LPG Cylinder: ఆన్‌లైన్‌లో గ్యాస్ సిలిండర్ బుక్‌ చేసుకుంటున్నారా.? ఇలా చేస్తే క్యాష్‌ బ్యాక్‌ పొందొచ్చు..
ప్రస్తుతం ఏ చిన్న వస్తువు కావాలన్న స్మార్ట్‌ఫోన్‌ ఓపెన్‌ చేసి యాప్‌లో బుక్‌ చేసే రోజులు వచ్చేశాయి. అన్నీ ఆన్‌లైన్‌లోనే అన్నట్లు పరిస్థితులు మారాయి. చివరికి గ్యాస్ సిలిండర్‌ను కూడా ఆన్‌లైన్‌లోనే బుక్‌ చేసుకుంటున్నారు. ఆన్‌లైన్‌ పేమెంట్స్‌ సంస్థలు రకరకాల ఆఫర్లను..
ప్రస్తుతం ఏ చిన్న వస్తువు కావాలన్న స్మార్ట్‌ఫోన్‌ ఓపెన్‌ చేసి యాప్‌లో బుక్‌ చేసే రోజులు వచ్చేశాయి. అన్నీ ఆన్‌లైన్‌లోనే అన్నట్లు పరిస్థితులు మారాయి. చివరికి గ్యాస్ సిలిండర్‌ను కూడా ఆన్‌లైన్‌లోనే బుక్‌ చేసుకుంటున్నారు. ఆన్‌లైన్‌ పేమెంట్స్‌ సంస్థలు రకరకాల ఆఫర్లను ప్రకటించడం కూడా దీనికి కారణంగా చెప్పొచ్చు. ఈ క్రమంలోనే ప్రముఖ ఆన్‌లైన్‌ పేమెంట్స్‌ సంస్థ పేటీం వినియోగదారులకు ఓ మంచి ఆఫర్‌ను అందించింది. ఆన్‌లైన్‌లో గ్యాస్ సిలిండర్ బుక్‌ చేసిన వారికి క్యాష్‌ బ్యాక్‌ను అందిస్తోంది. ఈ ఆఫర్‌కు సంబంధించిన పూర్తి వివరాలు మీకోసం..
భారత్‌గ్యాస్‌, ఇండేన్‌, హెచ్‌పీ సంస్థలకు చెందిన ఎల్‌పీజీ గ్యాస్ సిలిండర్ బుకింగ్‌పై పేటీఎం క్యాష్బ్యాక్ అందిస్తోంది. పేటీఎం నుంచి మొదటిసారి గ్యాస్ బుక్‌ చేసుకున్న వారికి రూ. 15 క్యాష్‌బాక్‌ లభించనుంది. అలాగే పేటీఎం వ్యాలెట్‌ నుంచి సిలిండర్ బుక్‌ చేసుకుంటే రూ. 50 వరకు క్యాష్బ్యాక్ పొందొచ్చు. వీటికి అదనంగా కస్టమర్ల కోసం ట్రాకింగ్ ఆప్షన్‌ను కూడా అందించారు. దీని ద్వారా మీ సిలిండర్ ఎక్కడ ఉందన్న విషయాన్ని ట్రాక్‌ చేసుకోవచ్చు. అయితే ఇది మొదటిసారికి మాత్రమే వర్తిస్తుంది.
ఈ క్యాష్‌బ్యాక్‌ను పొందడానికి కస్టమర్లు.. రూ. 15 క్యాష్బ్యాక్ పొందడానికి “FIRSTGAS” కోడ్‌, పేటీఎం వాలెట్‌ని ఉపయోగించి సిలిండర్‌ల బుకింగ్ చేసే యూజర్లు “WALLET50GAS” కోడ్‌ని ఎంటర్‌ చేయాల్సి ఉంటుంది. ఇక మొదటి బుకింగ్ తర్వాత, యాప్ బుకింగ్ వివరాలను కూడా సేవ్ చేస్తుంది, దీంతో తదుపరి బుకింగ్ కోసం యూజర్లు 17-అంకెల ఎల్‌పీజీ ఐడీ(LPG ID) తదితర వివరాలను గుర్తుంచుకోవాల్సిన అవసరం లేదు. ఈ బుకింగ్ ప్రక్రియ పూర్తవగానే మీ గ్యాస్ సిలిండర్ మీ రిజిస్టర్డ్ చిరునామాకు 2-3 రోజుల్లో సిలిండర్ డెలివరీ జరుగుతుంది.
మరిన్ని బిజినెస్ వార్తల కోసం క్లిక్ చేయండి..