Electric Scooter: ఏథర్ నుంచి కొత్త ఫ్యామిలీ ఎలక్ట్రిక్‌ స్కూటర్.. మైలేజీ ఎంతో తెలుసా..?

Electric Scooter: భారతీయ ఆటోమొబైల్ తయారీ సంస్థ అథర్ కొత్త ఎలక్ట్రిక్ స్కూటర్, లక్ష రూపాయల ప్రారంభ ధరతో మార్కెట్లోకి రానుంది. తమ బ్రాండ్ కమ్యూనిటీ డే అయిన ఆగస్టు 29న తమ సరికొత్త EL ప్లాట్‌ఫామ్ ఆధారంగా రూపొందించిన తొలి ఎలక్ట్రిక్ స్కూటర్‌ను విడుదల చేయనున్నట్లు ఏథర్ ప్రకటించింది. బెంగళూరు కేంద్రంగా పనిచేస్తున్న ఈ తయారీ సంస్థకు ఇది పూర్తిగా కొత్త మోడల్ శ్రేణికి నాంది పలుకుతుంది. అందుబాటు ధరల ఎలక్ట్రిక్ స్కూటర్ల విభాగంలోకి ప్రవేశించాలని ఏథర్ ఆసక్తిగా ఉంది. ఈ స్కూటర్ పండుగ సీజన్‌లో డీలర్‌షిప్‌లలోకి వచ్చే అవకాశం ఉంది. ఈ కొత్త ప్లాట్‌ఫామ్ 10-అంగుళాల నుండి 14-అంగుళాల వీల్ కాన్ఫిగరేషన్‌లలో కూడా అందుబాటులో ఉంటుంది. ఇది ఏథర్‌కు వివిధ ధరల శ్రేణులలో స్కూటర్లను పరిచయం చేసే అవకాశాన్ని కల్పిస్తుంది.

ఇది కూడా చదవండి: Raghuram Rajan: ఆర్బీఐ మాజీ గవర్నర్‌కు అమెరికాలో కీలక బాధ్యతలు..!

అథర్ అత్యంత చౌకైన ఎలక్ట్రిక్ స్కూటర్ ధర:

ఏథర్ కొత్త ఎలక్ట్రిక్ స్కూటర్ ధర రూ. 1 లక్ష (ఎక్స్-షోరూమ్)గా ఉంటుందని అంచనా. ఇది ఆ బ్రాండ్ అత్యంత చౌకైన స్కూటర్ అయిన రిస్టా కంటే తక్కువగా ఉంటుంది. రిస్టా ప్రారంభ ధర రూ.1.14 లక్షలు (ఎక్స్-షోరూమ్). ఇప్పటివరకు బెంగళూరుకు చెందిన ఈ కంపెనీ ప్రీమియం ఎలక్ట్రిక్ స్కూటర్లపైనే దృష్టి సారించింది. ఫలితంగా అపారమైన సామర్థ్యం ఉన్న సరసమైన ధరల మార్కెట్‌పై పోటీదారుల ఆధిపత్యం చెలాయించింది. ఏథర్ తన కొత్త EL ప్లాట్‌ఫామ్‌తో దీనిని మార్చాలని యోచిస్తోంది.

ఇవి కూడా చదవండి

ప్లాట్‌ఫాం టిక్కెట్ల కంటే చౌక.. రైలు ఛార్జీ ఎంత ఉంటుందో తెలుసా?

ఇక దేశమంతా శాటిలైట్ ఇంటర్నెట్.. జియో భారీ ప్లాన్‌కు అనుమతి..

వాషింగ్ మెషీన్‌లో ఫిల్టర్‌ను ఎలా శుభ్రం చేయాలో తెలుసా?

ఇలా చేస్తే వెల్లుల్లి పొట్టు నిమిషాల్లోనే తీయవచ్చు..వైరల్‌ వీడియో

అథర్ కొత్త ఎలక్ట్రిక్ స్కూటర్‌కు పోటీదారులు:

ఏథర్ కొత్త ఎలక్ట్రిక్ స్కూటర్ స్థానికంగా TVS iQube, ఆర్బిటర్, బజాజ్ చేతక్, ఓలా S1X వంటి వాటితో పోటీ పడుతుందని భావిస్తున్నారు. ఉత్పత్తికి సిద్ధంగా ఉన్న ఈ స్కూటర్ ఎడిషన్, ఎప్పటికప్పుడు రోడ్ టెస్టులలో కనిపిస్తూనే ఉంది. ఇదిలా ఉండగా, EL ప్లాట్‌ఫామ్ మొదటి మోడల్, గత సంవత్సరం ఏథర్ కమ్యూనిటీ డేలో ప్రదర్శించిన దానిని పోలి ఉంది. రిజిస్ట్రేషన్ పత్రాల ప్రకారం, చాలా ఫీచర్లు ప్రొడక్షన్ ఎడిషన్‌కు కూడా కొనసాగించినట్లు స్పష్టమవుతోంది.

డిజైన్:

ముందు భాగంలో ఉన్న వెడల్పాటి ఆప్రాన్, హ్యాండిల్‌బార్లపై అమర్చిన దీర్ఘచతురస్రాకార LED హెడ్‌లైట్లు, ఫ్లాట్ సింగిల్ సీటు, విశాలమైన ఫ్లోర్ పోర్ట్ దృష్టిని ఆకర్షిస్తాయి. సీటు కింద రెండు హెల్మెట్‌లను నిల్వ చేయడానికి తగినంత స్థలం ఉంటుందని తెలుస్తోంది. లగేజీని ఉంచడానికి కూడా ఇదే సౌకర్యం ఉంటుందని భావిస్తున్నారు. రోడ్ టెస్టింగ్ ఆధారంగా అందిన సమాచారం ప్రకారం, ఈ స్కూటర్ 14-అంగుళాల ముందు చక్రం, 12-అంగుళాల వెనుక చక్రం, ముందు డిస్క్ బ్రేక్, వెనుక డ్రమ్ బ్రేక్ సిస్టమ్‌పై నడుస్తుంది.

ఫీచర్లు:

ఫీచర్ల పరంగా చూస్తే, ఇందులో సరికొత్త అథర్‌స్టాక్ సాఫ్ట్‌వేర్, స్మార్ట్‌ఫోన్ కనెక్ట్, నావిగేషన్, వివిధ రకాల రైడ్ మోడ్‌లు ఉంటాయని అంచనా. అదే సమయంలో పోటీ ధరను కొనసాగించడానికి, తక్కువ శ్రేణి వేరియంట్లలో సరళమైన డిస్‌ప్లే ఉండవచ్చు. వాహనాన్ని సరసమైన ధరకు మార్కెట్ చేయడానికి, సాంప్రదాయ బెల్ట్-డ్రైవ్ సిస్టమ్‌కు బదులుగా హబ్-మౌంటెడ్ ఎలక్ట్రిక్ మోటార్‌ను ఉపయోగించవచ్చని కూడా చెబుతున్నారు.

రేంజ్‌ ఎంత?

ఏథర్ కొత్త స్కూటర్ 2 kWh నుండి 5 kWh వరకు బ్యాటరీ సామర్థ్యాలను కలిగి ఉంటుందని చెబుతున్నారు. ఇది పూర్తి ఛార్జ్‌పై 95 నుండి 105 కిలోమీటర్ల దూరం ప్రయాణించగలదు. ఏథర్ సీటు కింద పేటెంట్ పొందిన AC-DC ఛార్జింగ్ మాడ్యూల్‌ను కూడా ఉంటుంది. ఇది ఛార్జింగ్ కేబుల్‌ను స్కూటర్ లోపల భద్రపరచడానికి సహాయపడుతుంది.

ఇది కూడా చదవండి: మైలేజ్‌లో తిరుగుండదు.. భారతదేశంలో లభించే 5 అత్యంత చౌకైన ఎలక్ట్రిక్ కార్లు ఇవే..!

మరిన్ని బిజినెస్ వార్తల కోసం ఇక్కడ క్లిక్ చేయండి