RRB రైల్వేలో 191 ఉద్యోగాలకు నోటిఫికేషన్‌ విడుదల.. డిగ్రీ, పీజీ అర్హతతో అప్లై చేసుకోండి.. నెలకు రూ.44,900 జీతం!

రైల్వే రిక్రూట్‌మెంట్ బోర్డ్ (RRB) CEN 09/2026 నోటిఫికేషన్‌ ద్వారా వివిధ ఐసొలేటెడ్ కేటగిరీల్లో 191 పోస్టుల భర్తీకి దరఖాస్తులు ఆహ్వానిస్తోంది. చీఫ్ లా అసిస్టెంట్, పబ్లిక్ ప్రాసిక్యూటర్, జూనియర్ ట్రాన్స్‌లేటర్, స్టాఫ్ అండ్ వెల్ఫేర్ ఇన్‌స్పెక్టర్ తదితర పోస్టులు ఇందులో ఉన్నాయి. అర్హతను బట్టి నెలకు రూ.19,900 నుంచి రూ.44,900 వరకు జీతం పొందవచ్చు. అభ్యర్థులు విద్యార్హతలు, వయోపరిమితి, ఎంపిక విధానం వివరాలు పరిశీలించి అధికారిక వెబ్‌సైట్‌లో దరఖాస్తు చేసుకోవాలి..

RRB Isolated Category Recruitment

Srilakshmi C |
Updated on: Nov 06, 2026 | 7:28 AM

భారతీయ రైల్వేలోని వివిధ ఐసొలేటెడ్ కేటగిరీ పోస్టుల భర్తీకి రైల్వే రిక్రూట్‌మెంట్ బోర్డ్ (RRB) నోటిఫికేషన్ విడుదల చేసింది. సెంట్రలైజ్డ్ ఎంప్లాయ్‌మెంట్ నోటిఫికేషన్ (CEN) నెం. 09/2026 ద్వారా మొత్తం 191 ఖాళీలను భర్తీ చేయనుంది. ఈ నియామకాల్లో చీఫ్ లా అసిస్టెంట్, పబ్లిక్ ప్రాసిక్యూటర్, సీనియర్ పబ్లిసిటీ ఇన్‌స్పెక్టర్, జూనియర్ ట్రాన్స్‌లేటర్ తదితర పోస్టులు ఉన్నాయి. అర్హత కలిగిన అభ్యర్థులు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు. ఈ నోటిఫికేషన్ ద్వారా మొత్తం 7 రకాల పోస్టులను భర్తీ చేయనున్నారు.

పోస్టుల వివరాలు

చీఫ్ లా అసిస్టెంట్ ఉద్యోగాల సంఖ్య: 17
పబ్లిక్ ప్రాసిక్యూటర్ ఉద్యోగాల సంఖ్య: 21
సీనియర్ పబ్లిసిటీ ఇన్‌స్పెక్టర్ ఉద్యోగాల సంఖ్య: 8
జూనియర్ ట్రాన్స్‌లేటర్ (హిందీ) ఉద్యోగాల సంఖ్య: 79
స్టాఫ్ అండ్ వెల్ఫేర్ ఇన్‌స్పెక్టర్ ఉద్యోగాల సంఖ్య: 27
సైంటిఫిక్ అసిస్టెంట్ (ట్రైనింగ్) ఉద్యోగాల సంఖ్య: 3
ల్యాబ్ అసిస్టెంట్ గ్రేడ్ III (కెమిస్ట్ అండ్ మెటలర్జిస్ట్) ఉద్యోగాల సంఖ్య: 36

అభ్యర్థులు దరఖాస్తుల స్వీకరణకు చివరి తేదీ నాటికి గుర్తింపు పొందిన బోర్డు, యూనివర్సిటీ లేదా ఇన్‌స్టిట్యూట్ నుంచి సంబంధిత పోస్టును బట్టి విద్యార్హతలు కలిగి ఉండాలి. 10+2 లేదా తత్సమాన అర్హత, డిగ్రీ, డిప్లొమా, లా డిగ్రీ, మాస్టర్స్ డిగ్రీ లేదా పీజీ డిప్లొమా పూర్తి చేసి ఉండాలి. పోస్టుల వారీగా నిర్దేశించిన ప్రత్యేక అర్హతలను అభ్యర్థులు అధికారిక నోటిఫికేషన్‌లో పరిశీలించాలి. ఫైనల్ పరీక్షల ఫలితాల కోసం ఎదురుచూస్తున్న అభ్యర్థులు దరఖాస్తు చేసుకోవడానికి అర్హులు కాదు. పోస్టులను బట్టి అభ్యర్థుల గరిష్ఠ వయోపరిమితి 22 నుంచి 40 ఏళ్ల మధ్య ఉంటుంది. రిజర్వేషన్ కేటగిరీలకు ప్రభుత్వ నిబంధనల ప్రకారం వయోపరిమితిలో సడలింపులు వర్తిస్తాయి.

ఈ అర్హతలు కలిగిన వారు ఆన్‌లైన్ విధానంలో డిసెంబర్ 6, 2026వ తేదీ వరకు దరఖాస్తు చేసుకోవచ్చు. దరఖాస్తు ఫీజు కింద ఎస్సీ, ఎస్టీ, ఎక్స్‌ సర్వీస్‌మెన్, దివ్యాంగులు, మహిళలు, ట్రాన్స్‌జెండర్లు, మైనారిటీలు, ఆర్థికంగా వెనుకబడిన తరగతుల (EBC) అభ్యర్థులకు – రూ.250, ఇతర అభ్యర్థులకు – రూ.500 చొప్పున నిర్ణయించారు. ఎంపికైన అభ్యర్థులకు పోస్టును బట్టి నెలకు రూ.19,900 నుంచి రూ.44,900 వరకు జీతం చెల్లిస్తారు. ఇతర అలవెన్సులు, ప్రయోజనాలు రైల్వే నిబంధనల ప్రకారం ఉంటాయి. అభ్యర్థుల ఎంపిక ప్రక్రియలో భాగంగా పలు దశలు ఉంటాయి. సింగిల్ స్టేజ్ కంప్యూటర్ బేస్డ్ టెస్ట్ (CBT), ట్రాన్స్‌లేషన్ టెస్ట్ (జూనియర్ ట్రాన్స్‌లేటర్/హిందీ పోస్టులకు మాత్రమే), డాక్యుమెంట్ వెరిఫికేషన్ (DV), మెడికల్ ఎగ్జామినేషన్ ప్రకారం ఎంపిక చేస్తారు. ఈ దశల్లో అర్హత సాధించిన అభ్యర్థులను మెరిట్ ఆధారంగా ఎంపిక చేస్తారు.

ఇవి కూడా చదవండి

పరీక్ష విధానం

కంప్యూటర్ బేస్డ్ టెస్ట్ మొత్తం 100 ప్రశ్నలకు 100 మార్కులకు నిర్వహిస్తారు. పరీక్షలోని విభాగాలు, మార్కుల వివరాలు ఇలా ఉన్నాయి. ప్రొఫెషనల్ ఎబిలిటీ – 50 ప్రశ్నలు, 50 మార్కులు, జనరల్ అవేర్‌నెస్ – 15 ప్రశ్నలు, 15 మార్కులు, జనరల్ ఇంటెలిజెన్స్ అండ్ రీజనింగ్ – 15 ప్రశ్నలు, 15 మార్కులు, మ్యాథమెటిక్స్ – 10 ప్రశ్నలు, 10 మార్కులు, జనరల్ సైన్స్ – 10 ప్రశ్నలు, 10 మార్కులు చొప్పున మొత్తం 100 ప్రశ్నలు – 100 మార్కులకు పరీక్ష ఉంటుంది.