మణి సార్ ప్రాజెక్ట్ నుంచి స్వీటీ వాకౌట్.. కారణం ఇదే!

లేడి సూపర్‌స్టార్ నయనతార తర్వాత అంతటి ఫ్యాన్ ఫాలోయింగ్‌ను తెచ్చుకున్న అనుష్క… ప్రస్తుతం ‘నిశ్శబ్దం’ అనే సినిమా చేస్తున్న సంగతి తెలిసిందే. అంతేకాక మెగాస్టార్ చిరంజీవి ‘సైరా’లోనూ కీలక పాత్ర పోషిస్తోంది. అటు మణిరత్నం కొత్త ప్రాజెక్ట్ ‘పొన్నియన్ సెల్వన్’ లో కూడా నటించేందుకు అనుష్క మొదట గ్రీన్ సిగ్నల్ ఇచ్చిన సంగతి తెలిసిందే.

అయితే తాజా సమాచారం ప్రకారం ఈ సినిమా నుంచి అనుష్క తప్పుకుందట. దానికి ప్రధాన కారణం తమిళ గేయ రచయిత వైరముత్తు ఈ చిత్రంలో భాగం కావడమేననే ఇన్‌సైడ్ టాక్. కొంతకాలం క్రితం వైరముత్తుపై సింగర్ చిన్మయి లైంగిక వేధింపుల ఆరోపణలు చేసింది. అప్పట్లో #మీటూ ఉద్యమం తీవ్రస్థాయికి చేరుకుంది. దీంతో #మీటూ ఆరోపణలు ఎదుర్కొన్నవారితో పని చేసేందుకు ప్రముఖ సెలబ్రిటీస్ అందరూ కూడా నిరాకరించారు. ఈ విషయాన్ని అనుష్క బహిరంగంగా వెల్లడించకపోయినా.. మణి సార్ సినిమా నుంచి తప్పుకున్న కారణం మాత్రం ఇదేనని కోలీవుడ్ మీడియాలో ఊహాగానాలు వినిపిస్తున్నాయి.