Ola roadster X: డీలర్ల వద్దకు చేరుతున్న ఓలా బైక్స్.. త్వరలోనే డెలివరీలు షురూ
భారతదేశంలోని ఆటో మొబైల్ మార్కెట్లో ప్రస్తుతం ఎలక్ట్రిక్ వాహనాల ట్రెండ్ నడుస్తుంది. ముఖ్యంగా ద్విచక్ర వాహనాల విషయానికి వస్తే ఈవీ స్కూటర్లు అమ్మకాల్లో కొత్త రికార్డులను సృష్టిస్తున్నాయి. ఓలా ఈవీ స్కూటర్లు భారతదేశంలో అత్యధికంగా అమ్ముడవుతున్న ఈవీ స్కూటర్లుగా ఉన్నాయి. తాజా ఓలా కంపెనీ రోడ్స్టర్ ఎక్స్ పేరుతో ఈవీ బైక్స్ను లాంచ్ చేసింది. ఈ బైక్స్ త్వరలోనే డెలివరీ అవుతాయని మార్కెట్ నిపుణులు చెబుతున్నారు.
ఓలా ఎలక్ట్రిక్ కంపెనీకు సంబంధించిన మొట్టమొదటి ఎలక్ట్రిక్ మోటార్ సైకిల్ రోడ్లస్టర్ ఎక్స్ బైక్స్ ఇటీవల కాలంలో ఓలా డీలర్ల వద్దకు చేరుతున్నాయి. ముఖ్యంగా డీలర్ల వద్ద ఈ బైక్స్ను చూసిన వినియోగదారులు కొనుగోలుకు ఆసక్తి చూపుతున్నారు. ఈ నేపథ్యంలో త్వరలోనే ఓలా కంపెనీ ఓలా రోడ్స్టర్ బైక్స్ను డెలిరీలను ప్రారంభిస్తుందని నిపుణులు పేర్కొంటున్నారు. రోడ్ స్టర్ ఎక్స్ బైక్స్ ఉత్పత్తి ఇటీవలే ఫ్యూచర్ ఫ్యాక్టరీలో ప్రారంభించారు. ఓలా రోడ్ స్టర్ ఎక్స్ మూడు ప్రత్యేకమైన వేరియంట్లలో లభిస్తుంది. ఈ మూడు వేరియంట్లు వేర్వేరు బ్యాటరీ ప్యాక్ ఎంపికలతో వస్తుంది. ఓలా రోడ్ స్టర్ ఎక్స్ బ్యాటరీలు 2.5 కేడబ్ల్యూహెచ్, 3.5 కేడబ్ల్యూహెచ్, 4.5 కేడబ్ల్యూహెచ్ కలిగి ఉంటాయి. అయితే బ్యాటరీ ప్యాక్తో సంబంధం లేకుండా అన్ని వేరియంట్లు ఒకే 7 కేడబ్ల్యూ మిడ్-మౌంటెడ్ మోటారు ద్వారా శక్తిని పొందుతాయి.
ఓలా రోడ్లస్టర్ ఎక్స్కు సంబంధించిన ఎంట్రీ-లెవల్ మోడల్ 2.5 కేడబ్ల్యూహెచ్ బ్యాటరీ ప్యాక్తో వస్తుంది. ఈ బైక్ ఈ సిరీస్లో అత్యంత సరసమైన ఎంపికగా నిలిచింది. ఈ బైక్ ధర రూ.74,999 (ఎక్స్-షోరూమ్)గా ఉంది. అలాగే ఈ వేరియంట్ పూర్తి ఛార్జ్ పై 140 కిలోమీటర్ల పరిధిని అందిస్తుంది. అలాగే 3.4 సెకన్లలో 0 నుంచి 40 కిలో మీటర్ల వేగాన్ని అందుకుంటుంది. అలాగే గరిష్టంగా 105 కిలో మీటర్ల వేగంతో దూసుకుపోతుంది. మిడ్-రేంజ్ వేరియంట్ 3.5 కేడబ్ల్యూహెచ్ బ్యాటరీ ప్యాక్తో వస్తుంది. ఈ బైక్ ధర రూ.84,999 (ఎక్స్-షోరూమ్) నుంచి ప్రారంభం అవుతుంది. బేస్ మోడల్తో పోలిస్తే ఈ బైక్ పూర్తి ఛార్జ్ పై 196 కిలోమీటర్ల మెరుగైన పరిధిని అందిస్తుంది. ఈ పెద్ద బ్యాటరీ వేరియంట్ 3.1 సెకన్లలో 0 నుంచి 40 కిలో మీటర్ల వేగాన్ని అందుకుంటుంది. అలాగే 118 కిలోమీటర్ల గరిష్ట వేగంతో దూసుకుపోతుంది.
ఓలా రోడ్ స్టర్ ఎక్స్ ప్రీమియం మోడల్ 4.5 కేడబ్ల్యూహెచ్ బ్యాటరీ ప్యాక్తో వస్తుంది. ఈ బైక్ ధర రూ.94,999 (ఎక్స్-షోరూమ్) నుంచి అందుబాటులో ఉంటుంది. ఈ వేరియంట్ అత్యధిక బ్యాటరీ సామర్థ్యాన్ని అందిస్తుంది. ఈ బైక్ పూర్తి ఛార్జ్ పై 252 కిలోమీటర్ల పరిధిని అందిస్తుంది. అలాగే 3.1 సెకన్లలో 0 నుంచి 40 కిలో మీటర్ల వేగాన్ని అందుకుంటుంది. అలాగే మిడ్-రేంజ్ వేరియంట్ మాదిరిగానే గరిష్టంగా 118 కిలో మీటర్ల వేగంతో దూసుకుపోతుంది. ఫీచర్ల విషయానికి వస్తే ఓలా రోడర్ ఎక్స్లో టెలిస్కోపిక్ ఫ్రంట్ ఫోర్క్, వెనుక భాగంలో డ్యూయల్ షాక్ అబ్జార్బర్లతో వస్తుంది. ఈ బైక్ 180 ఎంఎం గ్రౌండ్ క్లియరెన్స్తో వస్తుంది. అలాగే ఓలా రోడ్ స్టర్ ఎక్స్ ప్రతి వేరియంట్లో 4.3 అంగుళాల ఎల్సీడీ ఇన్స్ట్రుమెంట్ ప్యానెల్ ఆకట్టుకుంటుంది. బ్లూటూత్ కనెక్టివిటీ, టర్న్-బై-టర్న్ నావిగేషన్, రివర్స్ మోడ్, క్రూయిజ్ కంట్రోల్, బ్రేక్-బై-వైర్ టెక్నాలజీ వంటి పీచర్లు ఆకట్టుకుంటాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..