Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

బ్రెగ్జిట్ ఒప్పందాన్ని కుదర్చలేకపోయా: థెరిసా మే భావోద్వేగం

Theresa May, బ్రెగ్జిట్ ఒప్పందాన్ని కుదర్చలేకపోయా: థెరిసా మే భావోద్వేగం

బ్రెగ్జిట్ ఒప్పందాన్ని కుదర్చలేకపోయాననే అసంతృప్తి తనలో మిగిలిపోయిందని బ్రిటన్ ప్రధాని థెరిసా మే భావోద్వేగానికి గురయ్యారు. ‘‘ఇది ఎప్పటికీ నాకు విచారకంగానే అనిపిస్తుంది. నా తరువాత బాధ్యతలు చేపట్టే ప్రధాని బ్రెగ్జిట్‌ను ముందుకు నడిపిస్తారని అనుకుంటున్నాను’’ అంటూ మే పేర్కొన్నారు. రెండో ప్రపంచ యుద్ధానికి సైనిక చర్యలు ప్రారంభించి 75 ఏళ్లు పూర్తైన సందర్భంగా ఫ్రాన్స్‌లోని నార్మండేలో జరిగిన డీ-డే వేడుకల్లో ఆమె పాల్గొన్నారు. ఈ సందర్భంగా ప్రపంచ యుద్ధంలో స్వాతంత్ర్యం కోసం పోరాడిన వీర జవాన్లకు ఆమె నివాళులు అర్పించారు. సైనికుల గురించి మాట్లాడటంపై గర్వంగా ఉందని ఆమె తెలిపారు. అప్పటి సైనికుల కాలాన్ని ఓ ప్రత్యేకమైన, గొప్ప తరంగా ఆమె అభివర్ణించారు.

అయితే బ్రిటన్ ప్రధాని పదవి నుంచి థెరిసా మే ఇవాళ అధికారికంగా తప్పుకోనున్నారు. ఆమె తరువాత బ్రిటన్ ప్రధాని పీఠం దక్కించుకునేందుకు కన్జర్వేటివ్ పార్టీ నుంచి 11 మంది ఎంపీలు పోటీ పడుతున్నారు. ఈ రేసులో విదేశాంగ మాజీ కార్యదర్శి బోరిస్ జాన్సన్ ముందు వరుసలో ఉన్నారు. అయితే అధికారికంగా దీనిపై నిర్ణయం రావాల్సి ఉంది.