బ్రేకింగ్: వాల్మీకి టైటిల్ చేంజ్..!

వాల్మీకి టైటిల్ వివాదానికి తెర పడింది. ఈ సినిమా టైటిల్‌ను గడ్డలకొండ గణేష్‌గా మార్చారు. గత కొద్ది రోజులుగా వాల్మీకి సినిమా టైటిల్ విషయంలో వివాదం జరుగుతున్న సంగతి తెలిసిందే. ఈ సినిమా టైటిల్ మార్చాల్సిందే అని.. ఓ వర్గం పట్టుబట్టింది. క్రైమ్ సినిమాకు ఈ టైటిల్ పెట్టి తమ కులాన్ని అవమానిస్తున్నారని వదిలేది లేదంటూ బోయ కులస్థులు ఆందోళన చేపట్టారు. వాల్మీకి టైటిల్ మార్చాలని బోయ హక్కుల పోరాట సమితి హైకోర్టులో పిటిషన్ వేసింది. పిటిషన్ పై చిత్ర యూనిట్‌కు హైకోర్టు నోటీసులు జారీ చేసింది. దీంతో వివరణ ఇచ్చిన చిత్ర యూనిట్ టైటిల్‌ని మారుస్తున్నామని కోర్టుకు తెలిపింది. కొత్త టైటిల్ గడ్డలకొండ గణేష్ అని నిర్మాతలు, దర్శకుడు తెలిపారు.