Salman Khan: అందుకే టైగర్ 3కి కలెక్షన్ రావడం లేదు.. షాకింగ్ విషయం చెప్పిన సల్మాన్ ఖాన్

Tiger 3

కింగ్ ఖాన్ షారుఖ్ ఖాన్ నటించిన ‘జవాన్’, ‘ పఠాన్’ సినిమాలు బాక్సాఫీస్ వద్ద వెయ్యి కోట్ల రూపాయలను రాబట్టాయి. ఈ రెండు సినిమాలు బాలీవుడ్ లో కొత్త రికార్డ్ ను సృష్టించాయి. స్టార్ సినిమాలు 1000 కోట్ల క్లబ్‌లో సులభంగా చేరగలవని షారూఖ్ ఖాన్ నిరూపించాడు. సల్మాన్ ఖాన్ నటించిన ‘టైగర్ 3’ కూడా వెయ్యి కోట్ల రూపాయల బిజినెస్ చేస్తుందని అంతా ఊహించారు. సల్మాన్ ఖాన్ నటించిన ‘టైగర్ 3’ సినిమా మొదట్లో నుంచి మంచి ఆదరణ పొందింది. రోజులు గడిచే కొద్దీ థియేటర్‌కి వచ్చే వారి సంఖ్య తగ్గుతూ వస్తుంది. వీకెండ్స్ లోనూ ఈ సినిమా అంతగా కలెక్షన్స్ రాబట్టడం లేదు. ఇప్పుడు సల్మాన్ ఖాన్ ‘టైగర్ 3′ సినిమా వసూళ్ల గురించి మాట్లాడాడు. జనాలు సినిమాను పెద్ద సంఖ్యలో చూశారు, కలెక్షన్లు మాత్రం తక్కువే వచ్చాయి.

దీని పై సల్మాన్ ఖాన్ మాట్లాడుతూ..’ టైగర్ 3 సినిమా టికెట్ ధరను తక్కువ ధరకే నిర్ణయించాం. మిగిలిన సినిమాల టిక్కెట్లు ఎక్కువ రేట్లకు అమ్ముడుపోయాయి. ప్రజల సొమ్మును ఆదా చేయాలనే ఆలోచన వచ్చింది. దీంతో ఈ సినిమా కలెక్షన్లు దెబ్బ తిన్నాయి. అలాగే మొదటి వారంలో మేం ఎలాంటి తగ్గింపు ఇవ్వలేదు’’ అని సల్మాన్ ఖాన్ అన్నారు. అలాగే ‘రాబోయే రోజుల్లో నా సినిమా ప్రీమియం టికెట్ ధరను ఫిక్స్ చేస్తాను. అప్పుడే సినిమా వసూళ్లు పెరుగుతాయి’ అని సల్లూ అన్నారు. ‘టైగర్ 3’ టిక్కెట్ ధర PVR , INOXలో రెండు వారాల్లో అత్యధికంగా అమ్ముడైంది. ఇప్పుడు ఈ ధరను 150 రూపాయలకు తగ్గించారు. ఇప్పుడు అందరూ సల్మాన్ ఖాన్ పై విమర్శలు చేస్తున్నారు.సినిమా దెబ్బేసిన తర్వాత సల్మాన్ ఖాన్ ఈ తరహా ప్యాచ్ వర్క్ చేస్తున్నాడని పలువురు కామెంట్స్ చేస్తున్నారు. ఈ సినిమా రూ.300 కోట్ల క్లబ్‌లో చేరింది.

సల్మాన్ ఖాన్ ట్విట్టర్ పోస్ట్..

మరిన్ని సినిమా వార్తల కోసం ఇక్కడ క్లిక్ చేయండి.