లావణ్య ఆత్మహత్య కేసు.. ఆ మహిళ ఎవరు..!
ఆత్మహత్య చేసుకొని తనువు చాలించిన సాఫ్ట్వేర్ ఇంజనీర్ లావణ్య లహరి కేసులో కొత్త విషయాలు వెలుగులోకి వస్తున్నాయి. భర్త వెంకటేశ్వర్రావు వేధింపులతో పాటు మరో మహిళతో తన భర్తకి వివాహేతర సంబంధం ఉండటాన్ని భరించలేకపోయిన
ఆత్మహత్య చేసుకొని తనువు చాలించిన సాఫ్ట్వేర్ ఇంజనీర్ లావణ్య లహరి కేసులో కొత్త విషయాలు వెలుగులోకి వస్తున్నాయి. భర్త వెంకటేశ్వర్రావు వేధింపులతో పాటు మరో మహిళతో తన భర్తకి వివాహేతర సంబంధం ఉండటాన్ని భరించలేకపోయిన లావణ్య ఈ ఘాతుకానికి పాల్పడినట్లు ప్రాథమిక ఆధారాలు లభించాయి. ఆత్మహత్య చేసుకోవడానికి ముందు లావణ్య తీసుకున్న సెల్ఫీ వీడియోలో సైతం ఆమె పలు విషయాలను వెల్లడించారు. ఈ నేపథ్యంలో అసలు ఆ మహిళ ఎవరు అన్న విషయంపై పోలీసులు దర్యాప్తు ప్రారంభించారు. ఇందుకు సంబంధించి కీలక ఆధారాలు సేకరించినట్లు సమాచారం.
అయితే తన కుమార్తెను వెంకటేశ్వర్ రావు హత్య చేసి ఆత్మహత్యగా చిత్రీకరిస్తున్నాడని లావణ్య తండ్రి ఈశ్వరయ్య ఆరోపిస్తున్నారు. పెళ్లి జరిగినప్పటి నుంచే వెంకటేశ్వర్ రావు తన కుమార్తెను చాలా విధాలుగా వేధించాడని, తమ నుంచి లక్షల రూపాయలు దండుకున్నాడని ఆయన అన్నారు. ఇదిలా ఉంటే ఈ కేసులో ఇప్పటికే వెంకటేశ్వర్ రావును అరెస్ట్ చేసిన పోలీసులు.. లావణ్య అత్తామామలను పట్టుకునే పనిలో ఉన్నారు.