ని తెరకెక్కించిన విషయం తెలిసిందే. అప్పట్లో విమర్శల ప్రశంసలు అందుకున్న ఈ చిత్రం.. ఘన విజయం సాధించింది. అయితే ఈ మూవీకి సీక్వెల్‌పై మరోసారి వార్తలు వచ్చాయి. ఇటీవల శేఖర్ కపూర్‌తో కలిసి ఉన్న ఓ ఫొటోను షేర్ చేసిన అనిల్ కపూర్.. దానికి కామెంట్‌గా మిస్టర్ ఇండియా సీక్వెల్‌ను ప్రస్తావించాడు. దీంతో ఈ సీక్వెల్ తెరకెక్కనుందంటూ జోరుగా ప్రచారం జరిగింది.

Feels like déjà vu! @shekharkapur & I are deep in discussion about something new and super exciting! We’re hoping to create the same magic we did before with Mr. India…The cap adjustment was lucky then, and it might do the trick this time as well! ? pic.twitter.com/Je9she0YGp

— Anil Kapoor (@AnilKapoor) May 17, 2019

అయితే దీనిపై తాజాగా స్పందించిన శేఖర్ కపూర్.. ‘‘శ్రీదేవి మరణించారు. మిస్టర్ ఇండియా 2 కూడా లేనట్లే. ఆమె లేకుండా ఈ చిత్రాన్ని ఊహించుకోలేను. అనిల్ ఒప్పుకున్నా.. ఈ చిత్ర నిర్మాత బోని కపూర్ ఉద్దేశం కూడా నాకు తెలీదు. కానీ ఆ సీక్వెల్‌కు మాత్రం నేను దర్శకత్వం వహించలేను. ఆమె లేకుండా ఈ సీక్వెల్ సాధ్యం కాదు’’ అంటూ పేర్కొన్నారు. కాగా మిస్టర్ ఇండియా చిత్రంలో శ్రీదేవి నటన మరవలేనిది. ఆ పాత్రలో ఆమెను తప్ప మరెవరినీ ఊహించుకోలేమన్నది సినీ ఇండస్ట్రీ ఎరిగిన సత్యం. ఈ నేపథ్యంలోనే ఆమె లేకుండా తాను ఈ సినిమాను తీయలేనని దర్శకుడు శేఖర్ కపూర్ తేల్చి చెప్పారు.