‘నా ఐదో టెస్ట్ నెగెటివ్… ష్యూర్’… సింగర్ కనికా కపూర్ హోప్

వరుసగా నాలుగోసారి కూడా కరోనా పాజిటివ్ లక్షణాలు బయటపడిన బాలీవుడ్ సింగర్ కనికా కపూర్.. ఇక తన ఐదో టెస్ట్ ఫలితాలు నెగెటివ్ గా వస్తాయన్న ఆశాభావాన్ని వ్యక్తం చేశారు. ప్రస్తుతం ఈమె లక్నో లోని సంజయ్ గాంధీ పీజీ మెడికల్ సైన్సెస్ ఆసుపత్రిలో చికిత్స పొందుతున్నారు. ఈ ఆసుపత్రి నుంచి సోమవారం ఆమె తన హెల్త్ అప్ డేట్స్ ను తన అభిమానులకు తెలియజేశారు. తను ఆరోగ్యంగా ఉన్నానని, ఐసీయూలో లేనని స్పష్టం చేశారు. ‘నిద్రకు ఉపక్రమిస్తున్నా.. మీరంతా సురక్షితంగా (ఆరోగ్యంగా) ఉండండి.. నా ఆరోగ్యంపట్ల ఆందోళన వ్యక్తం చేసిన మీకు నా కృతజ్ఞతలు.. అయామ్ ఫైన్.. బహుశా నా ఐదో టెస్ట్ నెగెటివ్ అని వస్తుందని ఆశిస్తున్నా.. ‘ అని ఆమె పేర్కొంది. తన ఇంటికి వెళ్లి తన పిల్లలు, తన కుటుంబాన్ని కలుసుకునేందుకు వేచి ఉన్నానని, ఇంతకాలం వారిని మిస్ చేసుకున్నానని కనికా కపూర్ వెల్లడించింది.

‘సమయాన్ని ఎంత చక్కగా వినియోగించుకోవాలన్నది జీవితం నేర్పిస్తుంది.. జీవితపు విలువలను కాలం బోధిస్తుంది’ అనే ఓ సూక్తిని కూడా కనికా తన కామెంటుకు జోడించింది.