Bheemla Nayak: పవన్‌ ఫ్యాన్స్‌కు దసరా బహుమతి.. భీమ్లా నాయక్‌ నుంచి అదిరిపోయే అప్‌డేట్‌..

Bheemla Nayak Song: పవన్‌ కళ్యాణ్‌, రానాలు హీరోలుగా తెరకెక్కుతోన్న చిత్రం ‘భీమ్లా నాయక్‌’. మలయాళంలో సంచలన విజయం సాధించిన ‘అయ్యప్పనుమ్ కోషియమ్‌’ చిత్రానికి రీమేక్‌గా తెరకెక్కుతోంది. వకీల్‌ సాబ్‌ వంటి సూపర్ హిట్‌ తర్వాత పవన్‌ నటిస్తున్న చిత్రం కావడంతో ఈ సినిమాపై భారీగా అంచనాలు ఏర్పడ్డాయి. ఇక ఈ సినిమాకు త్రివిక్రమ్‌ మాటలు, స్క్రీన్‌ప్లే అందిస్తుండడం కూడా ఈ సినిమాపై హైప్‌ పెరగడానికి ఒక కారణంగా చెప్పవచ్చు. ఇదిలా ఉంటే ఇప్పటికే ఈ సినిమాకు సంబంధించి విడుదలైన టైటిల్‌ సాంగ్‌ ప్రేక్షకులను ఎంతగానో ఆకట్టుకుంది. పవన్‌ పుట్టిన రోజు కానుకగా విడదులైన ఈ పాట యూట్యూబ్‌లో సెన్సేషన్‌గా మారింది.

ఇదిలా ఉంటే తాజాగా చిత్ర యూనిట్‌ అభిమానులకు దసరా కానుకగా ఈ సినిమాలోని రెండో పాటను విడుదల చేయనుంది. దసరా కానుకగా అక్టోబర్‌ 15న ఉదయం 10.19 నిమిషాలకు ఈ సినిమాలోని ‘అంత ఇష్టం ఏందయ్యా నీకు నా మీనా’ అని సాగే పాటను విడుదల చేయనున్నారు. ఈ క్రమంలో గురువారం ఈ పాటకు సంబంధించిన ప్రోమోను చిత్ర యూనిట్‌ విడుదల చేసింది. ఈ పాటను పవన్‌, నిత్యామీనన్‌ల మధ్య తెరకెక్కించనున్నారు. ఈ సినిమాలో పవన్‌ పోలీస్‌ ఆఫీసర్‌ పాత్రలో నటిస్తున్న విషయం తెలిసిందే.

Here’s the glimpse into the other side of #BheemlaNayak#AnthaIshtamPromo➡️ https://t.co/fQmsjGC0CQ

Full Song out tomorrow @ 10:19am✨

? @MusicThaman ? @KSChithra ✍️ @ramjowrites @pawankalyan @RanaDaggubati #Trivikram @saagar_chandrak @MenenNithya @vamsi84 @venupro pic.twitter.com/tswOkgRRGq

— BA Raju’s Team (@baraju_SuperHit) October 14, 2021

ఇక థమన్‌ సంగీతం అందిస్తోన్న ఈ చిత్రానికి సంబంధించిన ఆడియో హక్కులను ఆదిత్య మ్యూజిక్‌ ఏకంగా రూ. 5.04 కోట్లకు కొనుగోలు చేసిందని వార్తలు వచ్చిన విషయం తెలిసిందే. అయితే దీనిపై మాత్రం ఎలాంటి అధికారిక ప్రకటన రాలేదు. ఇక ఈ సినిమాలో రానాకు జోడిగా ఐశ్యర్య రాజేశ్‌ నటిస్తోందని మొదట్లో వార్తలు వచ్చినా.. తర్వాత మలయాళ నటి సంయుక్త మీనన్‌ నటిస్తుందని వార్తలు వచ్చిన విషయం తెలిసిందే. అయితే చిత్ర యూనిట్‌ మాత్రం దీనిపై ఎలాంటి అధికారిక ప్రకటన చేయలేదు.

Also Read: IND vs PAK: దాయాదుల మధ్య పోరుకు సమయం దగ్గరపడుతోంది.. పాక్‌ను టీజ్‌ చేస్తూ చేసిన మౌకా మౌకా యాడ్‌ను చూశారా?

Viral Photos: ఈ ఫోటోలలో చిరుతలను గుర్తించండి.. కనిపెట్టడం కష్టమే.. అంత ఈజీ కాదండోయ్!

Long Hair: ముంబైకి చెందిన ఆకాంక్ష జుట్టుకు వరల్డ్‌ రికార్డ్‌.. వీడియో