చీర ఖరీదు అన్ని లక్షలా..!! చీర రేటుతోనే చెమటలు పట్టించేస్తున్న బాలీవుడ్ హీరోయిన్ దిశా పటానీ
బాలీవుడ్ రెడ్ కార్పెట్ మీద ప్రతి వారం ఎవరో ఒకరు మెరుస్తూనే ఉంటారు. కానీ కొందరిని చూసినప్పుడు మాత్రం నెటిజన్ల వేళ్లు ఫోన్ స్క్రీన్ మీద స్క్రోలింగ్ చేయడం ఆపేస్తాయి. తాజాగా అలాంటి పనే చేసింది ఆ బాలీవుడ్ హాట్ బ్యూటీ. ఎర్రటి రంగులో ధగధగలాడిపోతున్న ఒక వింతైన చీరలో ఆమె మెరిసిపోయింది.
సాధారణంగా చీర అంటే బ్లౌజ్, పమిట ఉంటాయి. కానీ ఈమె మాత్రం ‘కోర్సెట్’ టాప్ తో ఆ చీరకు ఒక సరికొత్త రూపు ఇచ్చింది. ఆ గ్లామర్ బ్యూటీ మరెవరో కాదు.. దిశా పటాని. తరుణ్ తహిలియాని రూపొందించిన ఈ ఖరీదైన డ్రెస్ విశేషాలు తెలుసుకుందాం..
కారు కొనేయొచ్చు..
దిశా పటాని ధరించిన ఈ చీర కాంజీవరం సంప్రదాయం నుండి స్ఫూర్తి పొంది తయారు చేయబడింది. దీనికి ఒక బిగుతుగా ఉండే ‘కోర్సెట్’ టాప్ ను జత చేశారు. ఇది ఆమె శరీరాకృతిని మరింత పర్ఫెక్ట్గా చూపిస్తోంది. పమిట మృదువుగా కిందకు జారిపోతుంటే, ఆ ఎరుపు రంగు ఆమెలోని ఆత్మవిశ్వాసాన్ని రెట్టింపు చేసింది. ఈ చీర ధర సుమారు రూ. 5.58 లక్షలు ఉంటుందని అంచనా. అంటే ఒక మిడిల్ క్లాస్ ఫ్యామిలీ కారు కొనేంత డబ్బును ఆమె ఒక చీర మీద ఖర్చు పెట్టిందన్నమాట!
సోషల్ మీడియాలో రచ్చ..
దుస్తులు చాలా భారంగా ఉన్నప్పుడు మేకప్, జువెలరీ తక్కువగా ఉండాలనే సూత్రాన్ని దిశా పాటించింది. కళ్యాణ్ జ్యువెలర్స్ నుండి సేకరించిన బంగారు ఇయర్ రింగ్స్, ఒక సన్నని నెక్లెస్తో ఆమె తన లుక్ను పూర్తి చేసింది. జడను చాలా సింపుల్గా అల్లి, మేకప్ కూడా నీట్గా ఉండేలా చూసుకుంది. దీనివల్ల అందరి దృష్టి ఆమె ధరించిన ఆ అద్భుతమైన ఎర్రటి చీర మీదనే ఉండేలా ప్లాన్ చేసింది.
దిశా ఈ ఫోటోలను తన ఇన్స్టాగ్రామ్ లో ‘ఆషిక్ కీ కాలనీ’ పాటను బ్యాగ్రౌండ్ లో పెట్టి షేర్ చేసింది. అంతే.. నిమిషాల్లో కామెంట్స్ బాక్స్ నిండిపోయింది. భారతీయ మూలాలను వదలకుండానే ఇంత మోడ్రన్గా ఎలా కనిపించావు అంటూ ఫ్యాన్స్ ఆమెను పొగడ్తలతో ముంచెత్తుతున్నారు. ఇది కేవలం ఒక డ్రెస్ మాత్రమే కాదు, ఒక ‘ఫ్యాషన్ థియేటర్’ అని ఫ్యాషన్ నిపుణులు కూడా ప్రశంసిస్తున్నారు.
దిశా పటాని ప్రస్తుతం విశాల్ భరద్వాజ్ దర్శకత్వంలో వస్తున్న ‘ఓ రోమియో’ సినిమా ప్రమోషన్లలో బిజీగా ఉంది. ఇందులో ఆమె షాహిద్ కపూర్ సరసన నటిస్తోంది. ఇప్పటికే ఈ సినిమా పాటలు ఆన్లైన్లో హల్చల్ చేస్తున్నాయి. సినిమా షూటింగులు, ప్రమోషన్లు అంటూ బిజీగా ఉన్నా తన వార్డ్రోబ్ విషయంలో మాత్రం దిశా ఎప్పుడూ కాంప్రమైజ్ అవ్వదు. ఎప్పుడూ ఏదో ఒక కొత్త ప్రయోగం చేస్తూ అందరినీ ఆశ్చర్యపరుస్తూనే ఉంటుంది. దిశా పటాని ఎప్పుడూ సేఫ్ ఆప్షన్లు ఎంచుకోదు. అందుకే ఆమె స్టైల్ అంటే ప్రేక్షకులకు అంత క్రేజ్.