Online Scam: పొరపాటున ఎవరైనా మీకు డబ్బు పంపించారా? జాగ్రత్త.. దాని వెనుక భారీ స్కామ్‌

Onlie Scam

ప్రపంచవ్యాప్తంగా ప్రజలు ఆన్‌లైన్ మోసాల బారిన పడుతున్నారు. మోసగాళ్లు రోజురోజుకు ప్రజలను మోసం చేసేందుకు కొత్త మార్గాలను అన్వేషిస్తున్నారు. దీని ప్రకారం, ఎవరైనా అనుకోకుండా మీ బ్యాంక్ ఖాతాకు డబ్బు పంపితే సంతోషించాల్సిన అవసరం లేదు. ఎందుకంటే ఇది స్కామర్ల కొత్త ట్రిక్. మీ బ్యాంక్ ఖాతాలో ఉచితంగా క్రెడిట్‌ అయిన డబ్బును చూసి సంతోషించకండి. దీని వెనుక మోసగాళ్ల హస్తం ఉంది. డబ్బు పంపిన తర్వాత, మోసగాళ్లు వారి డబ్బును డిమాండ్ చేయడం ప్రారంభిస్తారు. వ్యక్తులను ట్రాప్ చేయడం ద్వారా హ్యాకర్లు బ్యాంకింగ్ సమాచారం, ఓటీపీని సేకరిస్తారు. లేదా తెలియక మనం బ్యాంకింగ్ వివరాలను ఇవ్వడంలో ఈ తప్పు చేస్తున్నాం. ఇంకా ఈ పొరపాటు మనపై ఎంత భారాన్ని మోపుతుంది అంటే మోసగాళ్ళు మన డబ్బును సులభంగా దోచుకుంటారు.

నా ఖాతా నుంచి పొరపాటున మీకు డబ్బు బదిలీ అయిందని మోసగాళ్లు మిమ్మల్ని మోసగిస్తారు. అప్పుడు వారు మీకు బ్యాంకింగ్ వివరాలు మరియు OTP వంటి సమాచారాన్ని పంచుకునేలా చేస్తారు. మీ UPI లాగిన్ మరియు చెల్లింపు వివరాలను దొంగిలించడానికి కూడా మాల్వేర్ ఉపయోగించబడుతుంది. అటువంటి పరిస్థితిలో ఎవరైనా తెలియని వ్యక్తి మీతో ఏదైనా లింక్‌ను షేర్ చేస్తే, పొరపాటున కూడా ఆ లింక్‌పై క్లిక్ చేయవద్దు. మీరు క్లిక్ చేసిన వెంటనే వైరస్ మీ ఫోన్‌లోకి ప్రవేశించవచ్చు. ఇది మీ బ్యాంకింగ్ సమాచారాన్ని దొంగిలించవచ్చు. అంతేకాకుండా మీ ఖాతాను హ్యాక్‌ చేసి ఉన్న డబ్బంతా దోచుకునే అవకాశం ఉందని, జాగ్రత్తగా ఉండాలని టెక్‌ నిపుణులు, బ్యాంకు అధికారులు హెచ్చరిస్తున్నారు.

• మీ UPI పిన్, OTP లేదా పాస్‌వర్డ్ పొరపాటున ఎవరితోనూ షేర్ చేయవద్దు.
• ఏదైనా తెలియని వ్యక్తి మిమ్మల్ని వెబ్‌సైట్‌లో \linkని క్లిక్ చేయడం ద్వారా సమాచారాన్ని పూరించమని అడిగితే, ముందుగా URL నిజంగా ప్రామాణికమైనదా కాదా అని తనిఖీ చేయండి.
• యూపీఐ యాప్‌ను అప్‌డేట్ చేయండి. అలాగే యాప్‌లో బలమైన పాస్‌వర్డ్‌ను ఉపయోగించండి.
• యూపీఐ లావాదేవీల కోసం పబ్లిక్ Wi-Fiని ఉపయోగించవద్దు.

మరిన్ని బిజినెస్ వార్తల కోసం ఇక్కడ క్లిక్ చేయండి