Uppena Movie : విజయ్ దేవరకొండ చేతులమీదుగా ‘ఉప్పెన’ మూవీ సాంగ్.. ఆకట్టుకుంటున్న మెలోడీ

Uppena Movie : నూతన దర్శకుడు బుచ్చిబాబు సనా దర్శకత్వంలో తెరకెక్కుతున్న సినిమా ‘ఉప్పెన’. మెగా కాంపౌండ్ నుంచి వైష్ణవ్ తేజ్ హీరోగా పరిచయం అవుతున్న ఈ సినిమాలో కృతిశెట్టి హీరోయిన్ గా నటిస్తుంది. అందమైన ప్రేమ కావ్యంగా తెరకెక్కుతున్న ఈ సినిమాను మైత్రి మూవీస్, సుకుమార్ సంయుక్తంగా నిర్మిస్తున్నారు. దేవీశ్రీ ప్రసాద్ సంగీతం సమకూరుస్తున్నారు.

ఇప్పటికే విడుదలైన పోస్టర్లు, టీజర్, పాటలు ప్రేక్షకులను ఆకట్టుకుంటున్నాయి. తాజాగా ఈ సినిమానుంచి మరో అందమైన మెలోడీ ప్రేక్షకులముందుకు వచ్చింది. జల జల జలపాతం అంటూ సాగే పాటను రిలీజ్ చేశారు. ఈ పాటను క్రేజీ హీరో విజయ్ దేవరకొండ లాంచ్ చేశారు. శ్రీమణి సాహిత్యం అందించిన ఈ పాట శ్రోతలను ఆకట్టుకుంటుంది. ఈ పాటను విడుదల చేస్తూ సోషల్ మీడియా ద్వారా చిత్రయూనిట్ కు శుభాకాంక్షలు తెలిపాడు విజయ్ దేవరకొండ.