ICICI Credit Card: ఐసీఐసీఐ క్రెడిట్ కార్డు యూజర్లకు అలెర్ట్.. ఆ కీలక చార్జీల సవరణ
ప్రస్తుత రోజుల్లో బ్యాంకింగ్ రంగంలో కీలక మార్పులు చోటు చేసుకుంటున్నాయి. ముఖ్యంగా కార్డుల ద్వారా చెల్లింపులు బాగా పెరిగాయి. అలాగే ఇటీవల కాలంలో బ్యాంకులు క్రెడిట్ కార్డుల జారీను సులభతరం చేశాయి. దీంతో వీటి వినియోగం భారీగా పెరిగింది. తాజాగా ప్రముఖ బ్యాంకు ఐసీఐసీఐ తన క్రెడిట్ కార్డు వినియోగదారులకు బిగ్ అప్డేట్ ఇచ్చింది. కీలకమైన చార్జీలను సవరించింది. ఆ వివరాలను ఓ సారి తెలుసుకుందాం.
Updated on: Nov 13, 2024 | 10:00 PM
ఐసీఐసీఐ బ్యాంకు నవంబర్ 15, 2024 నుంచి వర్తించే క్రెడిట్ కార్డ్ హోల్డర్లకు బ్యాంక్ తన కొత్త ఛార్జీలను ప్రకటించింది. ఆలస్య చెల్లింపులు, ఇంధన చెల్లింపులు, యుటిలిటీ చెల్లింపులతో సహా ఛార్జీలను బ్యాంక్ సవరించింది. కొత్త మార్గదర్శకాలలో, ఇంధన లావాదేవీల మొత్తం రూ. 50,000 దాటితే లావాదేవీలో 1 శాతాన్ని బ్యాంకు వసూలు చేస్తుంది. అలాగే క్రెడిట్ కార్డ్ని ఉపయోగించి నేరుగా పాఠశాల, కళాశాల లేదా ఏదైనా అంతర్జాతీయ చెల్లింపు చేసినట్లయితే బ్యాంక్ ఛార్జీ విధించదు. కానీ ఏదైనా అనధికారిక లేదా థర్డ్-పార్టీ గేట్వే ద్వారా చెల్లింపు జరిగితే బ్యాంక్ ఛార్జ్ విధిస్తుంది. రూ. 50,000 కంటే ఎక్కువ యుటిలిటీ చెల్లింపు లావాదేవీల కోసం లావాదేవీ మొత్తంలో 1 శాతం రుసుము వసూలు చేస్తారు. బ్యాంకు శాఖలలో నగదు చెల్లింపుపై రుసుములు, ఇంధన సర్చార్జిలు, అద్దె-చెల్లింపు ఎంపికలు వంటి అనేక లావాదేవీల కోసం ఎటువంటి మార్పులు చేయలేదు.
అలాగే మీరు ఐసీఐసీఐ బ్యాంక్ బ్రాంచ్లలో ఒకదానిలో క్రెడిట్ కార్డు బిల్లును నగదు రూపంలో చెల్లింపు చేసినప్పుడు బ్యాంక్ రూ. 100 వసూలు చేస్తుంది. అలాగే ఇందన లావాదేవీలు చేసినప్పుడు మీరు లావాదేవీ విలువలో 1 శాతం లేదా రూ. 10, ఏది ఎక్కువైతే అది సర్ఛార్జ్గా చెల్లించాల్సి ఉంటుంది. అయితే, మీరు ఇంధన లావాదేవీల కోసం మీ అమెజాన్ పే కార్డ్ని ఉపయోగిస్తే ఈ సర్ఛార్జ్ పూర్తిగా మినహాయిపంునిస్తారు. అలాగే ఆఫ్-యూస్ టెర్మినల్లో ఇంధనాన్ని కొనుగోలు చేస్తే, సర్ఛార్జ్ రివర్సల్లో వస్తువులు, సేవల పన్ను ఉండదని గమనించాలని బ్యాంకింగ్ రంగ నిపుణులు చెబుతున్నారు.
డయల్-ఎ-డ్రాఫ్ట్ లావాదేవీల కోసం క్రెడిట్ కార్డ్ వినియోగదారులు డ్రాఫ్ట్ విలువలో 3 శాతం రుసుమును చెల్లించాలి. దీని కనీస ఛార్జీ రూ. 300గా ఉంది. ఐసీఐసీ బ్యాంక్ క్రెడిట్ కార్డ్ల ద్వారా చేసే అద్దె చెల్లింపుల కోసం లావాదేవీపై 1 శాతం రుసుము వర్తిస్తుంది. అలాగే వ్యాపారులకు అన్ని అద్దె చెల్లింపులపై 1 శాతం రుసుము విధిస్తారు. వ్యాపారి కేటగిరీ కోడ్ 6513తో లావాదేవీలకు రివార్డ్ పాయింట్లు వర్తించవు. చెల్లింపు గడువు తేదీలోగా చెల్లించాల్సిన మొత్తం చెల్లించకపోతే వడ్డీ విధిస్తారు. ఫీజులు, ఛార్జీలు, జీఎస్టీ, పన్నులు మినహాయించి, మొత్తం బకాయి మొత్తం మరియు అన్ని కొత్త లావాదేవీలపై వడ్డీ లెక్కిస్తారు. ఇది మునుపటి బకాయి మొత్తాలను పూర్తిగా చెల్లించే వరకు ఉంటుంది. లావాదేవీ తేదీ నుంచి చెల్లింపు తేదీ వరకు అన్ని నగదు అడ్వాన్స్లపై వడ్డీ విధిస్తారు. డిఫాల్ట్ అయితే వడ్డీ రేటు గరిష్టంగా 3.8 శాతం/నెల వరకు పెరగవచ్చు. ఇది సంవత్సరానికి 46 శాతానికి సమానంగా ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
