Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ఐసిస్‌‌కు కొత్త చీఫ్‌.. లేపేస్తానంటోన్న ట్రంప్

Donald Trump on ISIS new chief, ఐసిస్‌‌కు కొత్త చీఫ్‌.. లేపేస్తానంటోన్న ట్రంప్

ఐసిస్ కొత్త చీఫ్‌గా అబూ ఇబ్రహీం అల్ హష్మీ అల్ ఖురేషిని ఎంపిక చేసినట్లు ఆ సంస్థ సెంట్రల్ మీడియా, అల్ ఫుర్కాన్ ఫౌండేషన్ అధికార ప్రతినిధి గురువారం ఓ ఆడియో ప్రకటనను విడుదల చేసిన విషయం తెలిసిందే. ఈ సందర్బంగా ‘‘ఐసిస్ కొత్త నాయకుడు పండితుడని, ప్రసిద్ధ యోధుడని, యుద్ధ వీరుడని.. అతడు అమెరికా దళాలతో పోరాడుతాడు’’ అంటూ ఆ అధికార ప్రతినిధి అమెరికాకు వార్నింగ్ ఇచ్చాడు. ఈ నేపథ్యంలో కొత్త చీఫ్‌పై అమెరికా అధ్యక్షుడు డొనాల్డ్ ట్రంప్ స్పందించారు.

ఈ మేరకు సోషల్ మీడియాలో ట్వీట్ చేసిన ట్రంప్.. ‘‘ఐసిస్‌కు కొత్త లీడర్ వచ్చాడు. అతడెవరో కూడా మాకు బాగా తెలుసు’’ అంటూ పేర్కొన్నారు. ఆయన మాటలను బట్టి చూస్తుంటే.. కొత్త చీఫ్‌ను లేపేసేందుకు ట్రంప్ అప్పుడే సన్నాహాలు మొదలుపెట్టినట్లు తెలుస్తోంది. అయితే బాగ్దాదీ మరణంపై ఇదివరకు కూడా వార్తలు రాగా.. అప్పుడు అల్ బకర్ వారసుడిగా హష్మీ పేరు చాలాసార్లే వినిపించింది.

కాగా ఉత్తర సిరియా ప్రాంతంలో కుర్దు సేనలతో కలిసి అమెరికా భద్రతా దళాలు చేసిన దాడుల్లో మోస్ట్ వాంటెడ్ టెర్రరిస్ట్ బాగ్దాదీ హతమయ్యాడు. దళాల నుంచి తప్పించుకోలేకపోయిన బాగ్దాదీ తనకు తానే ఆత్మాహుతి దాడి చేసుకున్నాడు. ఈ ఘటనలో అతడి ఇద్దరు కుమారులు కూడా ముక్కలు ముక్కలు అయిపోయారు. ఆ తరువాత బాగ్దాదీ అనుచరుడిని కూడా మట్టుబెట్టారు.