PM Kisan: దసరా పండుగ వేళ రైతులకు గుడ్ న్యూస్.. శనివారం ఖాతాల్లో నగదు జమ.. ఎలా చెక్ చేసుకోవాలంటే..
కేంద్రప్రభుత్వం గుడ్ న్యూస్ చెప్పింది.. పీఎం కిసాన్ నగదు శనివారం రైతుల ఖాతాల్లో జమకానుంది.. ప్రధాన మంత్రి కిసాన్ సమ్మాన్ నిధి (PM-కిసాన్) పథకం 18వ విడతను భారత ప్రధానమంత్రి నరేంద్ర మోదీ అక్టోబర్ 5 శనివారం విడుదల చేస్తారు. 17వ విడతను ఈ ఏడాది జూన్‌లో ప్రధాని మోదీ విడుదల చేశారు.
కేంద్రప్రభుత్వం గుడ్ న్యూస్ చెప్పింది.. పీఎం కిసాన్ నగదు శనివారం రైతుల ఖాతాల్లో జమకానుంది.. ప్రధాన మంత్రి కిసాన్ సమ్మాన్ నిధి (PM-కిసాన్) పథకం 18వ విడతను భారత ప్రధానమంత్రి నరేంద్ర మోదీ అక్టోబర్ 5 శనివారం విడుదల చేస్తారు. 17వ విడతను ఈ ఏడాది జూన్‌లో ప్రధాని మోదీ విడుదల చేశారు. ఈ క్రమంలో దసరా పండుగకు ముందు మరో విడత నిధులను విడుదల చేస్తోంది..వాస్తవానికి వ్యవసాయ రంగానికి ఊతమిచ్చేందుకు కేంద్రంలోని మోడీ ప్రభుత్వం 2019 ఫిబ్రవరిలో ప్రధాన మంత్రి కిసాన్ సమ్మాన్ నిధి (పీఎం-కిసాన్ ) పథకాన్ని ప్రారంభించింది.. ఏడాదికి రూ. 6,000 చొప్పున రైతులకు అందిస్తోంది. ఈ ఆరు వేల మొత్తాన్ని మూడు వాయిదాలలో రూ.2,000 చొప్పున జమ చేస్తోంది. ఈ క్రమంలో 18వ విడత నగదును అక్టోబర్ 05 2024 శనివారం ప్రధాని మోదీ విడుదల చేసి.. రైతుల ఖాతాల్లో జమ చేస్తారు..
పీఎం కిసాన్ దరఖాస్తు ఎలా చేయాలి.. మీ లబ్ధిదారుని స్థితిని ఎలా తనిఖీ చేయాలో చెక్ చేసుకోండి..
PM-KISAN పథకం కింద, అర్హులైన రైతులు ప్రతి నాలుగు నెలలకు రూ. 2,000 పొందుతారు.. సంవత్సరానికి రూ. 6,000.. ప్రతి సంవత్సరం ఏప్రిల్-జూలై, ఆగస్టు-నవంబర్, డిసెంబర్-మార్చి.. మూడు వాయిదాలలో కేంద్రం రూ.2వేల చొప్పున నగదును అందిస్తుంది.. నిధి నేరుగా లబ్ధిదారుల బ్యాంకు ఖాతాలకు బదిలీ అవుతుంది..
అయితే.. ఈ వాయిదాలను స్వీకరించడానికి రైతులు తమ ఇ-కెవైసిని పూర్తి చేయాలి. పథకం అధికారిక వెబ్‌సైట్ ప్రకారం.. “PMKISAN నమోదిత రైతులకు eKYC తప్పనిసరి. OTP-ఆధారిత eKYC PMKISAN పోర్టల్‌లో అందుబాటులో ఉంది లేదా బయోమెట్రిక్ ఆధారిత eKYC కోసం సమీప CSC కేంద్రాలను సంప్రదించవచ్చు”.
లబ్ధిదారుని స్థితిని ఎలా తనిఖీ చేయాలి?
1) అధికారిక వెబ్‌సైట్‌ను సందర్శించండి — pmkisan.gov.in
2) ఇప్పుడు, పేజీకి కుడి వైపున ఉన్న ‘నో యువర్ స్టేటస్’ ట్యాబ్‌పై క్లిక్ చేయండి
3) మీ రిజిస్ట్రేషన్ నంబర్‌ను నమోదు చేసి, క్యాప్చా కోడ్‌ను పూరించండి- ‘డేటా పొందండి’ ఎంపికను ఎంచుకోండి
4) మీ లబ్ధిదారుడి స్థితి కనిపిస్తుంది..
PM-కిసాన్: లబ్ధిదారుల జాబితాలో మీ పేరును తనిఖీ చేయాలంటే..
PM కిసాన్ అధికారిక వెబ్‌సైట్ www.pmkisan.gov.in ని సందర్శించండి.
‘బెనిఫిషియరీ లిస్ట్’ ట్యాబ్‌పై క్లిక్ చేయండి.
డ్రాప్-డౌన్ నుంచి ఎంపిక చేయబడిన రాష్ట్రం.. జిల్లా, ఉప-జిల్లా, బ్లాక్, గ్రామం వంటి వివరాలను ఎంచుకోండి
దశ 4: ‘గెట్ రిపోర్ట్’ ట్యాబ్‌పై క్లిక్ చేయండి.
దీని తరువాత, లబ్ధిదారుల జాబితా ప్రదర్శించబడుతుంది.
ఒకవేళ మీకు సమాచారం కావాలనుకుంటే.. హెల్ప్‌లైన్ నంబర్‌ 155261, 011-2430060 లకు కాల్ చేయవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..