BSNL: బీఎస్‌ఎన్‌ఎల్‌ నుంచి కళ్లు చెదిరే ఆఫర్‌.. రూ.87 ప్లాన్‌తో డైలీ 1GB డేటా, అపరిమిత కాల్స్!
జియో, ఎయిర్టెల్, వోడాఫోన్‌ ఐడియాలు తమ టారీఫ్‌ ప్లాన్ ధరలు పెంచడంతో వినియోగదారులకు బీఎస్‌ఎన్‌ఎల్‌ వైపు వెళ్తున్నారు. ఎందుకంటే బీఎస్‌ఎన్‌ఎల్‌ సంస్థ ఎలాంటి రీఛార్జ్‌ ప్లాన్స్ ధరలను పెంచలేదు. పైగా చౌకైన రీఛార్జ్‌ ప్లాన్‌ను ప్రవేశపెడుతోంది. ఇప్పుడు మరో చౌక ప్లాన్ గురించి తెలుసుకుందాం..
భారత్ సంచార్ నిగమ్ లిమిటెడ్ (BSNL) వినియోగదారుల కోసం చౌకైన రీఛార్జ్‌ ప్లాన్స్‌ను తీసుకువస్తోంది. ఇటీవల ప్రైవేట్‌ టెలికాం కంపెనీలు రీఛార్జ్‌ ధరలు భారీగా పెంచడంతో ఆ కంపెనీల వినియోగదారులు బీఎస్‌ఎన్‌ఎల్‌ వైపు వెళ్తున్నారు. ఇప్పటికే లక్షలాది మంది పోర్ట్‌ పెట్టుకున్నారు. బీఎస్‌ఎన్‌ఎల్‌లో మాత్రం ఎలాంటి టారీఫ్‌ ధరలు పెంచలేదు. బీఎస్‌ఎన్‌ఎల్‌ నుంచి రూ. 87 ప్రీపెయిడ్ ప్లాన్‌ను అందిస్తుంది. ఈ ప్లాన్ తక్కువ బడ్జెట్ ఉన్న వ్యక్తులకు మంచి ఎంపిక. ఎయిర్టెల్ ఇప్పటికే ప్రతి సర్కిల్‌లోని వినియోగదారుల కోసం ఎంట్రీ లెవల్ ప్లాన్‌ను రూ.155కి పెంచింది. అందువల్ల రూ. 87 ప్లాన్ వినియోగదారులకు మంచి ఎంపిక. ఇది డేటాతో స్వల్పకాలిక చెల్లుబాటును ఇస్తుంది. ఇది కొత్తగా తీసుకువచ్చిన ఆఫర్‌ కాదు పాతదే. బీఎస్‌ఎన్‌ఎల్‌ నుండి రూ. 87 ప్లాన్ ప్రయోజనాల గురించి తెలుసుకుందాం.
ఈ ప్లాన్‌లో మొత్తం 14 రోజుల సర్వీస్ వాలిడిటీతో వస్తుంది. అపరిమిత వాయిస్ కాలింగ్, రోజువారీ 1GB డేటాను అందిస్తుంది. ఈ ప్లాన్‌తో కూడిన SMS ప్రయోజనాలు ఏవీ లేవు. ఈ ప్లాన్‌తో కస్టమర్ మొత్తం 14GB డేటాను పొందుతారు.
కస్టమర్ మరింత డేటా కావాలనుకుంటే రూ.97 ప్లాన్‌ను కూడా రీఛార్జ్‌ చేసుకోవచ్చు. ఈ ప్లాన్ కూడా కస్టమర్‌లకు ఎలాంటి ఎస్‌ఎంఎస్‌ల ప్రయోజనాలను ఉండవు. కానీ ఇది 15 రోజుల వ్యాలిడిటీతో వస్తుంది. అలాగే 2GB రోజువారీ డేటాను అందిస్తుంది. ఈ ప్లాన్‌తో వినియోగదారు పొందే మొత్తం డేటా 30GB.
మంచి వ్యాలిడిటీ ఉండి వాయిస్ కాలింగ్, ఎక్కువ ఖర్చు చేయకూడదనుకుంటే రూ.99 ప్లాన్ మంచి ఆప్షన్‌. ఎందుకంటే ఈ ప్లాన్‌తో భారతదేశం అంతటా అపరిమిత వాయిస్ కాలింగ్‌తో పాటు 18 రోజుల వ్యాలిడిటీ పొందుతారు.
ఇది కూడా చదవండి: ELSS Funds: లక్ష పెట్టుబడితో కోటి రూపాయలు.. అద్భుతం చేసిన హెచ్‌డీఎఫ్‌సీ స్కీమ్‌
