PAN Link: పాన్‌ కార్డు లింక్ చేయకపోతే ఎస్‌బీఐ ఖాతా మూసివేస్తారా? ఇందులో నిజమెంత?

Sbi Account

మీకు కూడా స్టేట్‌ బ్యాంక్‌ ఆఫ్‌ ఇండియా (SBI)లో ఖాతా ఉందా? అవును అయితే, ఈ వార్త మీకు ఉపయోగకరంగా ఉండవచ్చు. వాస్తవానికి కొన్ని రోజులుగా సోషల్ మీడియాలో ఒక సందేశం ఎక్కువగా వైరల్ అవుతోంది. అందులో మీరు మీ ఖాతాను పాన్ కార్డ్‌తో లింక్ చేయకపోతే మీ ఖాతా బ్లాక్ చేయబడుతుందనే సందేశం వైరల్‌ అవుతోంది. మీరు కూడా అలాంటి మెసేజ్‌ని అందుకున్నట్లయితే ఈ సందేశాన్ని నమ్మే ముందు అందులోని నిజం ఏమిటో తెలుసుకోండి. ఈ విషయంపై PIB ఫాక్ట్ చెక్ క్లారిటీ ఇచ్చింది.

సందేశంలోని నిజం ఏమిటి?

ఈ విషయంపై ప్రెస్ ఇన్ఫర్మేషన్ బ్యూరో (పీఐబీ) తన అధికారిక ట్విట్టర్ హ్యాండిల్‌లో ట్వీట్ చేస్తూ.. గత కొద్ది రోజులుగా స్టేట్ బ్యాంక్ పేరుతో మోసగాళ్లు మీ ఖాతాలోని పాన్ నంబర్‌ను అప్‌డేట్ చేయకుంటే.. మెసేజ్‌లు పంపుతున్నట్లు సమాచారం. అప్పుడు మీ ఖాతా బ్లాక్ చేయబడుతుంది. దీనితో పాటు, కాల్ లేదా ఏదైనా లింక్ ద్వారా పాన్ సమాచారాన్ని అప్‌డేట్ చేయాలని మీకు సలహా ఇస్తున్నారు. మీకు అలాంటి సందేశం వస్తే పొరపాటున కూడా నమ్మవద్దు. ఈ సందేశం పూర్తిగా నకిలీ అని స్పష్టం చేసింది.

ఇలాంటి మోసాల నుండి మిమ్మల్ని మీరు రక్షించుకోండి

ఎవరికైనా కాల్ చేయడం లేదా మెసేజ్ చేయడం ద్వారా వారి ఖాతా సంబంధిత సమాచారాన్ని అప్‌డేట్ చేయమని బ్యాంక్ ఎవరికీ సలహా ఇవ్వదని స్టేట్ బ్యాంక్ తన కస్టమర్లను ఎల్లప్పుడూ హెచ్చరిస్తుంది. పాన్‌ వివరాలను అప్‌డేట్ చేయమని బ్యాంక్ ఎలాంటి లింక్‌ను పంపదు. దీనితో పాటు ఎవరైనా సైబర్ క్రైమ్‌కు గురైనట్లయితే, అటువంటి పరిస్థితిలో సైబర్ క్రైమ్ సెల్ నంబర్ 1930లో లేదా రిపోర్ట్‌లో phishing@sbi.co ఇమెయిల్ ద్వారా అదే ఫిర్యాదును నమోదు చేయవచ్చని బ్యాంక్ తెలిపింది.

మరిన్ని బిజినెస్ వార్తల కోసం ఇక్కడ క్లిక్ చేయండి