Oppo A16: ఒప్పో నుంచి మరో కొత్త బడ్జెట్ ఫోన్ .. ధర రూ.10 వేలలోనే.. ఫీచర్స్‌ వివరాలు..!

Oppo A16: కస్టమర్లను పలు స్మార్ట్‌ఫోన్‌ మరింతగా ఆకట్టుకుంటున్నాయి. పలు మొబైల్‌ తయారీ కంపెనీలు రకరకాల ఫీచర్స్‌తో కొత్త కొత్త మోడళ్లను మార్కెట్లో విడుదల చేస్తున్నాయి. పలు.

Oppo A16

TV9 Telugu Digital Desk | Edited By: Subhash Goud

Updated on: Jul 18, 2021 | 5:02 PM

Oppo A16: కస్టమర్లను పలు స్మార్ట్‌ఫోన్‌ మరింతగా ఆకట్టుకుంటున్నాయి. పలు మొబైల్‌ తయారీ కంపెనీలు రకరకాల ఫీచర్స్‌తో కొత్త కొత్త మోడళ్లను మార్కెట్లో విడుదల చేస్తున్నాయి. పలు ఫోన్‌ తయారీ కంపెనీలు పోటా పోటీగా స్మార్ట్‌ ఫోన్‌లను విడుదల చేస్తున్నాయి. ఇక తాజాగా ఒప్పో నుంచి మరో ఫోన్‌ మార్కెట్లో విడుదలైంది. ఒప్పో ఏ16 స్మార్ట్‌ఫోన్‌ ఇండోనేషియాలో విడుదల చేసింది. గతేడాది అక్టోబర్‌లో విడుదలైన ఒప్పో ఏ15కు తర్వాత వెర్షన్‌గా ఈ ఫోన్ అందుబాటులోకి వచ్చింది. దీని అంచులు సన్నగానూ, ఫోన్ కిందవైపు మందంగానూ ఉండనుంది. వాటర్‌డ్రాప్ నాచ్ తరహా డిస్‌ప్లేను ఇందులో అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది.

ఒప్పో ఏ16 ధర

ఇందులో కేవలం ఒక్క వేరియంట్ మాత్రమే అందుబాటులో ఉంది. 3 జీబీ ర్యామ్ + 32 జీబీ స్టోరేజ్‌తో ఉన్న ఈ ఫోన్ ధర భారత కరెన్సీలో సుమారు రూ.9,800 నిర్ణయించారు. క్రిస్టల్ బ్లాక్, పెరల్ బ్లూ, స్పేస్ సిల్వర్ రంగుల్లో ఈ ఫోన్ కొనుగోలు చేయవచ్చు. ఈ ఫోన్ మనదేశంలో ఎప్పుడు విడుదల చేయనున్నారో కంపెనీ వెల్లడించలేదు. త్వరలో భారత్‌లో కూడా విడుదలయ్యే అవకాశం ఉందని పలు వ్యాపారవేత్తలు చెబుతున్నారు.

ఒప్పో ఏ16 స్పెసిఫికేషన్లు

ఆండ్రాయిడ్ 11 ఆధారిత కలర్ఓఎస్ 11.1 ఆపరేటింగ్ సిస్టంపై ఈ ఫోన్ రన్‌ అవుతుంది. ఇందులో 6.52 అంగుళాల హెచ్‌డీ+ డిస్ ప్లేను అందించారు. దీని స్క్రీన్ రిఫ్రెష్ రేట్, టచ్ శాంప్లింగ్ రేట్ 60 హెర్ట్జ్‌గా ఉంది. స్క్రీన్ టు బాడీ రేషియో 88.7 శాతంగా ఉంది. ఆక్టాకోర్ మీడియాటెక్ హీలియో జీ35 ప్రాసెసర్‌పై ఈ స్మార్ట్ ఫోన్ పనిచేయనుంది. 3 జీబీ ర్యామ్, 32 జీబీ స్టోరేజ్‌ను ఇందులో పొందుపర్చారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. అలాగే ఇందులో వెనకవైపు మూడు కెమెరాలు ఉండగా, వీటిలో ప్రధాన కెమెరా సామర్థ్యం 13 మెగాపిక్సెల్‌గా ఉండగా, దీంతోపాటు 2 మెగాపిక్సెల్ మాక్రో లెన్స్, 2 మెగాపిక్సెల్ డెప్త్ సెన్సార్ కూడా ఇందులో ఉన్నాయి. ఇక సెల్ఫీలు, వీడియో కాల్స్ కోసం 8 మెగాపిక్సెల్ కెమెరాను అందించారు.దీని బ్యాటరీ సామర్థ్యం 5000 ఎంఏహెచ్‌గా ఉంది. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, యూఎస్‌బీ టైప్-సీ, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లను కూడా ఇందులో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.