Maruti Suzuki: కొత్త కారు కొనాలనుకునేవారికి గుడ్ న్యూస్.. ఆ కార్ల ధరలు తగ్గాయ్..
దేశంలోని టాప్ కార్ల ఉత్పత్తిదారు అయిన మారుతి సుజుకీ కీలకమైన ప్రకటన చేసింది. ఆటో గేర్ షిఫ్ట్(ఏజీఎస్) ఆప్షన్తో ఉన్న కార్ల ధరలను తగ్గిస్తున్నట్లు పేర్కొంది. ఆల్టో కే10, ఎస్ ప్రెస్సో, సెలెరియా, వ్యాగన్-ఆర్, స్విఫ్ట్ డిజైర్, బాలెనో, ఫ్రాంక్స్, ఇగ్నిస్ వంటి మోడళ్లకు ఈ తగ్గింపు వర్తిస్తుందని మారుతీ సుజుకీ అధికారికంగా ప్రకటించింది. ఈ తగ్గింపు గత శనివారం నుంచే అమలులోకి వచ్చింది.
Updated on: Jun 03, 2024 | 4:22 PM
ఇటీవల కాలంలో ఆటోమేటెడ్ ట్రాన్స్మిషన వాహనాలకు డిమాండ్ పెరుగుతోంది. ప్రతి సారి మాన్యువల్గా గేర్లను మార్చుకోకుండా.. ఆటోమేటెడ్గా మారగలిగే విధంగా ఉండే ఈ కార్లు డ్రైవర్లకు అదనపు వెసులుబాటును కల్పిస్తాయి. వాస్తవానికి మాన్యువల్ ట్రాన్స్మిషన్ వాహనాలతో పోల్చితే ఈ ఆటోమేటెడ్ ట్రాన్స్మిషన్ లేదా ఆటో గేర్ షిఫ్ట్(ఏజీఎస్) వాహనాల ధరలు కాస్త ఎక్కువగానే ఉంటాయి. అయితే దేశంలోని టాప్ కార్ల ఉత్పత్తిదారు అయిన మారుతి సుజుకీ కీలకమైన ప్రకటన చేసింది. ఆటో గేర్ షిఫ్ట్(ఏజీఎస్) ఆప్షన్తో ఉన్న కార్ల ధరలను తగ్గిస్తున్నట్లు పేర్కొంది. ఆల్టో కే10, ఎస్ ప్రెస్సో, సెలెరియా, వ్యాగన్-ఆర్, స్విఫ్ట్ డిజైర్, బాలెనో, ఫ్రాంక్స్, ఇగ్నిస్ వంటి మోడళ్లకు ఈ తగ్గింపు వర్తిస్తుందని మారుతీ సుజుకీ అధికారికంగా ప్రకటించింది. ఈ తగ్గింపు గత శనివారం నుంచే అమలులోకి వచ్చింది. ఈ తగ్గింపు వెనుక ప్రత్యేకమైన కారణాన్ని మాత్రం కంపెనీ వెల్లడించలేదు. దీనికి సంబంధించిన పూర్తి వివరాలు ఇప్పుడు చూద్దాం..
రూ.5,000 తగ్గింపు..
ప్రస్తుతం ఆటో గేర్ షిఫ్ట్(ఏజీఎస్) ఉన్న కార్ల ధరలు ఎక్కువగా ఉన్నాయి. దీంతో చాలా మంది మాన్యువల్ ట్రాన్స్ మిషన్కే మొగ్గుచూపుతున్నారు. ఈ క్రమంలో ఏజీఎస్ కార్లను మరింత సరసమైన ధరలకు అందించేందుకు కంపెనీ ఈ తగ్గింపు నిర్ణయం తీసుకొని ఉండొచ్చని మార్కెట్ వర్గాలు అంచనా వేస్తున్నాయి. ఈ నిర్ణయంతో అన్ని మారుతీ సుజుకీ ఏజీఎస్ వాహనాల ధరలు రూ. 5,000 తగ్గాయి. ఈ మేరకు మారుతీ సుజుకి ఒక ఎక్స్ఛేంజ్ ఫైలింగ్లో ప్రకటించింది. మోడళ్ల (ఆల్టో కే10, ఎస్ ప్రెస్సో, సెలెరియా, వ్యాగన్-ఆర్, స్విఫ్ట్ డిజైర్, బాలెనో, ఫ్రాంక్స్, ఇగ్నిస్)పై ధరలు 5,000/- తగ్గాయి. ఈ తగ్గిన ధరలు 1 జూన్, 2024 నుంచి అమలులోకి వచ్చాయి.
ఏజీఎస్ ఎలా పనిచేస్తుందంటే..
ఏజీఎస్ అంటే ఏఎంటీ లేదా ఆటోమేటెడ్ ట్రాన్స్ మిషన్ ట్రాన్స్ మిషన్. దీనిలో ఇంటెలిజెంట్ షిఫ్ట్ కంట్రోల్ యాక్యుయేటర్ ఉంటుంది. ఇది ట్రాన్స్ మిషన్ ఎలక్ట్రానిక్ కంట్రోలర్ యూనిట్ ద్వారా కంట్రోల్ అవుతుంది. వాహనం నడుపుతున్న పరిస్థితులను అంచనా వేయడం ద్వారా సిస్టమ్ స్వయంగా గేర్లను మారుస్తుంది.
పెరుగుతున్న నెట్ వర్క్..
మారుతి సుజుకీ ఇటీవల భారతదేశంలో తన 5,000వ సర్వీస్ పాయింట్ను ప్రారంభించడం ద్వారా ఒక మైలురాయిని సాధించింది. హరియాణాలోని గురుగ్రామ్లో తాజా సేవా కేంద్రాన్ని ప్రారంభించింది. ఈ విస్తరణ తన కస్టమర్లకు అతుకులు లేని కార్ యాజమాన్య అనుభవాన్ని అందించాలనే మారుతి సుజుకి నిబద్ధతకు అనుగుణంగా ఉందని కంపెనీ పేర్కొంది. మారుతీ సుజుకి సర్వీస్ నెట్వర్క్ ఇప్పుడు దేశవ్యాప్తంగా 2,500 నగరాల్లో విస్తరించి ఉంది. 2023-24 ఆర్థిక సంవత్సరంలో, మారుతి సుజుకి 400 సర్వీస్ పాయింట్లను జోడించింది. ఈ కొత్త ప్పాయింట్లలో గణనీయమైన సంఖ్యలో పట్టణేతర మార్కెట్లలో ఉన్నాయి. ఇది మారుమూల ప్రాంతాల్లోని కస్టమర్లకు యాక్సెసిబిలిటీని మెరుగుపరచడానికి కంపెనీ వ్యూహాన్ని ప్రతిబింబిస్తుంది. తన విస్తారమైన సర్వీస్ నెట్వర్క్ ద్వారా మారుతి సుజుకి గత ఆర్థిక సంవత్సరంలో రికార్డు స్థాయిలో 25 మిలియన్ వాహనాలకు సర్వీస్ అందించింది.
మరిన్ని బిజినెస్ వార్తల కోసం ఇక్కడ క్లిక్ చేయండి..
