Normal -Premium Petrol: సాధారణ పెట్రోల్ – ప్రీమియం పెట్రోల్ మధ్య తేడా ఏమిటి? మీ వాహనానికి ఏది బెస్ట్‌..!

Normal Premium Petrol

Normal -Premium Petrol: ఈ రోజుల్లో దేశవ్యాప్తంగా పెట్రోల్ గురించి తీవ్రంగా చర్చ జరుగుతోంది. ప్రధానమంత్రి నరేంద్ర మోదీ ఇంధన వినియోగాన్ని తగ్గించాలని పిలుపునిచ్చినప్పటి నుండి ప్రజలు ధరలు పెరిగే అవకాశం ఉందని ఊహించారు. వాహనదారులు ఊహించినట్లుగానే పెట్రోల్‌, డీజిల్‌పై 3 రూపాయలు పెరిగింది. అయితే భారతదేశంలో రెండు రకాల పెట్రోల్‌ను ఉపయోగిస్తారు. అదే రెగ్యులర్ పెట్రోల్, ప్రీమియం పెట్రోల్. ఈ రెండింటినీ వాహనాల్లో ఉపయోగిస్తారు. కానీ వాటి లక్షణాలు వేర్వేరుగా ఉండటంతో పాటు, ధరలలో కూడా గణనీయమైన తేడాలు ఉంటాయి.

ఇది కూడా చదవండి: Big Breaking: వాహనదారులకు షాకింగ్‌ న్యూస్‌.. భారత్‌లో పెరిగిన పెట్రోల్‌, డీజిల్‌ ధరలు.. లీటర్‌కు ఎంతంటే..

సాధారణ పెట్రోల్ అంటే ఏమిటి?

సాధారణ పెట్రోల్ అనేది బైక్‌లు, స్కూటర్లు, కార్ల వంటి రోజువారీ వాహనాలలో సాధారణంగా ఉపయోగించే ఇంధనం. దీనిని రెగ్యులర్ పెట్రోల్ అని కూడా అంటారు. భారతదేశంలో సాధారణ పెట్రోల్ ఆక్టేన్ సంఖ్య సాధారణంగా 91 ఉంటుంది. ఇది సాధారణ ఇంజిన్‌లు ఉన్న వాహనాలకు సరిపోతుందని భావిస్తారు.

ప్రీమియం పెట్రోల్ అంటే ఏమిటి?

ప్రీమియం పెట్రోల్ అనేది ఒక ప్రత్యేక రకమైన పెట్రోల్. దీనిలో సాధారణ పెట్రోల్ కంటే అధిక ఆక్టేన్ స్థాయి, కొన్ని అధునాతన సంకలితాలు ఉంటాయి. ఇది అధిక పనితీరు గల వాహనాలకు ఉత్తమమైనదిగా పరిగణిస్తారు. భారతదేశంలో ప్రీమియం పెట్రోల్ సాధారణంగా 95 లేదా అంతకంటే ఎక్కువ ఆక్టేన్ సంఖ్యను కలిగి ఉంటుంది.

సాధారణ పెట్రోల్, ప్రీమియం పెట్రోల్ మధ్య తేడా ఏమిటి?

• రెండింటి ఆక్టేన్ సంఖ్యలో తేడా ఉంటుందిజ ఇది ఇంజిన్‌లో ఇంధనం ఎంత సులభంగా, నియంత్రితంగా మండుతుందో సూచిస్తుంది.
• అధిక ఆక్టేన్ పెట్రోల్ అధిక పనితీరు గల ఇంజన్లలో బాగా పనిచేస్తుంది. అలాగే నాకింగ్ సమస్యను అంటే ఇంజన్ కుదుపులు లేదా శబ్దాన్ని తగ్గిస్తుంది.
• ప్రీమియం పెట్రోల్‌లో కొన్ని ప్రత్యేక సంకలితాలను కలుపుతారు. ఇవి ఇంజిన్‌ను శుభ్రంగా ఉంచడానికి, కార్బన్ పేరుకుపోకుండా నిరోధించడానికి, ఇంజిన్ పనితీరును మెరుగుపరచడానికి సహాయపడతాయి. దీని కారణంగా కొన్నిసార్లు వాహనం సున్నితత్వం, మైలేజీలో స్వల్ప మెరుగుదల ఉంటుంది.

ఏ వాహనంలో ఏ పెట్రోల్ వాడాలి?

మీ వాహనం ఇంజన్ సాధారణమైనది. అయితే ఇంజన్ తయారీదారు సాధారణ పెట్రోల్‌ను సిఫార్సు చేస్తే, సాధారణ పెట్రోల్ వాడండి. అయితే స్పోర్ట్స్ బైక్‌లు, లగ్జరీ కార్లు లేదా టర్బో ఇంజన్లు ఉన్న వాహనాలకు, కంపెనీలు తరచుగా హై-ఆక్టేన్ ఇంధనాన్ని ఉపయోగించమని సిఫార్సు చేస్తాయి. అటువంటి వాహనాలలో ప్రీమియం పెట్రోల్ మెరుగ్గా పనిచేస్తుంది.

ధరలలో కూడా వ్యత్యాసం:

సాధారణ పెట్రోల్ కంటే ప్రీమియం పెట్రోల్ ధర లీటరుకు ఎల్లప్పుడూ 8 నుండి 15 రూపాయలు ఎక్కువగా ఉంటుంది. ఈ వ్యత్యాసం నగరం, కంపెనీని బట్టి మారవచ్చు.

ఇది కూడా చదవండి: CNG Prices: పెట్రో భారం తర్వాత సామాన్యులకు మరో షాక్.. CNG ధర కూడా పెంపు.. ఎంతంటే..!

ఇది కూడా చదవండి: Gold Price Today: బాబోయ్‌ మళ్లీ బంగారం, వెండి ధరలకు రెక్కలు.. ఇక కొనడం కష్టమే..!

మరిన్ని బిజినెస్ వార్తల కోసం ఇక్కడ క్లిక్ చేయండి