Mahesh Babu : మహేశ్ బాబు కుటుంబంలో మొదలైన పెళ్లి సందడి.. ఫోటోస్ షేర్ చేసిన నమ్రతా..
ప్రస్తుతం టాలీవుడ్‌లో పెళ్లిళ్ల సీజన్ నడుస్తోంది. 'ఇరుముడి' హీరోయిన్ ప్రియా భవానీ శంకర్ రెండు రోజుల క్రితం వివాహం చేసుకున్నారు. హీరోలు సాయిధరమ్ తేజ్, తేజా సజ్జా కూడా వచ్చే నెలలో పెళ్లి పీటలెక్కనున్నారు. ఇప్పుడు మహేశ్ కుటుంబంలోనూ ఇదే సందడి కనిపిస్తోంది. ఇందుకు సంబంధించిన ఫోటోలను నమ్రతా శిరోద్కర్ సోషల్ మీడియా వేదికగా షేర్ చేశారు.
సూపర్ స్టార్ మహేశ్ బాబు కుటుంబంలో పెళ్లి సందడి మొదలైంది. ఆయన మేనల్లుడు గల్లా సిద్ధార్థ్ త్వరలో ఓ ఇంటివాడు కాబోతున్నారు. ఈ వివాహానికి సంబంధించిన ప్రీ వెడ్డింగ్ వేడుకలు ఇప్పటికే ప్రారంభమయ్యాయి. మహేశ్ భార్య నమ్రత శిరోద్కర్ ఈ వేడుకలకు సంబంధించిన ఫొటోలను సోషల్ మీడియాలో షేర్ చేయగా సోషల్ మీడియాలో వైరల్ అవుతున్నాయి. మహేశ్ సోదరి పద్మావతి, మాజీ ఎంపీ గల్లా జయదేవ్ దంపతుల చిన్న కుమారుడు గల్లా సిద్ధార్థ్. పెద్ద కుమారుడు అశోక్ గల్లా 2022లో వచ్చిన ‘హీరో’ సినిమాతో హీరోగా పరిచయమయ్యారు. అన్న సినిమాల్లో ఉన్నా, సిద్ధార్థ్ మాత్రం సినీ రంగానికి దూరంగా ఉన్నారు. ఆయన ప్రస్తుతం కుటుంబ వ్యాపార వ్యవహారాలు చూసుకుంటున్నారు. అయితే సిద్ధార్థ్ దక్షిణ కొరియాకు చెందిన యువతిని వివాహం చేసుకోనున్నారు. వీరి ప్రేమ ఎక్కడ, ఎలా మొదలైందో బయటకు తెలియలేదు. కుటుంబ సభ్యులను ఒప్పించి పెళ్లికి సిద్ధమయ్యారు. ఈ ఏడాది జూలైలో వీరి నిశ్చితార్థం జరిగింది. అప్పట్లో ఆ వేడుక ఫొటోలు సోషల్ మీడియాలో బాగా వైరల్ అయ్యాయి. ఇక ఇప్పుడు పెళ్లి సమయం దగ్గర పడడంతో ప్రీ వెడ్డింగ్ సెలబ్రేషన్స్ మొదలయ్యాయి. ఈ క్రమంలోనే ఈ వేడుకలలో కుటుంబ సభ్యులు, సన్నిహితులు పాల్గొని సందడి చేశారు.
అశోక్ గల్లా వివాహ వేడుకలకు ఘట్టమనేని మరియు గల్లా కుటుంబ సభ్యులు, అత్యంత సన్నిహితులు మాత్రమే హాజరైనట్లు తెలుస్తోంది. ప్రీ-వెడ్డింగ్ సెలబ్రేషన్స్‌లో భాగంగా నిర్వహించిన కార్యక్రమాలలో కుటుంబ సభ్యులందరూ ఎంతో ఉత్సాహంగా పాల్గొని సందడి చేశారు. సాంప్రదాయ వస్త్రధారణలో ఉన్న కుటుంబ సభ్యుల ఫోటోలు నెటిజన్లను ఎంతగానో ఆకట్టుకుంటున్నాయి. ఇండస్ట్రీ వర్గాలకు చెందిన పలువురు ప్రముఖులు ఈ యువ హీరోకు ముందుగా అభినందనలు తెలియజేస్తున్నారు.
సినిమాల విషయానికి వస్తే, మహేశ్ ప్రస్తుతం రాజమౌళి దర్శకత్వంలో ‘వారణాసి’లో నటిస్తున్నారు. ఈ చిత్రం వచ్చే ఏడాది ఏప్రిల్‌లో విడుదల కానుంది. సిద్ధార్థ్ వివాహ తేదీ, వేదిక గురించి కుటుంబం ఇంకా అధికారికంగా ప్రకటించలేదు.
ఎక్కువ మంది చదివినవి : Srikanth : ఇప్పుడు ఉన్న హీరోలలో ఆ ఇద్దరితో కలిసి నటించే ఛాన్స్ మాత్రం రాలేదు.. శ్రీకాంత్ కామెంట్స్..
నమ్రతా శిరోద్కర్..
ఎక్కువ మంది చదివినవి : Rajeev Kanakala: ఆ సినిమా హిట్ కాదేమో అని తారక్ చాలా ఎమోషనల్ అయ్యాడు.. కట్ చేస్తే.. బ్లాక్ బస్టర్ హిటైన మూవీ..