Hyderabad Real Estate: గృహాల విక్రయాలలో తగ్గేదిలే అంటున్న ఏడు నగరాలు.. రికార్డ్‌ సృష్టించిన హైదరాబాద్‌

Housing Sales

దేశంలో గృహాలకు ఎంతో ఆదరణ లభిస్తోంది. ప్రతి ఒక్కరికి సొంతింటి కల నెరవేర్చుకోవాలనేది ఉంటుంది. సొంతింటి కల సకారం చేసుకునేందుకు వడ్డీ రేట్లను సైతం లెక్క చేయడం లేదు. అప్పు చేసైనా సొంటింటిని నిర్మించుకోవాలనే ఆరాటంలో ఉంటున్నారు. ఈ నేపథ్యంలో భారతదేశంలోని ఏడు ప్రధాన నగరాల్లో గృహ విక్రయాలు జోరుగా సాగుతున్నాయి. అంతేకాదు.. ఎప్పుడు లేని విధంగతా ఈ ఏడాదిలో గృహ విక్రయాలు ఈ ఏడాదిలో రికార్డు స్థాయిలో నమోదు కావడం గమనార్హం. దీంతో నివాస గృహాల విక్రయాలలో 2014లో నమోదైన రికార్డును ఈ ఏడాది చెరిపేసిందని ప్రాపర్టీ కన్సల్టెంట్‌ అన్‌రాక్‌ తన నివేదికలో పేర్కొంది. అయితే రుణాల వడ్డీ రేట్లు పెరిగినా గృహాలకు డిమాండ్ ఏ మాత్రం తగ్గడం లేదని, కరోనా మహమ్మారికి ముందు ఎలా ఉందో అలాంటి పరిస్థితులు కనిపిస్తున్నాయని తెలిపింది.

2022లో 3,64,900 యూనిట్ల గృహ విక్రయాలు:

2021 సంవత్సరంలో 2,36,500 యూనిట్ల గృహ విక్రయాలు జరుగగా, 2022లో 54 శాతం వృద్ధిలో 3,64,900 యూనిట్ల విక్రయాలు జరిగినట్లు అన్‌రాక్‌ తన నివేదికలో పేర్కొంది. ఈ నివేదికలో ఢిల్లీ-ఎన్‌సీఆర్‌, చెన్నై, కోల్‌కతా, హైదరాబాద్‌, బెంగళూరు, పుణె, ముంబై మెట్రోపాలిటిన్‌ రీజియన్‌లను ఉదాహరణగా తీసుకుంది. ఈ ఏడు నగరాల్లో 2014లో 3.43 లక్షల యూనిట్ల గృహాలు అమ్మకాలు జరుగగా, ఇప్పటి వరకు అదే రికార్డు స్థాయి. అయితే తాజాగా జరిగిన విక్రయాలను పరిశీలిస్తే ఆ రికార్డు దాటేసింది.

అత్యధికంగా ముంబై మెట్రో రీజియన్‌లో అమ్మకాలు:

కాగా, ఈ సంవత్సరం అత్యధికంగా ముంబై మెట్రో రీజియన్‌లో అమ్మకాలు జరిగినట్లు అన్‌రాక్‌ తెలిపింది. ఈ ఏడాదిలో 1,09,700 యూనిట్లు అమ్మడైనట్లు పేర్కొంది. ఆ తర్వాత స్థానంలో 63,712 యూనిట్ల గృహాలతో ఢిల్లీ-ఎన్‌సీఆర్‌ ఉంది. ఇక బెంగళూరు 49,478 యూనిట్లు, పుణె 57,146 యూనిట్లుగా ఉన్నాయి. ఇక గత సంవత్సరం హైదరాబాద్‌లో 25,406 యూనిట్ల విక్రయాలు జరుగగా, ఈ ఏడాది ఏకంగా 87 శాతం వృద్ది నమోదైంది. అంటే 47,487 యూనిట్ల గృహాల విక్రయాలు జరిగాయి. ఇక చెన్నై 29 శాతం వృద్ధితో 16,097 యూనిట్లు, కోల్‌కతా 21,220 యూనిట్ల గృహాల విక్రయాలు జరిగినట్లు నివేదికలో వెల్లడించింది.

మరిన్ని బిజినెస్ వార్తల కోసం ఇక్కడ క్లిక్ చేయండి