EV Scooters: మార్కెట్‌పై ఈవీ స్కూటర్ల దండయాత్ర.. అదిరే ఫీచర్లతో భవిష్యత్ వీటిదే..!
పెరుగుతున్న డిమాండ్‌కు అనుగుణంగా కంపెనీలు కూడా కొత్త మోడల్స్‌ ఈవీలను లాంచ్‌ చేస్తున్నాయి. ప్రస్తుతం మార్కెట్‌లో అందుబాటులో ఉన్న ఈవీ స్కూటర్లతో పాటు భవిష్యత్‌లో హోండా, యమహా, బజాజ్, ఏథర్, కైనెటిక్ కంపెనీల స్కూటర్లు విడుదల కానున్నాయి. సాంప్రదాయ ఐసీఈ (ఇంటర్నల్ కంబషన్ ఇంజన్) స్కూటర్లతో పోలిస్తే వీటి ఖర్చు, ప్రభావం, ప్రాక్టికాలిటీ కారణంగా ఎలక్ట్రిక్ స్కూటర్లు క్రమంగా పట్టణ రవాణాకు ప్రాధాన్యతనిచ్చే మోడ్‌గా అభివృద్ధి చెందుతున్నాయి.
భారతదేశంలో ప్రస్తుతం ఈవీ వాహనాల ట్రెండ్‌ నడుస్తుంది. ముఖ్యంగా పెరుగుతున్న పెట్రోల్ ధరల నుంచి రక్షణకు ప్రజలు ఈవీ వాహనాలను ప్రత్యామ్నాయంగా చూస్తున్నారు. మొదట్లో పట్టణ ప్రాంత ప్రజలే ఈవీ వాహనాలను ఎక్కువగా ఇష్టపడేవారు. క్రమేపి గ్రామీణ ప్రాంతాల వారు కూడా ఈవీ వాహనాలను ఇష్టపడుతున్నారు. పెరుగుతున్న డిమాండ్‌కు అనుగుణంగా కంపెనీలు కూడా కొత్త మోడల్స్‌ ఈవీలను లాంచ్‌ చేస్తున్నాయి. ప్రస్తుతం మార్కెట్‌లో అందుబాటులో ఉన్న ఈవీ స్కూటర్లతో పాటు భవిష్యత్‌లో హోండా, యమహా, బజాజ్, ఏథర్, కైనెటిక్ కంపెనీల స్కూటర్లు విడుదల కానున్నాయి. సాంప్రదాయ ఐసీఈ (ఇంటర్నల్ కంబషన్ ఇంజన్) స్కూటర్లతో పోలిస్తే వీటి ఖర్చు, ప్రభావం, ప్రాక్టికాలిటీ కారణంగా ఎలక్ట్రిక్ స్కూటర్లు క్రమంగా పట్టణ రవాణాకు ప్రాధాన్యతనిచ్చే మోడ్‌గా అభివృద్ధి చెందుతున్నాయి. కాబట్టి ప్రస్తుతం మార్కెట్‌లో రిలీజవ్వబోయే స్కూటర్ల గురించి తెలుసుకుందాం.
హోండా యాక్టివా ఎలక్ట్రిక్
హోండా ఇటీవల తన ఎలక్ట్రిక్ వాహనాల కోసం స్వింగ్‌ఆర్మ్-మౌంటెడ్ మోటారుకు పేటెంట్ ఇచ్చింది. ఇది ఈ రాబోయే మోడళ్లలో ప్రారంభమవుతుందని భావిస్తున్నారు. ఈ లైనప్‌లోని మొదటి ఎలక్ట్రిక్ స్కూటర్ యాక్టివా ఎలక్ట్రిక్ కావచ్చని నిపుణులు అంచనా వేస్తున్నారు. యాక్టివా ఎలక్ట్రిక్ రెండు వేరియంట్‌లలో అందుబాటులో ఉంటుందని అంచనా వేస్తున్నారు. స్థిర బ్యాటరీతోపాటు మరో మార్చుకోగల బ్యాటరీతో వస్తుందని పేర్కొంటున్నారు. ముఖ్యంగా దేశవ్యాప్తంగా ఉన్న పెట్రోల్ పంపుల వద్ద బ్యాటరీ స్వాపింగ్ స్టేషన్లను ఏర్పాటు చేసేందుకు హోండా హిందుస్థాన్ పెట్రోలియంతో భాగస్వామ్యం కుదుర్చుకున్నట్లు నివేదికలు వెల్లడిస్తున్నాయి.
సుజుకి బర్గ్‌మాన్ ఎలక్ట్రిక్
సుజుకీ బర్గమాన్‌ ఇప్పటికే జపాన్‌లో అరంగేట్రం చేసింది. ప్రస్తుతం ఈ స్కూటర్ ఆన్‌రోడ్‌ పరీక్షల దశలో ఉంది. ఈ స్కూటర్ 4 కేడబ్ల్యూ మోటార్‌తో అమర్చి ఉంటుంది. 18 ఎన్‌ఎం గరిష్ట టార్క్‌ను అందజేస్తుంది. 60 కేఎంపీహెచ్‌ గరిష్ట వేగంతో 45 కేఎం పరిధిని అందిస్తుంది. ఈ స్కూటర్‌లో కూడా బ్యాటరీని మార్చుకునే సదుపాయం ఉంటుందని భావిస్తున్నారు.
యమహా ఈ-01
మొదట్లో యమహా ఎలక్ట్రిక్ నియో స్కూటర్‌ను ప్రవేశపెట్టాలని ప్లాన్ చేసింది. ఇది ఇప్పటికే యూరోప్‌లో అందుబాటులో ఉంది. నియో స్కూటర్ హోండాతో పంచుకున్న అదే స్వాప్ చేసే బ్యాటరీని కలిగి ఉంది. ఒక్కసారి ఛార్జ్ చేస్తే 45కిమీల పరిధిని అందిస్తుంది. యమహా ఇండియా ఇప్పుడు అభివృద్ధి చెందుతున్న ఈ ల్యాండ్‌స్కేప్‌లో పోటీ పడేందుకు స్పోర్టీ ఎలక్ట్రిక్ స్కూటర్‌ను అభివృద్ధి చేస్తోంది.
కైనెటిక్ ఈ-లూనా
ఐకానిక్ లూనా ఈసారి ఎలక్ట్రిక్ అవతార్‌లో తిరిగి రావడానికి సిద్ధంగా ఉంది. ఎలక్ట్రిక్ మోపెడ్ డిజైన్ ప్రాక్టికాలిటీని సూచిస్తుంది. ఇన్‌స్ట్రుమెంట్ క్లస్టర్‌తో పాటు చుట్టూ ఎల్‌ఈడీ లైటింగ్‌తో ఉంటుందని టీజర్‌ చిత్రాలు సూచిస్తున్నాయి. బ్యాటరీ విశాలమైన ఫ్లోర్‌బోర్డ్ కింద ఉంచారు. ఈ-లూనా స్ప్లిట్-సీట్ కాన్ఫిగరేషన్‌ను కలిగి ఉంటుంది. బ్యాటరీ, మోటారుకు సంబంధించిన వివరాలు ఇంకా తెలియాల్సి ఉండగా ఇది గరిష్టంగా 50 కేఎంపీహెచ్‌ వేగంతో సుమారు 60-70 కిలోమీటర్ల పరిధిని అందిస్తుంది.
బజాజ్ చేతక్
బజాజ్ చేతక్ ఒక అప్‌గ్రేడ్‌ని అందుకోవడానికి సిద్ధంగా ఉంది. కొత్త మోడల్ 110 కిలోమీటర్ల వరకు పొడిగించిన పరిధిని అందించగలదని భావిస్తున్నారు. అప్‌గ్రేడ్ చేసిన మోడల్ పెద్ద 4 కేడబ్ల్యూహెచ్‌ బ్యాటరీని కలిగి ఉండవచ్చని పేర్కొంటున్నారు. బలమైన స్టీల్ యూనిబాడీ, బ్లూటూత్ కనెక్టివిటీ, జియో-ఫెన్సింగ్, ఓవర్-ది-ఎయిర్ అప్‌డేట్‌లు (ఓటీఏ), కలర్ ఎల్‌సీడీ కన్సోల్, తక్కువ-స్పీడ్ పార్కింగ్ కోసం రివర్స్ మోడ్, మరిన్నింటితో దాని ప్రీమియం అనుభూతి ఉంటుంది.
ఏథర్ న్యూ వేరియంట్స్
ఏథర్ ఎనర్జీ పోర్ట్‌ఫోలియోలో రెండు అదనపు మోడళ్లను త్వరలో ప్రవేశపెట్టబోతున్నారు. రాబోయే స్కూటర్లు రైడర్, పిలియన్ రెండింటికీ మరింత సౌకర్యవంతమైన సీటింగ్‌ను కల్పించేందుకు పెద్ద కొలతలు కలిగి ఉంటాయని భావిస్తున్నారు. 7 అంగుళాల టచ్‌స్క్రీన్ ఇన్‌స్ట్రుమెంట్ క్లస్టర్ వంటి ఫీచర్లు అలాగే ఉంటాయి. మరింత సరసమైన వేరియంట్‌లలో 450 ఎస్‌ మోడల్‌లో ప్రవేశపెట్టిన 7 అంగుళాల ఎల్‌సీడీ ఉండవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..