Budget 2026: హల్వా వేడుక పూర్తి..! ఇక బడ్జెట్ రెడీ చేసిన అధికారులను ఏం చేస్తారో తెలుసా?
కేంద్ర బడ్జెట్ తయారీ ప్రక్రియ ముగింపును సూచిస్తూ సంప్రదాయ హల్వా వేడుక జరిగింది. ఈ కార్యక్రమంలో ఆర్థిక మంత్రి నిర్మలా సీతారామన్ పాల్గొన్నారు. దీనితో బడ్జెట్ అధికారులకు గోప్యతను కాపాడే లాక్-ఇన్ పీరియడ్ ప్రారంభమైంది. బడ్జెట్ పత్రాలు డిజిటల్గా యాప్ ద్వారా అందుబాటులో ఉంటాయి.
కేంద్ర బడ్జెట్ తయారీ ప్రక్రియ చివరి దశను సూచించే సాంప్రదాయ హల్వా వేడుక మంగళవారం నార్త్ బ్లాక్లోని బడ్జెట్ ప్రెస్లో జరిగింది. ఈ కార్యక్రమానికి కేంద్ర ఆర్థిక, కార్పొరేట్ వ్యవహారాల మంత్రి నిర్మలా సీతారామన్, ఆర్థిక శాఖ సహాయ మంత్రి పంకజ్ చౌదరి హాజరయ్యారు. హల్వా వేడుకతో కేంద్ర బడ్జెట్ను రూపొందించడంలో పాల్గొన్న అధికారులకు లాక్-ఇన్ పీరియడ్ ప్రారంభమైంది. గోప్యతను కాపాడుకోవడంలో భాగంగా, పార్లమెంటులో బడ్జెట్ను సమర్పించే వరకు వారందరూ నార్తర్న్ బ్లాక్లోనే ఉంటారు. బయటి ప్రపంచంతో వారు కలవరు. ఫోన్, ఇంటర్నెట్ కూడా వాడకుండా ఉంచుతారు. ఒకరకంగా బడ్జెట్ ప్రవేశపెట్టే వరకు వారిని బంధించినట్లే లెక్క.
ఆర్థిక మంత్రిత్వ శాఖలోని వివిధ విభాగాల నుండి ఎంపిక చేసిన ఈ అధికారులు బడ్జెట్ సమర్పణ వరకు బాహ్య ప్రపంచం నుండి దూరంగా ఉంటారు. ఆర్థిక మంత్రి నిర్మలా సీతారామన్ ఫిబ్రవరి 1న ఆదివారం కేంద్ర బడ్జెట్ను ప్రవేశపెడతారు. ఆ తర్వాత వీరిని విడుదల చేస్తారు.
కాగా హల్వా కార్యక్రమంలో ఆర్థిక మంత్రితో పాటు ఆర్థిక మంత్రిత్వ శాఖ పరిధిలోని అన్ని విభాగాల కార్యదర్శులు, బడ్జెట్ తయారీలో పాల్గొన్న సీనియర్ అధికారులు ఉన్నారు. సీతారామన్ బడ్జెట్ ప్రెస్ను కూడా సందర్శించి, ముద్రణ, లాజిస్టికల్ ఏర్పాట్లను సమీక్షించి, మొత్తం బడ్జెట్ బృందానికి తన శుభాకాంక్షలు తెలిపారు. బడ్జెట్ సంబంధిత పనుల ముగింపుకు ప్రతీకగా అధికారులకు వడ్డించే సాంప్రదాయ భారతీయ తీపి నుండి హల్వా వేడుకకు దాని పేరు వచ్చింది.
బడ్జెట్ పత్రాలు డిజిటల్గా..
మునుపటి సంవత్సరాల మాదిరిగానే వార్షిక ఆర్థిక నివేదిక, గ్రాంట్ల డిమాండ్, ఆర్థిక బిల్లుతో సహా అన్ని కేంద్ర బడ్జెట్ పత్రాలు కేంద్ర బడ్జెట్ మొబైల్ యాప్ ద్వారా అందుబాటులో ఉంచనున్నారు. ఈ యాప్ ఇంగ్లీష్, హిందీ భాషలలో యాక్సెస్ను అందిస్తుంది. ఆండ్రాయిడ్, iOS ప్లాట్ఫామ్లలో అందుబాటులో ఉంటుంది. వినియోగదారులు అధికారిక కేంద్ర బడ్జెట్ పోర్టల్, indiabudget.gov.in ద్వారా కూడా పత్రాలను డౌన్లోడ్ చేసుకోవచ్చు. ఫిబ్రవరి 1న పార్లమెంటులో ఆర్థిక మంత్రి బడ్జెట్ ప్రసంగం పూర్తయిన వెంటనే బడ్జెట్ పత్రాలు యాప్, వెబ్సైట్లో అందుబాటులో ఉంటాయి.
మరిన్ని బిజినెస్ వార్తల కోసం ఇక్కడ క్లిక్ చేయండి