Tomato Price: దిగి వస్తున్న టమాట ధర.. ఏ నగరంలో ఎంత తగ్గిందో తెలుసా..?

Tomato

టమాటా ధరలను తగ్గించేందుకు ప్రభుత్వం నిరంతరం ప్రయత్నాలు చేస్తోంది. నేపాల్ నుంచి టమాటాలు దిగుమతి అవుతున్నాయి. తక్కువ ధరకు లభించే టమాటా విక్రయానికి ప్రభుత్వం శ్రీకారం చుట్టింది. అటువంటి పరిస్థితిలో ప్రభుత్వం వినియోగదారుల వ్యవహారాల వెబ్‌సైట్‌లో కూడా టమోటాల ధర తగ్గుదల కనిపించింది. దేశ రాజధాని ఢిల్లీలో టమాటా ధరలు భారీగా తగ్గాయి. అధికారిక వెబ్‌సైట్ డేటా ప్రకారం.. రెండు వారాల్లో టమోటా ధరలలో రూ.90 తగ్గుదల కనిపించింది. రానున్న రోజుల్లో ఇది మరింత తగ్గుతుందని అంచనా. ఇది కాకుండా దేశ సగటు ధరలలో కూడా క్షీణత ఉంది. ప్రభుత్వ లెక్కల ప్రకారం.. ఢిల్లీతో పాటు దేశంలో టమోటా ధరలు ఎంత తగ్గాయో కూడా తెలుసుకుందాం.

ఢిల్లీలో టమోటా చౌకగా..

వినియోగదారుల వ్యవహారాల వెబ్‌సైట్ ప్రకారం.. ఆగస్టు 1 న టమోటా ధర 177 రూపాయలు ఉండగా, ఇది ఆగస్టు 15 నాటికి కిలో 107 రూపాయలకు చేరుకుంది. అంటే రెండు వారాల్లో టమాట ధరలు కిలో రూ.90కి పడిపోయాయి. దేశంలో సగటు ధరల్లో కూడా తగ్గుదల కనిపించడం విశేషం. ఆగస్టు 1న కిలో టమోటా సగటు ధర రూ.132.57 ఉండగా, ఆగస్టు 15 నాటికి కిలో రూ.107.87కి తగ్గింది. అంటే సగటున కూడా టమాట ధరలు రూ.25 తగ్గాయి.

దేశంలో అత్యంత చౌకైన టమోటా ఎక్కడా..?

గత రెండు వారాలుగా దేశంలోనే అత్యంత చౌకైన టమోటా సోనిత్‌పూర్ తేజ్‌పూర్‌లో ఉంది. ఇక్కడ ఆగస్టు 1న టమాటా కిలో రూ.37 పలికింది. ఈరోజు కూడా ఇక్కడ టమాట ధరలు అదే స్థాయిలో ఉన్నాయి. దేశంలో టమాట గరిష్ఠ ధర గురించి మాట్లాడుకుంటే ఇప్పుడు కిలో రూ.200 దిగువకు వచ్చింది. ఆగస్టు 1న మధ్యప్రదేశ్‌లోని భింద్‌లో టమోటా కిలో రూ.240కి లభించింది. ఆగస్టు 15న మధ్యప్రదేశ్‌లోని సెహోర్‌లో కిలో రూ.198కి తగ్గింది. రాబోయే రోజుల్లో టమోటా ధరలు మరింత తగ్గే అవకాశం ఉంది.

దేశంలోని ఇతర నగరాల్లో ధర ఎంత తగ్గింది..?

ఆగస్టు 1న చండీగఢ్‌లో టమోటా ధర రూ.115 ఉండగా, ప్రస్తుతం కిలో రూ.90కి చేరింది. అమృత్‌సర్‌లో ఆగస్టు 1న రూ.120 ఉన్న టమోటా ధరలు ఇప్పుడు కిలో రూ.152కి పెరిగాయి. లక్నోలో ఆగస్టు 1న కిలో రూ.150 ఉన్న టమోటా ధరలు కిలో రూ.120కి తగ్గాయి. పశ్చిమ ఉత్తరప్రదేశ్‌లోని హాపూర్‌లో ఆగస్టు 1న టమాటా ధర రూ.218 ఉండగా, కిలో రూ.68కి తగ్గింది.

హరిద్వార్ నుంచి బెంగుళూరు వరకు ఇవి ధరలు:

హరిద్వార్‌లో ఆగస్టు 1న రూ.110 ఉన్న టమోటా ధర ఇప్పుడు కిలో రూ.180కి పెరిగింది. బెంగళూరులో ఆగస్టు 1న కిలో రూ.97 ఉన్న టమాటా ధరలు కిలో రూ.80కి తగ్గాయి. శివమొగ్గలో ఆగస్టు 1న కిలో టమాటా ధర రూ.115 ఉండగా, కిలో రూ.60కి పడిపోయింది. ఆగస్టు 1న కోలార్‌లో కిలో టమాటా ధర రూ.107 ఉండగా, కిలో రూ.67కి పడిపోయింది. చెన్నైలోనూ రెండు వారాల్లో టమాట ధరలు దాదాపు సగానికి పడిపోయాయి. ఆగస్టు 1న రూ.163 ఉండగా, కిలో రూ.72కి తగ్గింది. ముంబైలో ఆగస్టు 1న టొమాటో ధరలు కిలో రూ.155 ఉండగా, అందులో పెద్దగా మార్పు లేదు, ఇప్పుడు కిలో రూ.158కి చేరింది. ఇక హైదరాబాద్‌లో రూ.120 ఉండగా, ప్రస్తుతం రూ.50 నుంచి రూ.60 వరకు పలుకుతోంది.

మరిన్ని బిజినెస్ వార్తల కోసం ఇక్కడ క్లిక్ చేయండి