E-Shram Card: మీకు ఈ కార్డు ఉంటే రూ.2 లక్షల రుణం, జీవిత బీమా పొందవచ్చు..లోన్‌ తీసుకోవడం ఎలా..?
E-Shram Card: కేంద్ర సర్కార్‌ పేదల కోసం ఎన్నో రకాల పథకాలను అందుబాటులోకి తీసుకువస్తోంది. ఇక కార్మికులకు ప్రయోజనాలు కల్పించే పథకాన్ని సైతం అందుబాటులోకి..
E-Shram Card: కేంద్ర సర్కార్‌ పేదల కోసం ఎన్నో రకాల పథకాలను అందుబాటులోకి తీసుకువస్తోంది. ఇక కార్మికులకు ప్రయోజనాలు కల్పించే పథకాన్ని సైతం అందుబాటులోకి తీసుకువచ్చింది. అదే ఈ-శ్రమ్ కార్డు పథకం. ప్రభుత్వ సహాయం లేదా బ్యాంకుల నుండి రుణాలు పొందడంలో సమస్య ఉన్న కార్మికుల కోసం ఈ పథకం ప్రవేశపెట్టింది. ఈ పథకం రోజువారీ కూలీతో పని చేసే వారు, ఇతర ఉపాధి కార్మికుల కోసం ప్రవేశపెట్టింది. ఈ కార్డుదారులకు ప్రభుత్వం ఎన్నో ప్రయోజనాలను అందిస్తోంది. ప్రధాన మంత్రి సురక్ష బీమా యోజన కింద కార్మికులకు రూ.2 లక్షల బీమా సౌకర్యం కల్పిస్తోంది. ఏదైనా కారణంగా కార్మికుడు మృతి చెందితే అతని కుటుంబానికి ప్రభుత్వం రూ.2 లక్షలు అందజేస్తుంది. కార్డుదారుడు ప్రమాదానికి గురై వికలాంగులైతే లక్ష రూపాయల సాయం అందుతుంది.
ఇది మాత్రమే కాదు కాకుండా ఈ-శ్రమ్ కార్డు పథకం కింద ప్రభుత్వం నమోదు చేసుకున్న కార్మికులకు ఉచిత సైకిళ్లు, ఉచిత కుట్టు మిషన్లు, పిల్లలకు స్కాలర్‌షిప్‌లు మొదలైనవి ఇస్తుంది. ఈ కార్డు పొందిన కార్మికులు ఇల్లు నిర్మించుకోవడానికి సులభంగా రుణం తీసుకోవచ్చు. మీరు ఇప్పటి వరకు ఈ కార్డ్‌ని తీసుకోకపోతే వెంటనే దరఖాస్తు చేసుకోండి. ఆధార్ కార్డు సహాయంతో మీ సేవ కేంద్రం ద్వారా దరఖాస్తు చేసుకోవచ్చు.
ఎలాంటి పత్రాలు అవసరం:
1. ఆధార్ కార్డు
2. ఆధార్ లింకైన మొబైల్ నంబర్‌
3. బ్యాంకు అకౌంట్‌ నంబర్‌
4. IFSC కోడ్‌
5. ఆదాయపు ధృవీకరణ పత్రం
6. చిరునామా రుజువు పత్రం
7. పాస్‌పోర్ట్‌ సైజు ఫోటో
8. రేషన్‌ కార్డు
ఎలా దరఖాస్తు చేసుకోవాలి..?
దీని కోసం మీరు e-shram, eshram.gov.in వెబ్‌సైట్‌కి వెళ్లాలి. ఇక్కడ సెల్ఫ్-రిజిస్ట్రేషన్ విభాగానికి వెళ్లి మీ ఆధార్ నంబర్‌ను నమోదు చేయండి. ఈ విభాగంలో మీరు బ్యాంకు వివరాలు, మొబైల్ నంబర్‌ను నమోదు చేయాలి. దీని తర్వాత మీ ఇ-శ్రామ్ కార్డ్ జనరేట్ అవుతుంది. మీరు ఈ పోర్టల్‌లో ఏవైనా తప్పలు ఉంటే తర్వాత సరి చేసుకోవచ్చు. ఆఫ్‌లైన్ ఇ-ష్రామ్ కార్డ్‌ని పొందడానికి.. సాధారణ సేవా కేంద్రాన్ని సందర్శించండి. అలాగే పైన పేర్కొన్న అన్ని పత్రాలను తీసుకెళ్లండి. కొన్ని రూపాయల రుసుము చెల్లించి ఇ-శ్రమ్ కార్డ్ కోసం సులభంగా దరఖాస్తు చేసుకోవచ్చు.
రుణం కూడా తీసుకోవచ్చు:
లేబర్ కార్డుపై రుణ సౌకర్యం అందుబాటులో ఉంది. ఈ రుణం ప్రధానమంత్రి స్వనిధి యోజన కింద ఇవ్వబడింది. దీని కోసం మీరు ప్రధానమంత్రి స్వనిధి యోజన వెబ్‌సైట్ కి వెళ్లాలి. అక్కడ మీరు 10 వేలు, 20 వేలు, 50 వేలు రుణం ఎంచుకుని రుణం పొందవచ్చు. ఇక్కడ మీ మొబైల్ నంబర్‌ను నమోదు చేయడం ద్వారా OTPని ధృవీకరించండి. ఆ తర్వాత ఆధార్ నంబర్‌ను నమోదు చేయండి. ఈ దరఖాస్తు ఫారమ్‌ కనిపిస్తుంది. ఈ ఫారమ్‌లో మీకు అవసరమైన మొత్తం సమాచారాన్ని నమోదు చేయాలి. ఇందు కోసం అవసరమైన అన్ని పత్రాలను అప్‌లోడ్ చేసి, ఫారమ్‌ను సమర్పించండి. పత్రాలను తనిఖీ చేసిన తర్వాత మీకు రుణం మంజూరు చేసి ఖాతాలో వేస్తారు.
మరిన్ని బిజినెస్ వార్తల కోసం క్లిక్ చేయండి..