Bhedia Movie: ఎట్టకేలకు ఓటీటీకి రాబోతున్న భేదియా (తోడేలు) మూవీ.. ఎప్పుడంటే
ఇటీవల కాలంలో థియేటర్‌లో విడుదలైన సినిమాలు నెలలోపే ఓటీటీలోకి వచ్చేస్తున్నాయి. వాల్తేరు వీరయ్య, దసరా, బలగం వంటి బ్లాక్‌ బస్టర్‌లు సైతం నెలరోజుల్లోపే ఓటీటీలోకి వచ్చేశాయి. ఒక్క తెలుగు అనే కాదు అన్ని భాషల్లోనూ ప్రస్తుతం ఇదే పరిస్థితి.
ఇటీవల కాలంలో థియేటర్‌లో విడుదలైన సినిమాలు నెలలోపే ఓటీటీలోకి వచ్చేస్తున్నాయి. వాల్తేరు వీరయ్య, దసరా, బలగం వంటి బ్లాక్‌ బస్టర్‌లు సైతం నెలరోజుల్లోపే ఓటీటీలోకి వచ్చేశాయి. ఒక్క తెలుగు అనే కాదు అన్ని భాషల్లోనూ ప్రస్తుతం ఇదే పరిస్థితి. ఎంత పెద్ద బ్లాక్‌బస్టర్‌ సినిమా అయినా సరే నాలుగు వారాలు దాటిందంటే ఓటీటీలోకే పరుగులు పెడుతున్నాయి. అయితే ఒక్క సినిమా కోసం మాత్రం ప్రేక్షకులు సుమారు 6 నెలలుగా ఎదురు చూస్తున్నారు. ఇంతకీ ఈ చిత్రం ఏంటంటే అదేనండి వరుణ్‌ధావణ్ హీరోగా నటించిన భేదియా మూవీ. తెలుగులో దీన్ని ‘తోడేలు’ పేరుతో విడుదల చేశారు.
ప్రముఖ స్ట్రీమింగ్‌ వేదిక జియో సినిమాలో మే 26వ తేదీ నుంచి ‘భేదియా’ విడుదల కానుంది. మరోవైపు ఈ సినిమాకు సీక్వెల్‌గా ‘భేదియా 2’ కూడా రానుంది. తోడేలుగా మారిన వ్యక్తి ఎలాంటి పరిస్థితులను ఎదుర్కొంటాడో ‘భేదియా’ సినిమాలో చూపించారు. మరి సీక్వెల్‌ ఎలా ఉంటుందో అనే ఆసక్తి బాలీవుడ్‌ వర్గాల్లో ఉంది. అయితే ఈ సినిమాకు సంబంధించిన నాయిక, దర్శకుడు ఎవరనేది ఇంకా తెలియాల్సి ఉంది. ఈ సినిమాను 2025లో విడుదల చేయనున్నట్లు చిత్రబృందం పేర్కొంది.
మరిన్ని సినిమా వార్తల కోసం ఇక్కడ క్లిక్ చేయండి..