Video: అరుదైన ఘనత సాధించిన భారత్..! హై-స్పీడ్ రాకెట్ స్లెడ్ ఎస్కేప్ సిస్టమ్ పరీక్ష విజయవంతం! దీని ప్రత్యేకత ఏంటంటే?
DRDO హై-స్పీడ్ రాకెట్ స్లెడ్‌ను ఉపయోగించి ఫైటర్ జెట్ ఎస్కేప్ సిస్టమ్‌ను విజయవంతంగా పరీక్షించింది. ఇది స్వదేశీ పరిజ్ఞానంతో అభివృద్ధి చేయబడిన సాంకేతికత. ఈ పరీక్ష ద్వారా సిబ్బంది భద్రతను నిర్ధారించారు. ఇప్పుడు భారత్ అమెరికా, బ్రిటన్ వంటి దేశాల సరసన చేరింది.
హై-స్పీడ్ రాకెట్ స్లెడ్‌ను ఉపయోగించి ఫైటర్ జెట్ ఎస్కేప్ సిస్టమ్‌ను పరీక్షించారు. DRDO నిర్వహించిన ఈ ముఖ్యమైన పరీక్ష విజయవంతమైంది. రాకెట్ స్లెడ్ టెస్ట్ ద్వారా ఎస్కేప్ సిస్టమ్‌ను కఠినంగా పరీక్షించారు, పూర్తి సిబ్బంది రక్షణతో సహా బహుళ భద్రతా ప్రమాణాలను నిర్వహించారు. ఒక ఫైటర్ జెట్‌లో ప్రత్యేక ఎయిర్‌క్రాఫ్ట్ ఎస్కేప్ సిస్టమ్ ఉంటుంది. ఇది పైలట్ లేదా సిబ్బంది అత్యవసర పరిస్థితుల్లో ఎజెక్ట్ చేయడానికి వీలు కల్పిస్తుంది. ఈ ఎస్కేప్ సిస్టమ్‌ను పరీక్షించే వ్యవస్థ, సామర్థ్యం కొన్ని దేశాలకు మాత్రమే ఉన్నాయి. ఇప్పుడు భారతదేశం కూడా ఆ దేశాల జాబితాలో చేరింది.
ఈ పరీక్షా సాంకేతికతను DRDO స్వదేశీ పరిజ్ఞానంతో అభివృద్ధి చేసింది. ఈ రోజు నిర్వహించిన రాకెట్ స్లెడ్ పరీక్షలో, ఎయిర్‌క్రాఫ్ట్ ఎస్కేప్ సిస్టమ్‌ను రాకెట్ ప్రొపల్షన్ పరికరానికి అనుసంధానించారు. తరువాత దానిని రెండు ట్రాక్‌లపై నియంత్రిత వేగంతో ముందుకు నడిపించారు. రాకెట్ ప్రొపల్షన్ సహాయంతో ఎస్కేప్ సిస్టమ్‌కు ఆకాశంలో ఫైటర్ జెట్ వేగాన్ని అందించారు. నివేదికల ప్రకారం ఎయిర్‌క్రాఫ్ట్ ఎస్కేప్ సిస్టమ్ గంటకు 800 కిలో మీటర్ల వేగంతో పట్టాలపై పనిచేసేలా రూపొందించారు. ఈ అధిక వేగంతో విమానం పైభాగం విడిపోయింది, తరువాత బయటకు వచ్చింది. సిబ్బంది పారాచూట్ ద్వారా సురక్షితంగా ల్యాండ్ అయ్యారు, ఇవన్నీ విజయవంతమయ్యాయి.
ఈ టెస్ట్‌లో నిజమైన పైలట్ కాకుండా డమ్మీలను మాత్రమే ఉంచారు. అయితే విమానం నుండి బయటకు వెళ్లడం నుండి పారాచూట్ తెరవడం వరకు ప్రతిదీ నిజంగానే జరిగింది. చండీగఢ్‌లోని టెర్మినల్ బాలిస్టిక్స్ రీసెర్చ్ లాబొరేటరీ (TBRL) రైల్ ట్రాక్ రాకెట్ స్లెడ్ యూనిట్‌లో ఈ పరీక్ష నిర్వహించారు. ఈ DRDO ప్రయోగంలో ADA, HAL కూడా పాల్గొన్నాయి. బ్రిటన్, అమెరికా, చైనా, రష్యా మాత్రమే ఈ అధునాతన పరీక్షా సౌకర్యాన్ని కలిగి ఉన్నాయి. ఇప్పుడు భారతదేశం కూడా ఈ దేశాల సరసన చేరింది. యుద్ధ విమానాల తయారీలో భారతదేశం పూర్తి స్వావలంబన సాధించడానికి ఇది ఒక ముఖ్యమైన అంశం. విమాన ఎస్కేప్ వ్యవస్థను పరీక్షించడానికి విదేశాలపై ఆధారపడవలసిన అవసరం లేదు.
మరిన్ని బిజినెస్‌ వార్తల కోసం ఇక్కడ క్లిక్‌ చేయండి