‘కరోనాపై పోరుకు లాక్ డౌన్ పరిష్కారం కాదు.. రాహుల్ గాంధీ

కరోనాపై పోరాటానికి లాక్ డౌన్ విధింపు పరిష్కారం కాదని కాంగ్రెస్ నేత రాహుల్ గాంధీ అన్నారు. ప్రభుత్వం మొదట టెస్టింగ్ ప్రక్రియను పెద్ద ఎత్తున చేపట్టాలని ఆయన సూచించారు. ఈ ప్రక్రియను ముమ్మరం చేస్తేనే ఈ మహమ్మారికి అడ్డుకట్ట వేయగలుతామని చెప్పారు. ఎలా చూసినా ఈ వైరస్ ను తరిమి కొట్టజాలమని, లాక్ డౌన్ విధిస్తే కొద్దికాలం మాత్రం ఆపగలుగుతామని ఆయన పేర్కొన్నారు. టెస్టింగ్ తప్పనిసరి అంటూ ఓ వీడియో యాప్ ద్వారా మీడియాతో కాంటాక్ట్ అయ్యారు రాహుల్. ఈ వైరస్ ను ప్రభుత్వం తరుముతోంది.. కానీ దీని అసలైన లక్షణాలు మనకు అవగతం కావడంలేదు అని అన్నారు. దేశంలో ప్రస్తుతం టెస్టింగ్ లెవెల్ చాలా తక్కువ స్థాయిలో ఉందని, ఈ స్థాయిని వ్యూహాత్మకంగా పెంచాలని ఆయన సలహా ఇచ్చారు.