Mukesh Ambani: 32 రోజుల్లో రూ.50 వేల కోట్ల నష్టం.. అయినా ఇప్పటికీ ముఖేష్ అంబానీ ఆసియాలో నంబర్ 1

హిండెన్‌బర్గ్ రీసెర్చ్ నివేదిక, అదానీ గ్రూప్ కంపెనీల షేర్ల పతనం ప్రస్తుతం అత్యంత హాట్ టాపిక్‌గా మారింది. వీటన్నింటి మధ్య ముఖేష్ అంబానీ ఆసియా ధనిక వ్యాపారవేత్తగా కిరీటాన్ని ధరించారు...

Mukesh Ambani

Subhash Goud |
Updated on: Feb 02, 2023 | 6:38 PM

హిండెన్‌బర్గ్ రీసెర్చ్ నివేదిక, అదానీ గ్రూప్ కంపెనీల షేర్ల పతనం ప్రస్తుతం అత్యంత హాట్ టాపిక్‌గా మారింది. వీటన్నింటి మధ్య ముఖేష్ అంబానీ ఆసియా ధనిక వ్యాపారవేత్తగా కిరీటాన్ని ధరించారు. ఆశ్చర్యకరమైన విషయం ఏమిటంటే ఈ ఏడాది అంటే 2023లో అతని నికర విలువ రూ.50,000 కోట్లు తగ్గింది. ప్రపంచంలోని అత్యంత సంపన్న వ్యాపారవేత్తలలో ముఖేష్ అంబానీ 9వ స్థానంలో ఉన్నారు. ఫిబ్రవరి 2 న రిలయన్స్ కంపెనీ షేర్లలో స్వల్ప క్షీణత ఉన్నందున సంపదలో స్వల్ప క్షీణత ఉండే అవకాశం ఉంది. ఇప్పుడు ఆదానీ 15వ స్థానానికి వెళ్లిపోయారు. ఇప్పుడు అంబానీ దేశంలో నంబర్ వన్ స్థానాన్ని దక్కించుకున్నారు.

ముకేశ్ అంబానీ ఆసియాలోనే అత్యంత సంపన్న వ్యాపారవేత్త

ముకేశ్ అంబానీ ప్రస్తుతం 81 బిలియన్ డాలర్ల నికర సంపదతో ఆసియాలోనే అత్యంత సంపన్న వ్యాపారవేత్త. అతను చాలా కాలం పాటు ఆసియా, దేశంలోనే అత్యంత ధనవంతుడైన వ్యాపారవేత్త గౌతమ్ అదానీ నుండి ఈ కిరీటాన్ని లాగేసుకున్నాడు. నిజానికి గౌతమ్ అదానీ సంపద తగ్గడం వల్ల ముఖేష్ అంబానీ లాభపడ్డారు. ముకేశ్ అంబానీ ఏడాది క్రితం వరకు దేశంలోనే అత్యంత ధనవంతుడైన వ్యాపారవేత్త. ఆ తర్వాత చైనా బిలియనీర్లను వదిలి ఆసియాలోనే అత్యంత ధనిక పారిశ్రామికవేత్తగా అవతరించాడు.

ఈ ఏడాది 50 వేల కోట్ల రూపాయల నష్టం

ముఖేష్ అంబానీ ఈ ఏర్పాటులో 6 బిలియన్ డాలర్ల నష్టాన్ని చవిచూశారు. భారతీయ రూపాయి ప్రకారం చూస్తే దాదాపు 50 వేల కోట్ల రూపాయల నష్టం వచ్చింది. అంటే 2023లో ప్రతిరోజు ముఖేష్ అంబానీ రూ.15,61,46,84,500 నష్టాన్ని చవిచూడాల్సి వస్తుంది. ఇది కాకుండా అంబానీ నికర విలువ ప్రతి గంటకు రూ.65,06,11,854 తగ్గింది. ముఖేష్ అంబానీ ప్రతి నిమిషంలో రూ. 1,08,43,530 నష్టాన్ని చవిచూడగా, ప్రతి సెకనులో రూ.1,80,725 నష్టపోయాడనే చెప్పాలి.

ఇవి కూడా చదవండి