DCB Bank: రుణగ్రహీతలకు షాకిచ్చిన డీసీబీ బ్యాంక్‌.. వడ్డీ రేట్లు పెంచుతూ నిర్ణయం..

Dcb

మీరు DCB బ్యాంక్ రుణగ్రహీతలకు షాక్‌ ఇచ్చింది. ప్రైవేట్ రంగానికి చెందిన ఈ బ్యాంక్ MCLR (మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్)ని శుక్రవారం 23 బేసిస్ పాయింట్లు పెంచింది. ఇది జూన్ 6 నుంచి వర్తించనుంది. ముంబైకి చెందిన డిసిబి బ్యాంక్ వివిధ రుణాలపై వడ్డీ రేట్లను పెంచింది. ఒక సంవత్సరం కాలపరిమితి MCLR ఇప్పుడు 9.46 శాతం వడ్డీని చెల్లించాల్సి ఉంటుంది. ఇది గతంలో 9.23 శాతంగా ఉంది. బ్యాంక్ 3, 6 నెలల కాలానికి MCLR వడ్డీ రేట్లను కూడా పెంచింది. ఇప్పుడు 3 నెలల MCLRపై 9.21 శాతం, 6 నెలల MCLRపై 9.41 శాతం వడ్డీ చెల్లించాల్సి ఉంటుంది. అయితే మొదటి 3 నెలల MCLRపై 8.98 శాతం, 6 నెలల MCLRపై 9.18 శాతం వడ్డీ వసూలు చేయనున్నారు. ఇది కాకుండా, 1 నెల MCLR పై వడ్డీ రేటు 8.28 శాతం నుంచి 8.51 శాతానికి పెరిగింది.

రిజర్వ్ బ్యాంక్ ఆఫ్ ఇండియా మానిటరీ పాలసీ కమిటీ తదుపరి సమావేశం జూన్ 6 నుంచి 8 వరకు జరగనుంది. ఈ సమావేశంలో రెపో రేటుకు సంబంధించి రిజర్వ్ బ్యాంక్ భారీ ప్రకటన చేసే అవకాశం ఉంది. రెపో రేటు పెంపుపై ఆర్‌బీఐ గవర్నర్ శక్తికాంత దాస్ మాట్లాడుతూ, ఇందులో పెద్దగా ఆలోచించడం, అవగాహన చేసుకోవడం లాంటివి ఏమీ లేవన్నారు. మానిటరీ పాలసీ కమిటీ తదుపరి సమావేశంలో రెపో రేటు పెంపుదల మరోసారి ప్రకటించవచ్చని తెలుస్తుంది. RBI రెపో రేటును పెంచినట్లయితే, మీ రుణం మరింత ఖరీదైనదిగా మారుతుంది. ఇది మీ EMIని మరింత పెంచుతుంది.