SIP: ఎస్ఐపీని ఎలా ప్రారంభించాలి? ఈ సింపుల్ స్టెప్స్తో ఆన్లైన్లోనే చేసేయొచ్చు..
ఎస్ఐపీల్లో పెట్టుబడులు పెట్టాలని చాలా మంది భావిస్తున్నా.. దానిని ఎలా ప్రారంభించాలో అర్థం కాక ఇబ్బంది పడుతున్నారు. మీరు కూడా అలాంటి ఆలోచనల్లో ఉంటే ఈ కథనం మీ కోసమే. సులభంగా ఎస్ఐపీ అకౌంట్ ఓపెన్ చేసే విధానాన్ని మీకు తెలియజేస్తున్నాం.. ఈ సింపుల్ స్టెప్స్ ఫాలో అయితే నిమిషాల్లో ఎస్ఐపీ ప్రారంభించే అవకాశం ఉంటుంది.
ఇటీవల కాలంలో మ్యూచువల్ ఫండ్స్లో పెట్టుబడులు పెట్టేవారి సంఖ్య పెరుగుతోంది. కొంతకాలం క్రితం వరకూ సామాన్యులు ఎవరూ వాటివైపు చూసేవారు కాదు. అందుకు కారణం మార్కెట్ ఒడిదొడుకులకు ఇవి లోనవుతాయని, లాభాలపై గ్యారంటీ ఉండదని అందరి భావన. అయితే దీర్ఘకాలంలో మంచి రాబడులు వస్తాయన్న నమ్మకం అందరిలోనూ ఏర్పడింది. ముఖ్యంగా సిస్టమాటిక్ ఇన్వెస్ట్మెంట్ ప్లాన్(ఎస్ఐపీ)లు పెట్టుబడిదారులకు మరింత సౌకర్యాన్ని సౌలభ్యాన్ని ఇస్తుండటంతో వాటి వైపు మొగ్గుచూపుతున్నారు. ఈ ఎస్ఐపీలు మార్కెట్ రిస్క్ను తగ్గిస్తుందని, ఒక్కోసమయంలో మార్కెట్ పరిస్థితులను బట్టి నష్టాలు వచ్చినా.. ఆ తర్వాత ఇవి కోలుకుంటున్నాయి. దీంతో ప్రజల్లో నమ్మకం పెరుగుతోంది. అయితే ఎస్ఐపీల్లో పెట్టుబడులు పెట్టాలని చాలా మంది భావిస్తున్నా.. దానిని ఎలా ప్రారంభించాలో అర్థం కాక ఇబ్బంది పడుతున్నారు. మీరు కూడా అలాంటి ఆలోచనల్లో ఉంటే ఈ కథనం మీ కోసమే. సులభంగా ఎస్ఐపీ అకౌంట్ ఓపెన్ చేసే విధానాన్ని మీకు తెలియజేస్తున్నాం.. ఈ సింపుల్ స్టెప్స్ ఫాలో అయితే నిమిషాల్లో ఎస్ఐపీ ప్రారంభించే అవకాశం ఉంటుంది.
పత్రాలు..
ముందుగా, ఆన్లైన్ ఎస్ఐపీ ఖాతాను తెరవడానికి అవసరమైన అన్ని పత్రాలను సమకూర్చుకోవాలి. వీటిలో చిరునామా రుజువు, మీ పాన్ కార్డ్, ఐడీ రుజువు వంటి ఉన్నాయి. ఇతర పత్రాలతో పాటు, సరైన బ్యాంక్ ఖాతా నంబర్, వివరాలను అందించండి. మీరు ఐడీ రుజువుగా మీ పాస్పోర్ట్ లేదా డ్రైవింగ్ లైసెన్స్ కాపీలను కూడా అందించవచ్చు.
కేవైసీ..
అన్ని పత్రాలు సిద్ధమైన తర్వాత, మీరు పెట్టుబడి పెట్టడం ప్రారంభించే ముందు కేవైసీ (నో యువర్ కస్టమర్) అభ్యర్థనను పూర్తి చేయాలి. దాని కోసం, మీరు బ్యాంక్ లేదా పోస్టాఫీసులో దరఖాస్తు ఫారమ్ను పూరించాలి లేదా ఆన్లైన్లో కూడా చేయవచ్చు.
ఎస్ఐపీ సైన్ ఇన్..
భారతీయ బ్రోకర్ లేదా ఆర్థిక సలహాదారుతో మిమ్మల్ని మీరు నమోదు చేసుకోండి. రిజిస్ట్రేషన్ తర్వాత, మీరు పెట్టుబడి పెట్టాలనుకునే ఏదైనా ఎస్ఐపీ ప్లాన్ని ఎంచుకోవచ్చు.
తేదీని ఎంచుకోండి..
మీ అనుకూలమైన తేదీని ఎంచుకోండి. మీరు వేర్వేరు ఎస్ఐసీల కోసం ఒకే నెలలో ఏదైనా తేదీని ఎంచుకోవచ్చు.
మీ ఫారమ్ను సమర్పించండి..
మీరు మ్యూచువల్ ఫండ్ సంస్థపై నిర్ణయం తీసుకున్న తర్వాత, మీ ఫండ్ హౌస్ ఆధారంగా ఆన్లైన్ లేదా ఆఫ్లైన్లో పేపర్వర్క్ను పూర్తి చేసి ఎస్ఐపీని ప్రారంభించవచ్చు. మీకు ఇప్పటికే డీమ్యాట్ ఖాతా ఉంటే మీరు మీ ఎస్ఐపీని ఆన్లైన్లో సమర్పించవచ్చు. మీరు దానిని పోస్టాఫీసు లేదా బ్యాంకు ద్వారా కూడా పంపవచ్చు.
పెట్టుబడి పెట్టే ముందు ఇవి గుర్తుంచుకోండి..
మీరు ఏదైనా ఎస్ఐపీలో పెట్టుబడి పెట్టడం ప్రారంభించే ముందు, మీరు మీ రిస్క్ టోలరెన్స్ గురించి ఆలోచించాలి. నిపుణుల నుంచి ఆర్థిక సలహా పొందాలి. రాబడిని లెక్కించాలి. ఖర్చులను బేరీజు వేసుకోవాలి. మీ దీర్ఘకాలిక లక్ష్యం ఆధారంగా ఎంత పెట్టుబడి పెట్టాలో ఆ మొత్తాన్ని నిర్ణయించుకోవాలి. కొంత సమయంలోనే లాభాలు రాకపోయినా.. ఓపికగా ఉండాలి.
మరిన్ని బిజినెస్ వార్తల కోసం ఇక్కడ క్లిక్ చేయండి..