Laal Singh Chaddha Trailer: ఆద్యంతం ఆసక్తికరంగా లాల్ సింగ్ చద్దా ట్రైలర్.. ఆమీర్, చైతూ లుక్స్. ..

Laal Singh Chaddha Trailer

బాలీవుడ్ స్టార్ హీరో ఆమీర్ ఖాన్ ప్రధాన పాత్రలో నటిస్తున్న చిత్రం లాల్ సింగ్ చద్దా (laal singh chaddha).. కరోనా కారణంగా అనేక సార్లు వాయిదా పడిన ఈ సినిమా ఎట్టకేలకు ప్రేక్షకుల ముందుకు రాబోతుంది. ఇప్పటికే ఈ సినిమా నుంచి విడుదలైన పోస్టర్స్, వీడియోస్ సినిమాపై మరింత ఆసక్తిని పెంచాయి. డైరెక్టర్ అద్వైత్ చందన్ దర్శకత్వం వహిస్తున్న ఈ సినిమాలో టాలీవుడ్ హీరో అక్కినేని నాగచైతన్య కీలకపాత్రలో నటిస్తోన్న సంగతి తెలిసిందే. తాజాగా ఈ సినిమా ట్రైలర్ ను ఆదివారం ఐపీఎల్ ఫైనల్ జరుగుతున్నప్పుడు విడుదల చేశారు.

ఆద్యంతం ఆసక్తిగా సాగిన ఈ ట్రైలర్ ఆమీర్ ఖాన్, నాగచైతన్య లుక్ సరికొత్తగా ఉంది. నడవలేని, మాట్లాడలేని ఓ సిక్కు కుర్రాడు మానసికంగా ఎలా బలంగా మారి పరుగులు తీశాడనే కథాంశంతో ఈ చిత్రాన్ని రూపొందించినట్లు తెలుస్తోంది. తల్లీ కొడుకుల మధ్య ఉండే అనుబంధాన్ని ఈ సినిమా ఎలివేట్ చేస్తుంది. ఇందులో అమీర్ ఖాన్ స్నేహితుడి పాత్రలో నాగచైతన్య కనిపించనున్నాడు. హాలీవుడ్ లో విజయవంతమైన ఫారెస్ట్ గంప్ కు రీమేక్ గా ఈ సినిమా తెరకెక్కించారు.. ఆమీర్ ఖాన్ ప్రొడక్షన్స్, వయాకామ్ 18 స్టూడియోస్ సంస్థలు సంయుక్తంగా నిర్మించిన ఈ సినిమా ఆగస్ట్ 11న ప్రేక్షకుల ముందుకు రాబోతుంది.