TS ECET 2022 దరఖాస్తు ప్రక్రియ నేటి నుంచి ప్రారంభం! ముఖ్య తేదీలివే..

TS ECET 2022 registration date: తెలంగాణ రాష్ట్ర ఇంజనీరింగ్ కామన్ ఎంట్రన్స్ టెస్ట్ (TS ECET 2022) రిజిస్ట్రేషన్ ప్రక్రియ నేటి నుంచి (ఏప్రిల్ 6) నుండి ప్రారంభమవుతుంది. ఆసక్తి కలిగిన విద్యార్ధులు అధికారిక వెబ్‌సైట్ ecet.tsche.ac.inలో ఆన్‌లైన్‌ విధానంలో దరఖాస్తు చేసుకోవచ్చు. కాగా దీనికి సంబంధించిన అధికారిక నోటిఫికేషన్‌ ఇప్పటికే విడుదలైంది. నోటిఫికేషన్‌ ప్రకారం ఏప్రిల్‌ 6 నుంచి జూన్ 8 (ఆలస్య రుసుము లేకుండా) వరకు ఇంజనీరింగ్ ప్రవేశ పరీక్షకు దరఖాస్తు చేసుకోవచ్చు. రూ. 500ల ఆలస్య రుసుముతో జూన్‌ 14 వరకు, రూ.2,500ల ఆలస్య రుసుముతో జులై 6 వరకు దరఖాస్తు చేసుకోవచ్చు. ఈ పరీక్షకు సంబంధించిన హాల్‌ టికెట్లు జులై 8న విడుదలౌతాయి. ఇక ఈసెట్‌ పరీక్ష జూలై 13న రెండు షిఫ్టుల్లో, ఒకే రోజులో తెలంగాణ రాష్ట్ర వ్యాప్తంగా ఆన్‌లైన్‌ విధానంలో జరగనుంది. ఈసీఈ, ఈఐఈ, సీఎస్‌ఈ, ఈఈఈ స్ట్రీమ్‌లకు ఉదయం 9 గంటల నుంచి మధ్యాహ్నం 12 గంటల వరకు పరీక్ష జరుగుతుంది. ఇక సీఐవీ, సీహెచ్‌ఈఎం, ఎంఈసీ, ఎంఐఎన్‌, ఎంఈటీ, పీహెచ్‌ఎం, బీఎస్‌ఎం విభాగాలకు మధ్యాహ్నం 3 గంటల నుండి సాయంత్రం 6 గంటల వరకు పరీక్ష నిర్వహిస్తుంది. రాష్ట్ర ఉన్నత విద్యామండలి తరపున జవహర్‌లాల్‌ నెహ్రు యూనివర్సిటీ ఆఫ్‌ హైదరాబాద్‌(జేఎన్‌టీయూహెచ్‌) ఈ పరీక్షను నిర్వహిస్తుంది. ఈ పరీక్షను నిర్వహించడం జేఎన్‌టీయూహెచ్‌కి ఇది ఏడోసారి.

TS ECET 2022కు ఎలా దరఖాస్తు చేసుకోవాలంటే..

• ముందుగా అధికారిక వెబ్‌సైట్‌ ecet.tsche.ac.inను ఓపెన్‌ చెయ్యాలి.
• హోమ్‌పేజీలో కనిపించే “TS ECET 2022 registration” లింక్‌పై క్లిక్ చేయాలి.
• అవసరమైన వివరాలతో దరఖాస్తు ఫారమ్‌ను పూరించి, పేర్కొన పత్రాలను అప్‌లోడ్ చేయాలి.
• తర్వాత రిజిస్ట్రేషన్ ఫీజు చెల్లించాలి.
• సబ్‌మిట్‌ చేసేముందు అన్ని వివరాలు చెక్‌ చేసుకుని, చివరిగా సబ్‌మిట్‌ చేయాలి.
• పూరించిన దరఖాస్తును డౌన్‌లోడ్‌ చేసుకుని, హార్డాకాపీని ప్రింట్ ఔట్‌ తీసుకోవాలి.

పూర్తి సమాచారం కోసం క్లిక్‌ చేయండి.

Also Read:

నేటి నుంచి ప్రారంభమైన తెలంగాణ ICET 2022 దరఖాస్తు ప్రక్రియ..! ముఖ్య సమాచారం ఇదే..