ఇది ఒక గ్రాము అమ్మితే 200 కేజీల బంగారం కొనొచ్చు..! అత్యంత ఖరీదైన ఖనిజం.. ధర ఎంతో తెలిస్తే నోరెళ్లబెట్టడం ఖాయం!
కాలిఫోర్నియం ప్రపంచంలోనే అత్యంత ఖరీదైన లోహం. ఒక గ్రాము ధర 27 మిలియన్ డాలర్లు (రూ.239 కోట్లు), ఇది 200 కిలోల బంగారంతో సమానం. సహజంగా లభించని ఈ సింథటిక్, రేడియోధార్మిక మూలకం అణు రియాక్టర్ల లో సంక్లిష్టంగా ఉత్పత్తి అవుతుంది.
Updated on: Nov 08, 2025 | 10:11 PM
బంగారాన్ని వినియోగం, పెట్టుబడి పరంగా అత్యంత విలువైన లోహంగా పరిగణిస్తారు. కానీ ధర పరంగా ప్రపంచంలోనే అత్యంత ఖరీదైన లోహం ఇంకొటి ఉంది. దాని పేరు కాలిఫోర్నియా. ఒక గ్రాము కాలిఫోర్నియా అమ్మితే 200 కిలోల బంగారాన్ని కొనుగోలు చేయవచ్చు. వినేందుకు వింతగా ఉన్నా.. ఇది నిజం. అయితే ఇది ఎందుకు ఖరీదైనది? ఎక్కడ అంత ఎక్కువగా ఉపయోగించబడుతుంది? అనేది ఇప్పుడు తెలుసుకునే ప్రయత్నం చేద్దాం..
కాలిఫోర్నియం ఒక సింథటిక్ రేడియోధార్మిక రసాయన మూలకం. అందుకే ఇది చాలా అరుదైనది, ఖరీదైనది. దాని అధిక ధర దాని సింథటిక్ స్వభావం, అరుదుగా ఉండటం, అణు రియాక్టర్లలో దీనిని ఉత్పత్తి చేయడానికి అవసరమైన సంక్లిష్ట ప్రక్రియ కారణంగా ఉంది.
1 గ్రాము కాలిఫోర్నియా ధర ఎంతంటే?
ఒక గ్రాము కాలిఫోర్నియా లోహం ధర 27 మిలియన్ డాలర్లు మన కరెన్సీలో దాదాపు రూ.239 కోట్లు. బంగారం ధర కిలో రూ.1.2 కోట్లు. ఒక వినియోగదారుడు ఒక గ్రాము కాలిఫోర్నియా నుండి 200 కిలోల బంగారాన్ని కొనుగోలు చేయవచ్చు. కాలిఫోర్నియా ఒక రేడియోధార్మిక రసాయన మూలకం. దీని చిహ్నం Cf. ఈ లోహాన్ని 1950లో బర్కిలీలోని కాలిఫోర్నియా విశ్వవిద్యాలయంలోని పరిశోధకులు కనుగొన్నారు. అందుకే ఈ లోహానికి విశ్వవిద్యాలయం పేరు పెట్టారు.
కాలిఫోర్నియా భూమిపై సహజంగా దొరకదు. ఇది పూర్తిగా సింథటిక్ మూలకం. దీని ఉత్పత్తి చాలా సంక్లిష్టమైనది. ప్రపంచవ్యాప్తంగా కొద్దిమంది సరఫరాదారులు మాత్రమే ఉన్నారు. దీనిని అణు రియాక్టర్లలో ఎక్కువగా ఉపయోగిస్తారు. ఈ లోహం సామాన్యులకు కనిపించడం కష్టం. ఎందుకంటే దీనిని అణు ప్రాజెక్టులు, అణుశక్తి ప్రాజెక్టులలో ఎక్కువగా ఉపయోగిస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి
