Driving Licensess: త్వరలో ఎలక్ట్రానిక్ డ్రైవింగ్ లైసెన్స్‌, ఆర్‌సీలు.. ప్రయోజనాలేంటి?
ఎలక్ట్రానిక్ కార్డులు ప్రజలకు చాలా సౌకర్యవంతంగా ఉంటాయి. దీని కింద దరఖాస్తుదారులు ఆధార్ కార్డ్ ప్రింట్ చేసినట్లుగా పత్రాలను స్వయంగా ముద్రించుకోవచ్చు. ఈ కార్డ్‌లకు ప్రత్యేకమైన ID, QR కోడ్ ఉంటాయి. వీటిని ట్రాఫిక్ పోలీసులు డాక్యుమెంట్ వెరిఫికేషన్ కోసం ఉపయోగిస్తారు..
Updated on: Oct 18, 2024 | 4:55 PM
స్మార్ట్ కార్డులు, డ్రైవింగ్ లైసెన్సులు (డీఎల్), వాహనాల రిజిస్ట్రేషన్ సర్టిఫికెట్ల (ఆర్‌సీ) స్థానంలో ఎలక్ట్రానిక్ కార్డులను ప్రవేశపెట్టాలని ఢిల్లీ ప్రభుత్వం యోచిస్తోంది. నివేదికల ప్రకారం, ఈ కొత్త కార్డులను ఆధార్ కార్డు వలె జారీ చేసే అవకాశం ఉంది. వాటిని ఉపయోగించడం సులభం అవుతుంది.
ప్రయోజనాలు
ఢిల్లీ రవాణా శాఖ అధికారి తెలిపిన వివరాల ప్రకారం.. గతంలో రాజస్థాన్ ప్రభుత్వం ప్రవేశపెట్టిన ఈ పథకాన్ని సమీక్షిస్తున్నారు. స్మార్ట్ కార్డ్ వ్యవస్థను డిజిటల్ రూపంలోకి మార్చడమే ఈ పథకం లక్ష్యం. వాహన రిజిస్ట్రేషన్‌కు సంబంధించిన సమస్యలను పరిష్కరించేందుకు రవాణా మంత్రి కైలాష్ గెహ్లాట్ ఈ పథకాన్ని ముందుకు తీసుకెళ్తున్నారు. రిజిస్ట్రేషన్ సర్టిఫికెట్‌ (ఆర్‌సీ) పంపిణీలో జాప్యం జరుగుతోందని, దీనిపై చర్యలు తీసుకోవాలని ఆదేశించారు.
సౌకర్యవంతంగా ఎలక్ట్రానిక్ కార్డ్స్
ఎలక్ట్రానిక్ కార్డులు ప్రజలకు చాలా సౌకర్యవంతంగా ఉంటాయి. దీని కింద దరఖాస్తుదారులు ఆధార్ కార్డ్ ప్రింట్ చేసినట్లుగా పత్రాలను స్వయంగా ముద్రించుకోవచ్చు. ఈ కార్డ్‌లకు ప్రత్యేకమైన ID, QR కోడ్ ఉంటాయి. వీటిని ట్రాఫిక్ పోలీసులు డాక్యుమెంట్ వెరిఫికేషన్ కోసం ఉపయోగిస్తారు. రవాణా శాఖ అధికారి ప్రకారం, ఈ ఎలక్ట్రానిక్ పత్రాలను డిజిలాకర్ లేదా mParivahan యాప్ ద్వారా కూడా యాక్సెస్ చేయవచ్చు. దీనితో ప్రజలు తమ పత్రాలను చూపించడంలో ఎటువంటి ఇబ్బందిని ఎదుర్కోరు. అలాగే ఈ పని చాలా సులభం అవుతుంది. అయితే రానున్న రోజుల్లో అన్ని రాష్ట్రాల్లో అమలు చేసే అవకాశాలు ఉన్నాయని నిపుణులు చెబుతున్నారు.
ఇది కూడా చదవండి: Aadhaar Update: ఆన్‌లైన్‌లో ఆధార్ అప్‌డేట్‌ చేసుకోవడం ఎలా? వెరి సింపుల్‌!
గతేడాది జారీ చేసిన లైసెన్స్‌లు, ఆర్‌సీలు లక్షల్లో..
2023- 2024 మధ్య, ఢిల్లీ రవాణా శాఖ మే వరకు 1.6 లక్షల డ్రైవింగ్ లైసెన్స్‌లు, 6.69 లక్షల రిజిస్ట్రేషన్ సర్టిఫికేట్‌లను జారీ చేసింది. ఇప్పుడు ఎలక్ట్రానిక్ డ్రైవింగ్ లైసెన్స్‌లు, రిజిస్ట్రేషన్ సర్టిఫికేట్లు మాత్రమే జారీ చేస్తారు.
డిజిటల్ ఆర్‌సీ వైపు అడుగులు:
డిజిటల్ ఆర్‌సి సౌకర్యాన్ని అధ్యయనం చేయాలని రవాణా మంత్రి కైలాష్ గెహ్లాట్ అధికారులను ఆదేశించారు. ఢిల్లీ వాసులకు మెరుగైన సేవలందించేందుకు ఈ పథకం ఉద్దేశించి తీసుకువచ్చారు. దీని కింద క్యూఆర్ కోడ్ ద్వారా వెరిఫికేషన్ చేసుకునే సదుపాయం ఉన్న ట్రాన్స్‌పోర్ట్ సర్వీస్ పోర్టల్‌లో డాక్యుమెంట్ల పీఈఎఫ్‌ ఫార్మాట్ అందుబాటులో ఉంటుంది. దీనితో పాటు, సంబంధిత లింక్‌లు దరఖాస్తుదారుల రిజిస్టర్డ్ మొబైల్ నంబర్‌లకు అందుతాయి. తద్వారా వారు తమ పత్రాలను సులభంగా సేకరించవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
