GST Council: ధరలపై GST పెంపు విషయంలో రాష్ట్రాల అభిప్రాయాలను కౌన్సిల్ కోరలేదు: నివేదిక
GST Council: మరోసారి ప్రజలపై ధరల పెంపు భారం పడబోతున్నట్లు వార్తలు వస్తున్నాయి. వస్తు సేవల పన్ను (GST) రేట్ల హేతుబద్దీకరణ ప్రతిపాదనలతో పాటు జీఎస్టీ కౌన్సిల్ తాజాగా..
GST Council: మరోసారి ప్రజలపై ధరల పెంపు భారం పడబోతున్నట్లు వార్తలు వస్తున్నాయి. వస్తు సేవల పన్ను (GST) రేట్ల హేతుబద్దీకరణ ప్రతిపాదనలతో పాటు జీఎస్టీ కౌన్సిల్ తాజాగా 143 వస్తువులకు సంబంధించిన జీఎస్టీ రేట్ల పెంపు విషయంలో రాష్ట్రాల (States) అభిప్రాయం కోరినట్లు వస్తున్న వార్తలపై సంబంధిత వర్గాలు స్పందించాయి. వస్తువులపై రేట్లు పెంపు అంశానికి సంబంధించి రాష్ట్రాల నుంచి అభిప్రాయాలు కోరలేదని నివేదికలు వెలువడ్డాయి. సగానికి పైగా వస్తువులను అత్యధిక పన్ను GST 28 శాతానికి మార్చే ప్రతిపాదన కూడా లేదని సంబంధిత వర్గాలు స్పష్టం చేశాయి. జీఎస్టీ కౌన్సిల్ గతేడాది కర్ణాటక ముఖ్యమంత్రి బసవరాజ్ బొమ్మై నేతృత్వంలో రాష్ట్ర మంత్రులతో కూడిన ప్యానెల్ను ఏర్పాటు చేసిన సంగతి తెలిసిందే.
జీఎస్టీ రేటు హేతుబద్ధీకరణను పరిశీలిస్తున్న మంత్రుల బృందం ఇంకా తన నివేదికను జీఎస్టీ కౌన్సిల్కు సమర్పించాల్సి ఉందని సంబంధిత వర్గాలు తెలిపాయి. మొత్తం 143 వస్తువులపై రేట్ల పెంపుపై రాష్ట్రాల నుంచి అభిప్రాయాలను కౌన్సిల్ కోరినట్లుగా వార్తలు వస్తున్న వార్తలపై క్లారిటీ ఇచ్చింది. ఈ నేపథ్యంలో కౌన్సిల్ రాష్ట్రాల అభిప్రాయాలను కోరలేదని వెల్లడించింది. పన్ను రేట్లను హేతుబద్దీకరించడం ద్వారా ఆదాయాన్ని పెంచుకోవచ్చనే మార్గాలను సూచించడానికి కౌన్సిల్ గత ఏడాది కర్ణాటక సీఎం బసవరాజ్ బొమ్మై ఆధ్వర్యంలో రాష్ట్ర మంత్రుల ప్యానెల్ను ఏర్పాటు చేసింది.
అయితే పశ్చిమబెంగాల్, కేరళ, గోవా, బీహార్, ఉత్తరప్రదేశ్, రాజస్థాన్ ఆర్థిక మంత్రులను సభ్యులుగా చేర్చి కర్ణాటక సీఎం నేతృత్వంలో ఏడుగురు సభ్యులు పన్నును హేతుబద్దీకరించడం ద్వారా ఆదాయాన్ని పెంచుకునే మార్గాలను సూచిస్తుంది. జీఎస్టీ కౌన్సిల్ సమావేశానికి సంబంధించి తేదీలు ఇప్పటి వరకు ప్రకటించలేదని, మే ద్వితీయార్థంలో సమావేశం అయ్యే అవకాశాలున్నాయని తెలుస్తోంది. జీఎస్టీలో నాలుగు రేట్లు ఉంటాయి. ఇందులో 5 శాతం, 12 శాతం, 18 శాతం, 28 శాతం రేట్లు ఉంటాయి. అదనంగా విలువైన లోహాలు వంటి కొన్ని వస్తువులకు ప్రత్యేక రేట్లు ఉంటాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
ఇవి కూడా చదవండి: